Kartli çarlığı

Kartli çarlığı — Şərqi Gürcüstanda dövlət. XV əsrin 2-ci yarısında vahid Gürcüstan çarlığının parçalanması nəticəsində yaranmışdı. Paytaxtı Tiflis idi. Dövlətin iqtisadiyyatı natural təsərrüfata əsaslanırdı. Kartli çarlığı yarımmüstəqil inzibati vahidlərə (satavado) bölünürdü. XVII əsrin sonu – XVIII əsrin əvvəllərində çarlığın iqtisadi və mədəni həyatında yüksəliş baş vermidi. Kartli çarlığı XVI– XVIII əsrlərdə müstəqillik uğrunda Səfəvilər dövləti və Osmanlı İmperiyasına qarşı mübarizə aparmışdır. 1723-cü ildə çarlıq Osmanlı İmperiyası tərəfindən, 1735-ci ildə isə Nadir şahın qoşunları tərəfindən tutmuşdu. Nadir şahın ölümündən sonra yenidən müstəqil olan Kartli, 1762-ci ildə, çar II İraklinin dövründə, Kaxeti çarlığı ilə birləşdi; vahid Kartli-Kaxeti çarlığı yarandı. 1801-ci ildə isə Kartli-Kaxeti çarlığı Rusiya imperiyasının tərkibinə daxil oldu.

Tarixi dövlət
Kartli çarlığı
ქართლის სამეფო
Bayraq Gerb
←   → 1466 — 1762
Paytaxt	Tiflis
Rəsmi dilləri	Gürcü dili
Dövlət dini	Pravoslav, İslam
İdarəetmə forması	Monarxiya
Vikianbarda əlaqəli mediafayllar

Hökmdarları

Portret	Adı	Hakimiyyət illəri	Əvvəlki çarlarla əlaqəsi
	II Konstantin	1484–1505	I Aleksandrın nəvəsi
	X David	1505–1525	II Konstantinin oğlu
	IX Georgi	1525–1527	X Davidin qardaşı
	Luarsab	1527–1556	X Davidin oğlu
	I Simon	1556–1569 1578–1599	X Davidin oğlu
	XI David	1569–1578	X Davidin oğlu
	X Georgi	1599–1606	I Simonun oğlu
	II Luarsab	1606–1615	I Simonun oğlu
	VII Baqrat	1615–1619	XI Davidin oğlu
	II Simon	1619–1630	VII Baqratın oğlu
	I Teymuraz	1630–1634	(Kartli Kaxetiya ilə birgə idarə olundu)
	I Rüstəm	1633–1658	XI Davidin oğlu
	V Vaxtanq	1658–1675	II Konstantinin kötücəsi
	XI Georgi	1675–1688 1703–1709	V Vaxtanqın oğlu
	I İrakli	1688–1703	I Teymurazın oğlu
	Keyxosrov	1709–1711	XI Georginin qardaşı oğlu
	I Yese	1714–1716 1724–1727	Keyxosrovun qardaşı
	VI Vaxtanq	1716–1724	Keyxosrov və I Yesenin qardaşı
	II Teymuraz	1744–1762	I İraklinin nəvəsi

Həmçinin bax

• Mesxeti atabəyliyi