Vikipediya

Landau School

məktəb

LANDAU School – 2018-ci ildə əsası qoyulmuş, ilk Azərbaycanlı Nobel mükafatı laureatı, nəzəriyyəçi fizik Lev Landaunun adını daşıyan və Bakıda fəaliyyət göstərən özəl orta məktəb kompleksi. LANDAU School "LANDAU Education Group"-un layihələrindən biridir.

Landau School
LANDAU
“LANDAU School” Tədris Kompleksi
Gerbi
Gerbi
Əsası qoyulub 2018
Tip QSC
Direktor Emil Leznik[1]
Şagird sayı 3000+
Müəllim sayı 652
Şəhər Bakı Bakı
Ölkə
Ünvan Üzeyir Hacıbəyli küç. 57, Nəsimi rayonu, Bakı, Azərbaycan (Baş ofis)
Sayt landauschool.com
Vikianbarın loqosu Vikianbarda əlaqəli mediafayllar

2022/2023 tədris ili etibarilə 3000-dən çox şagirdin təhsil aldığı LANDAU School Qafqazın ən böyük özəl məktəblərindən biridir.

LANDAU School-un nəzdində "LANDAU Kindergarten" (uşaq bağçası), "LANDAU PreSchool" (məktəbəqədər hazırlıq), "LANDAU Evening School" kursları (II–VII siniflərə qəbul üçün hazırlıq kursları) və "LANDAU Academy" (müəllimlər üçün ixtisasartırma kursları) fəaliyyət göstərir.

Tarixi

redaktə
 
Loqo

2018-ci ildə Bakıda "LANDAU Education Group"-a daxil olan "Leznik & Co." şirkətinin ofisinin açılışından 40 gün sonra baş vermiş yanğının ertəsi günü layihənin təsisçiləri Emil Leznik və Rahul D'Mello hazırda LANDAU School-un korpuslarından biri olan "Zabitlər" binasında qərara alırlar ki, məhz burada təkcə riyaziyyatı deyil, həmçinin xarici dillər və humanitar fənlərin də tədris edildiyi yeni bir məktəb açılsın.[2][3][4]

2022-ci ildə Dövlət İmtahan Mərkəzində DİM və "LANDAU School" Tədris Kompleksi arasında Anlaşma Memorandumu imzalanıb.[5]

2022 və 2023-cü illərdə Gənclər və İdman, Elm və Təhsil nazirliklərinin və Azərbaycan Şahmat Federasiyasının dəstəyi, "LANDAU School" Təhsil Kompleksinin təşkilatçılığı ilə "Landau" Şahmat Festivalı keçirilib.[6][7][8]

Tədrisin təşkili

redaktə

STEM (ing. Science, technology, engineering, and mathematics (STEM)) təhsili həyata keçirən məktəbdə tədris Azərbaycan, rus və ingilis dilləri olmaqla 3 dildə aparılır. İngilis bölməsində dərslər Britaniya kurrikulumu ("Pearson Edexcel" proqramı; IGCSE (ing. International General Certificate of Secondary Education) və "A-Level") üzrə keçirilir. 11-ci sinfi bitirdikdən sonra məzunlar yerli də daxil olmaqla iki attestat alırlar. Azərbaycan və rus bölmələrində dərslər yerli kurikulum əsasında keçirilir. LANDAU School-da "House system" (azərb. Ev sistemi‎) fəaliyyət göstərir. Bütün şagirdlər hər birinin Azərbaycan bayrağına uyğun rəngləri və simvolları olan üç qrupa bölünüblər: Əjdaha (göy), Simurq (qırmızı) və Peqas (yaşıl).

Məktəbin baş məsləhətçisi təhsil sahəsində təcrübəli britaniyalı mütəxəssis Devid Dreperdir.[9]

LANDAU Kindergarten

 
LANDAU Kindergarten

Məktəbəqədər təhsildə ilkin pillə hesab olunan uşaq bağçası 3–4 yaşlı uşaqlar üçün nəzərdə tutulub.

LANDAU PreSchool

 
PreSchool

Məktəbəqədər təhsil müəssisəsi olan "LANDAU PreSchool" isə 4–6 yaşlı uşaqlar üçün nəzərdə tutulub. "PreSchool"-da ingilis dilində Azərbaycan nağılları əsasında hazırlanmış tamaşalar keçirilir.

LANDAU Evening School

 
LANDAU Evening School

LANDAU Evening School həm LANDAU School-a qəbul olunmağa hazırlıq, həm də riyaziyyat və ingilis dili üzrə biliklərini təkmilləşdirmək istəyən digər məktəblərin 1–6 sinif şagirdləri üçün nəzərdə tutulmuş kursdur. Şagirdlər həmyaşıdlarının bilik səviyyəsini ən azı 1 il qabaqlayan proqrama əsasən hazırlaşırlar.

LANDAU Academy

"LANDAU Academy" Azərbaycan Respublikası Elm və Təhsil Nazirliyi tərəfindən tanınan, müəllimlərin ixtisaslarını artırdıqları, "A-Level", SAT (ing. Scholastic Assessment Test), IGCSE üzrə tədris metodikalarına yiyələndikləri, və proqramı uğurla başa vurduqdan sonra LANDAU School-da müəllim olmaq şansı əldə etdikləri ödənişli kurslardır. Layihənin əsas məqsədi yerli kadrların ixtisasının artırılmasıdır.

LANDAU Learning App

"LANDAU Learning App" Britaniya kurikulumuna əsaslanan, orta məktəb dövrü ərzində keçilən əsas proqramları əhatə edən, müxtəlif testlər, ev tapşırıqları və mövzular ilə bağlı xülasələrlə zəngin 10000 dəqiqəlik maarifləndirici videoçarxlardan ibarət təhsil məzmunlu onlayn platformadır.

LANDAU Charity

Məktəb təhsil sahəsində bir neçə xeyriyyə layihəsini həyata keçirir, onlardan ən genişəhatəli "UZEYIR Scholarship", "POLAD Scholarship" və "NATAVAN Scholarship"-dir.[10]

"UZEYIR Scholarship"

UZEYIR Scholarship LANDAU School komandasının fiziki imkanları məhdud uşaqları dəstəklədiyi, onlar üçün təmənnasız onlayn təhsil şəklində əlavə dərslər keçirdiyi bir layihədir.

Üzeyir Hacıbəyli Azərbaycanın müasir musiqi sənətinin banisi, görkəmli bəstəkar, dövlət himninin müəllifi, dirijor, habelə doğma ölkəsində cəmiyyətin inkişafına verdiyi töhfələri çox dəyərli olan maarifçi, xeyriyyəçi və mesenatdır. Ü. Hacıbəyli müsəlman dünyasında ilk operanın müəllifi olmuş və eyni zamanda, Azərbaycanın bəstəkar və musiqiçilərinin böyük bir qrupunu yetişdirmişdir. Məhz buna görə LANDAU School komandası fiziki imkanları məhdud uşaqlar üçün təhsil proqramının adını Üzeyir Hacıbəylinin şərəfinə seçmişdir.

"POLAD Scholarship"

"POLAD Scholarship" – LANDAU School komandasının öz vətənini müdafiə edərkən həlak olmuş Azərbaycan şəhidlərinin övladlarına həsr etdiyi bir təqaüd proqramıdır. LANDAU School-da oxumaq istəyən şəhid oğul və qızları ödənişsiz əsasda təhsil alırlar.

Polad Həşimov Azərbaycanın Milli Qəhrəmanıdır.

"NATAVAN Scholarship"

"NATAVAN Scholarship" analarını erkən yaşlardan itirmiş istedadlı qızların LANDAU School-da ödənişsiz əsasda təhsil almaları üçün nəzərdə tutulmuş təqaüd proqramıdır. Layihə Şuşanın azad edilməsi şərəfinə, həm də tanınmış şairə Natəvanın xatirəsini ehtiramla yad etmək məqsədilə yaradılmışdır.

Xurşudbanu Natəvan – görkəmli Azərbaycan şairəsi, Qarabağın son xanının qızıdır. O, 1832-ci ildə Şuşada anadan olmuş və 1897-ci ildə vəfat edənə qədər bütün ömrünü Şuşada yaşamışdı. Şairə poetik yaradıcılıq irsinə əlavə olaraq öz xeyriyyəçilik işləri ilə də gözəl bir xatirə qoyub getmişdir.

Xeyriyyə

redaktə
 
Xeyriyyə tədbiri

LANDAU School İkinci Qarabağ müharibəsi zamanı Azərbaycan Respublikasının Silahlı Qüvvələrinə Yardım Fonduna vəsait köçürməklə Azərbaycan Ordusunu dəstəkləmişdir.

Bununla yanaşı, məktəbdə bir neçə dəfə keçirilmiş "Bake to Donate" xeyriyyə yarmarkalarından da əldə olunan gəlir Qarabağ Dirçəliş Fondu[11][12][13] və YAŞAT Fonduna ianə edilmişdir.

Uğurları

redaktə
 

LANDAU School-un şagirdləri mütəmadi olaraq beynəlxalq olimpiadalarda, turnirlərdə iştirak edir və qalib olurlar.[14][15]

2019-cu ildə səkkiz komandasından yeddisinin yarışmanın əsas mərhələsinə vəsiqə qazandığı "World Scholar's Cup" turnirinin Bakı mərhələsində məktəb uğur əldə edilib.

LANDAU School 2019-cu ildən 11–18 yaşlı məktəblilər üçün beynəlxalq intellektual yarış platforması olan "Owlypia"-nın Azərbaycanda ilk rəsmi imtahan mərkəzidir.

2020-ci ildə LANDonl-un beş şagirdi "Owlypia" intellektual yarışının "Online" mərhələsinin bahar testlərini uğurla verib və hamısı mükafat qazanıb: iki qızıl, iki gümüş və bir bürünc medal.

2021-ci ildə LANDAU School Azərbaycan Respublikasının Kiçik və Orta Biznesin İnkişafı Agentliyinin (KOBİA) strateji tərəfdaşlığı bp və Azərbaycan Beynəlxalq Bankının sponsor dəstəyi ilə "EY Azerbaijan" şirkəti tərəfindən keçirilən "EY İlin iş adamı" müsabiqəsində "Sosial təsir" nominasiyası üzrə təltif olunub.[16]

2021-ci ilin aprel ayından etibarən LANDAU School-da ACT imtahanını (ing. American College Testing (ACT)) vermək mümkündür.

2022-ci ilin yay aylarında Almaniyada keçirilmiş beynəlxalq STEM olimpiadasında LANDAU School şagirdləri 17 qızıl, 8 gümüş və 5 bürünc medal əldə ediblər.

2022-ci ilin oktyabr ayında LANDAU School şagirdləri Londonda keçirilən "Owlypia" beynəlxalq yarışmasının "Global" mərhələsində fərdi nominasiyalar üzrə 1 qızıl, 3 gümüş medal əldə ediblər. Komanda yarışlarında isə onlar həm birinci, həm də ikinci yerlərin sahibi olaraq, yarışmanın kubokunu məktəbə qazandırıblar.

2022-ci ilin noyabr ayında ABŞ-ın Yel Universitetində keçirilən "The World's Scholar Cup" beynəlxalq bilik olimpiadasında LANDAU School şagirdləri 18 qızıl və 14 gümüş medal əldə ediblər.[17][18][19]

Məktəbin korpusları

redaktə

LANDAU School 2022/2023 tədris ili etibarilə 9 tədris korpusuna malikdir: "Bayıl", "Nərimanov", "Gənclik", "Sea Breeze", "Zabitlər", "PreSchool Sea Breeze", "PreSchool Bayıl", "PreSchool Nərimanov" və "PreSchool Xətai".

Həmçinin bax

redaktə

İstinadlar

redaktə
  1. ↑ "Emil Leznik: Əsas məqsəd abituriyentlərin repetitorsuz hazırlaşa bilməsidir". 2023-07-26 tarixində arxivləşdirilib. İstifadə tarixi: 2023-03-18.
  2. ↑ "Leznik & Co. və LANDAU layihələri: Təhsilə prinsipial cəhətdən yeni yanaşma – Emil Leznik ilə müsahibə + FOTO". 2023-02-21 tarixində arxivləşdirilib. İstifadə tarixi: 2023-03-18.
  3. ↑ "Проекты Leznik & Co. и LANDAU - принципиально новый подход к обучению. ИНТЕРВЬЮ с Эмилем Лезник - ФОТО". 2023-02-21 tarixində arxivləşdirilib. İstifadə tarixi: 2023-03-18.
  4. ↑ "Что предлагают частные школы Азербайджана? LANDAU School. Инвестиции в будущее". 2023-03-06 tarixində arxivləşdirilib. İstifadə tarixi: 2023-03-18.
  5. ↑ "Dövlət İmtahan Mərkəzi və "LANDAU School" Tədris Kompleksi arasında Anlaşma Memorandumu imzalanıb". 2023-02-24 tarixində arxivləşdirilib. İstifadə tarixi: 2023-03-18.
  6. ↑ "Landau Şahmat Festivalının qalibləri mükafatlandırıldı". 2023-07-27 tarixində arxivləşdirilib. İstifadə tarixi: 2023-07-27.
  7. ↑ ""Landau" şahmat festivalı başladı". 2023-07-27 tarixində arxivləşdirilib. İstifadə tarixi: 2023-07-27.
  8. ↑ "Landau Şahmat Festivalı başa çatdı". 2023-07-27 tarixində arxivləşdirilib. İstifadə tarixi: 2023-07-27.
  9. ↑ "Devid Dreper: "LANDAU School Britaniya məktəblərinin təhsil standartlarına cavab verir"". Report İnformasiya Agentliyi (az.). 2021-06-03. 2023-06-01 tarixində arxivləşdirilib. İstifadə tarixi: 2023-06-01.
  10. ↑ "Ангелы милосердия: элитная частная школа Баку будет бесплатно обучать детей шехидов и девочек без матерей". 2023-02-21 tarixində arxivləşdirilib. İstifadə tarixi: 2023-03-18.
  11. ↑ "Qarabağ Dirçəliş Fondu tərəfindən "LANDAU School"a "İanə sertifikatı" təqdim olunub (FOTO)". 2023-03-18 tarixində arxivləşdirilib. İstifadə tarixi: 2023-03-18.
  12. ↑ "Qarabağ Dirçəliş Fondu tərəfindən "LANDAU School"a "İanə sertifikatı" təqdim olunub – FOTO". 2023-03-16 tarixində arxivləşdirilib. İstifadə tarixi: 2023-03-18.
  13. ↑ "Qarabağ Dirçəliş Fondu tərəfindən "LANDAU School"a "İanə sertifikatı" təqdim olunub". 2023-07-26 tarixində arxivləşdirilib. İstifadə tarixi: 2023-03-18.
  14. ↑ ""Landau School"un şagirdləri Azərbaycana 18 qızıl, 18 gümüş medalla qayıdıb". 2023-07-26 tarixində arxivləşdirilib. İstifadə tarixi: 2023-03-18.
  15. ↑ "Мальчик - "калькулятор" из Гусарского района". 2023-02-23 tarixində arxivləşdirilib. İstifadə tarixi: 2023-03-18.
  16. ↑ Azərbaycanda "EY İlin İş Adamı" müsabiqəsinin qalibi elan edilib Arxivləşdirilib 2023-02-21 at the Wayback Machine; ru Arxivləşdirilib 2023-02-21 at the Wayback Machine; en Arxivləşdirilib 2023-02-21 at the Wayback Machine
  17. ↑ "Azərbaycanlı məktəblilər ABŞ-dən 18 qızıl medalla qayıdıb – Foto+Video". 2023-02-21 tarixində arxivləşdirilib. İstifadə tarixi: 2023-03-18.
  18. ↑ ""Landau School"un şagirdləri Azərbaycana – 18 qızıl, 18 gümüş medalla qayıdıb – FOTOLAR". 2023-02-21 tarixində arxivləşdirilib. İstifadə tarixi: 2023-03-18.
  19. ↑ "Азербайджанские школьники вернулись из США с 18 золотыми медалями!". 2023-02-21 tarixində arxivləşdirilib. İstifadə tarixi: 2023-03-18.

Mənbə

redaktə

Xarici keçidlər

redaktə
Mənbə — "https://az.wikipedia.org/w/index.php?title=Landau_School&oldid=7584650"