Məhərrəm Bayramov
Məhərrəm Bağır oğlu Bayramov (13 may 1928, Aşağı Necili, İrəvan qəzası – 6 yanvar 1981, İrəvan) — Amasiya rayonu Partiya Komitəsinin birinci katibi (1969–1974), Ermənistan KP MK-nın üzvü, Ermənistan SSR Ali Soveti Rəyasət Heyətinin sədr müavini, Ermənistan SSR Ali Sovetinin deputatı (VIII–X çağırış), "Sovet Ermənistanı" qəzetinin baş redaktoru (1974–1981)[1], Ermənistan SSR əməkdar jurnalisti (1978).
| Məhərrəm Bayramov | |
|---|---|
 | |
| 1969 – 1974 | |
| Əvvəlki | Harutun Hakopyan |
| Sonrakı | Cahangir Əliyev |
| 1974 – 1981 | |
| Əvvəlki | Həbib Həsənov |
| Sonrakı | Cahangir Əliyev |
| Şəxsi məlumatlar | |
| Doğum tarixi | 13 may 1928 |
| Doğum yeri | |
| Vəfat tarixi | 6 yanvar 1981 (52 yaşında) |
| Vəfat yeri | |
| Vəfat səbəbi | güllə yarası[d] |
| Dəfn yeri | |
| Partiya |
|
| Fəaliyyəti | yazıçı, ədəbiyyatşünas, siyasətçi |
|
|
|
| Təltifləri |
  |
.svg){kind=small}
Həyatı
redaktəMəhərrəm Bağır oğlu Bayramov 13 may 1928-ci ildə İrəvan yaxınlığındakı Uluxanlı (Masis) rayonunun Aşağı Necili (Sayat Nova) kəndində doğulmuşdur. Burada yeddiillik kənd məktəbini bitirdikdən sonra təhsilini İrəvan pedoqoji məktəbində davam etdirmiş və doğulduğu kənddə bir il müəllim işləmişdir. O, 1947-ci ildə Azərbaycan Dövlət Universitetinin filologiya fakültəsinə qəbul olunmuş, 1952-ci ildə buranı bitirdikdən sonra Azərbaycan LKGİ MK-da təlimatçı kimi fəaliyyət göstərmişdir. İki il Bakıda işlədikdən sonra 1954-cü ildə İrəvana qayıtmış və burada Ermənistan LKGİ MK-da təlimatçı işləmişdir. O, 1955-ci ildə Ermənistan KP MK təlimçisi vəzifəsinə yüksəlir.[2]
Məhərrəm Bayramov 1964–1966-cı illərdə Ararat (Vedi) rayon Partiya Komitəsinin katibi, 1966–1969-cu illərdə "Sovet Ermənistanı" qəzetinin redaktor müavini vəzifəsində işləmişdir. O, 1969-cu ildən 1974-cü ilə qədər Amasiya rayon Partiya Komitəsinin birinci katibi, 1974-cü ildən ömrünün sonuna qədər "Sovet Ermənistanı" qəzetinin baş redaktoru olmuşdur. Məhərrəm Bayramov bu illərdə həm də Ermənistan SSR Ali Sovetinin deputatı və Rəyasət heyətinin müavini olmuşdur.[2] O, "Ermənistan SSR əməkdar jurnalisti" fəxri adı, "Şərəf nişanı" ordeni və digər medallarla təltif olunmuşdur.
Ədəbi fəaliyyəti
redaktəO, həm də yazıçı və dramaturq idi. İlk kitabı "Fırtınadan sonra" 1964-cü ildə İrəvanın "Haypethrat" nəşriyyatı tərəfindən nəşr edilmiş, "əziz və mehriban anası Fatmaya" ithaf etmişdir. Kitaba "Peşmançılıq", "Pir kömək eləmədi", "Molla Qədirin toru", "Məni bağışla", "Carulla" və sair hekayələri, "Qeybulla" kiçik pyesi daxil edilmişdi.
Məhərrəm Bayramov təcrübəli jurnalist və filoloq idi. Azərbaycan Dövlət Universitetinin filologiya fakültəsini bitirmiş M. Bayramov 1969-cu ildə Bakıda "Şirvanzadə və Azərbaycan" mövzusunda namizədlik dissertasiyası müdafiə etmiş, filologiya elmləri namizədi olmuşdur.[3] O, erməni-Azərbaycan ədəbi əlaqələri haqqında bir sıra kitab və məqalələrin müəllifi olmuşdur. Əkbər Yerevanlı ilə yanaşı Ermənistan SSR-ində yaşayıb yaratmış Azərbaycan yazıçı və şairlərinin əsərlərinin nəşr edildiyi "Ədəbi Ermənistan" məcmüəsinin tərtibaçılarından olmuşdur.
Ölümü
redaktəMəhərrəm Bayramov 6 yanvar 1981-ci ildə həlak olmuşdur.[4] İstintaq nəticəsində onun özünü güllələyərək intihar etməsi bildirilsə də, mətbuatda ölüm səbəbi qeyd edilməmişdir. Buna baxmayaraq, hadisə yerinə gəlmiş şəxslər Məhərrəm Bayramovun intihar etmədiyini, evinə gedərkən arxadan gələn yük maşınından güllələnərək qətlə yetirildiyini qeyd etmişlər.[5] M. Bayramovun dəfni təşkil etmək üçün İsrafil Məmmədov də daxil olmaqla xüsusi komissiya yaradılmış və o, Ağadədə qəbiristanlığında dəfn edilmişdir.
Əsərləri
redaktə- Fırtınadan sonra. Yerevan: Haypethrat, 1964;
- Məslək dostları. C. Məmmədquluzadə və A. Şirvanzadə (C. Məmmədquluzadənin anadan olmasının 100 illiyi münasibətilə). Yerevan: Ermənistan SSR "Bilik" Cəmiyyəti, 1966;
- Aleksandr Şirvanzadə və Azərbaycan. Yerevan: Hayastan, 1971.
İstinadlar
redaktə- ↑ İsmayıl. "İrəvanda Azərbaycan mətbuatı". sherg.az. 2017-05-12. 2017-07-02 tarixində orijinalından arxivləşdirilib. İstifadə tarixi: 2019-03-01.
- ↑ 1 2 Zeynalov, Əsgər. İrəvan xanlığı... Gerçəkliyin aydınlığı. Bakı: Lulu Enterprises Inc. 2016. 383–385. ISBN 978-1-329-95408-3.
- ↑ Azərbaycanda müdafiə olunmuş dissertasiyaların biblioqrafiyası 1920–1975. I hissə Humanitar elmlər. Bakı: Elm. 1981. 201.
- ↑ Allahverdiyev, Cəlal. Qərbi Azərbaycan mətbuatı tarixi. Bakı: "Səda" nəşriyyatı. 2024. 215.
- ↑ "Baş redaktorun intihar kimi təqdim olunan müəmmalı qətli". azvision.az. 2023-07-23. 2024-08-10 tarixində arxivləşdirilib. İstifadə tarixi: 2024-08-10.