Vikipediya

Nurlana Cəfərova

Nurlana Cəfərova (tam adı: Cəfərova Nurlana Sakit qızı) — azərbaycanlı aparıcı, tərcüməçi, aktrisa.[1]

Nurlana Cəfərova
Doğum tarixi 1988
Doğum yeri
İxtisası filoloq
Vikianbarın loqosu Vikianbarda əlaqəli mediafayllar

Həyatı

redaktə

Televiziya fəaliyyəti

redaktə

Nurlana Cəfərova 1988-ci ilin 24 sentyabr tarixində Bakı şəhərində dünyaya göz açıb.

İxtisasca filoloq olan aparıcı ilk dəfə 2006-cı ilin iyun ayında Azad Azərbaycan televiziyasının elan etdiyi müsabiqədə iştirak edərək, müsabiqə qalibi kimi 106.3 FM radiosunda çalışmağa başlamışdır.[2] İlk radio efirinə Emin Musavi ilə birlikdə 2006-cı ilin 25 sentyabrında çıxmışdır. Həmin ilin sonu, şəxsi istəyi ilə eyni şirkətin 106 FM radiosunda işə davam edərək, 2007-ci ilin yanvar ayında ATV kanalında TOP 10 adlı ilk televiziya efirinə başlamışdır. Daha sonra, Azad Azərbaycan televiziyasının efirində , həm müəllifi olduğu gündəlik canlı efir yayımına çıxan ATV Club verilişini müğənni Azad Şabanovla birlikdə tamaşaçılara təqdim etmişdir. Ardınca , ATV Səhər və FreeZone verilişləri ilə efirdə olan aparıcı, paralel olaraq radio fəaliyyətini davam etdirmişdir. Nurlana Cəfərova aktrisa kimi ATV-nin "Qız Atası" və "Kişi Sözü" seriyallarında rol alıb.[3][4]

2014–2016-cı illər ərzində 106 FM radiosunun direktoru vəzifəsində çalışmışdır.[3][4]

Nurlana həm də İdman Azərbaycan kanalının "Mərc Meydanı" verilişinin aparıcısı olub. Azərbaycan Televiziyasının "Bakı Gecələri"[5], "İllərin Nəğmələri",[6] "Bir Axşam"[6] adlı verilişlərinin aparıcısı olub.

Analıq məzuniyyətindən sonra 2023-cü ilin dekabrından, Nurlana Cəfərova çalışdığı iş yerini dəyişərək İctimai TV-də iş fəaliyyətinə başlayıb. Hazırda Dikdaban verilişinin aparıcısıdır.[7]

Radioda çalışdığı dönəmdə, bir çox dünya ulduzları : Akcent, Morandi, Byanka, Thomas Nevergreen, Ferry Corsten, Hardwell, Boney M qrupu, 50 Cent və s. ilə müsahibələr etmişdir.[mənbə göstərin]

2016-cı il Formula 1 yarışının tədbir aparıcısı, 2017-ci il 4-cü İslam Həmrəyliyi Oyunlarının boks və zorxana oyunları üzrə ingilis dilində şərhçi aparıcısı kimi işləmişdir.[mənbə göstərin]

2016-cı ilin oktyabr ayından Azərbaycan Televiziya və Radiosu Qapalı Səhmdar Cəmiyyətində çalışmağa başlayan[8][9] Nurlana Cəfərova ilk olaraq Mədəniyyət Kanalının gündəlik proqramı olan Görüş Yeri verilişini tamaşaçılara təqdim edir.[10][11] Nurlana həm də İdman Azərbaycan kanalının Mərc Meydanı verilişinin aparıcısı olub. Hal-hazırda Azərbaycan Televiziyasının Bakı Gecələri verilişinin aparıcısıdır. 2017-ci ilin oktyabr ayından etibarən aparıcı, həm də Azərbaycan Televiziyasının Musiqi və Əyləncəli proqramlar redaksiyasının baş redaktoru vəzifəsində çalışır. Nurlana Cəfərova 2018-ci il Portuqaliyada keçirilən Avroviziya Mahnı Müsabiqəsinin Azərbaycan üzrə 5 münsif heyətindən biri seçilib. Aparıcıdan əlavə bu heyətdə xalq artistləri Mübariz Tağıyev, Faiq Ağayev, əməkdar artist İlahə Əfəndiyeva və caz ifaçısı Tünzalə Qəhrəman olub.[12]

Heydər Əliyev Fondunun dəstəyi ilə, Azərbaycan Mədəniyyət Fondununun layihəsi əsasında, Azərbaycan Televiziyasının təşkilatçılığı, Mədəniyyət Nazirliyinin iştirakı ilə keçirilən 7-ci Muğam Televiziya Müsabiqəsi 2019-un aparıcısı olub. Həmçinin 27 iyul 2019-cu ildə Avropa Gənclər Yay Olimpiya Festivalının Crystal Hall zalında keçirilən bağlanış mərasimini ingiliscə aparıb.[mənbə göstərin]

İsveçin Malmö şəhərində keçirilən "Avroviziya-2024" mahnı müsabiqəsi İctimai Televiziya və Radio Yayımları Şirkəti efirindən Nurlana Cəfərova tərəfindən şərh edilmişdir.[13]

Hazırda Azərbaycanın Avroviziyada nümayəndə heyətin rəhbəridir.[14]

Bəstəkarlıq fəaliyyəti

redaktə

2019-cu ilin noyabrında Eldar Qasımovun ifasında musiqisi Ülviyyə Bəbirliyə, sözləri Nurlana Cəfərovaya məxsus "Bax Uçuram" adlı ifa dinləyicilərə təqdim olunub.[15] Ardınca xalq artisti Nazpəri Dostəliyeva ilə Eldar Qasımovun "Bizi Tanrı Qorusun" mahnısı işıq üzü görür.[mənbə göstərin]

Bundan əlavə Nurlana Cəfərova Faiq Sücəddinovun bəstəsi olan Zamiq Hüseynov tərəfindən ifa edilən "Leyla" adlı mahnın söz müəllifidir. Həmçinin Aysel Teymurzadənin (Adıgözəlzadə) "Yeni İl" , Samirənin "Çarəsizəm", DiHajın "Ana" , Rilayanın "Qucağıma Gəl" , Qorqudun "Evim Sənsən", "Bağışla", "Bridges in the dark" və s. mahnılarının sözlərini Nurlana Cəfərova yazıb.[mənbə göstərin]

17 dekabr 2019-cu ildə Nurlana Cəfərovanın "Hər İki Mən" adlı ilk şeirlər toplusu işıq üzü görmüşdür. Kitaba 60-dan çox şeir daxildir. Kitabın təqdimatı 2020-ci ilin yanvar ayında Yarat Yaradıcılıq Mərkəzində baş tutub.[mənbə göstərin]

2022-ci ildə Oksana Rəsulova Nurlananın "Hər İki Mən" kitabından olan "Dram" şeirini səsləndirir, rejissor Tərlan Tağıyev şeirə video hazırlayır və bu sosial mesajlı şeirin video təqdimatı Nizami Kino Mərkəzində təşkil olunub.[16]

Bundan əlavə "Qadın Bağışlar", "Tərk Edirəm" şeirlərinin video versiyaları çıxdıqdan sonra, Nurlana şairə kimi 2023-cü ilin fevral ayından Azərbaycan Yazıçılar Birliyinin üzvü seçilib.[17]

Mükafatlar

redaktə
  1. "Yaxşıların Yaxşısı" mükafatı — 2008-ci ilin ən yaxşı gənc aparıcısı – Bakı Şəhər Gənclər və İdman baş İdarəsi (tərəfindən)[18]
  2. İlin ən yaxşı tədbir aparıcısı 2010 — Mədəniyyət və Turizm nazirliyi
  3. İlin ən yaxşı radio aparıcısı 2011 — Gənclər və İdman nazirliyi

Apardığı tədbirlər

redaktə

Azərbaycan Televiziyasının layihələri

redaktə
  1. Elza İbrahimovanın 80 illik yubileyinə həsr olunmuş yubiley gecəsi
  2. Dan Ulduzu instrumental ansamblının konserti
  3. Ötən İllərin Nəğmələri adlı konsert proqramı
  4. Mübariz Tağıyevin 70 illik yubileyinə həsr olunmuş gecə
  5. Səid Rüstəmovun mahnılarından ibarət konsert
  6. Mobil Babayevin yaradıcılıq gecəsi
  7. Süleyman Ələsgərovun xatirə gecəsi
  8. Şövkət Ələkbərova 80
  9. Oqtay Kazıminin xatirə gecəsi

Digər Tədbirlər

redaktə
  1. Fashion Show by Turkic countries
  2. Manchester United & Bakcell Partnership Event
  3. Gala Dinner for Paul W. Anderson
  4. Toyota Rav4 Corporate Event
  5. Access Bank`s 10 th Anniversary
  6. Youth Day 2 nd of February by the Ministry Youth and Sport
  7. World Series Boxing Finals Gala
  8. European Taekwondo Championships Opeaning Ceremony
  9. 1 st World Taekwondo Cadet Championships
  10. Emin`s concert Green Theatre 2015
  11. 2016 Formula1 Grand Prix of Europe Events
  12. 2017 4 th Islamic Solidarity Games
  13. World Ports Conference 2018

İstinadlar

redaktə
  1. ↑ unique.az. "Nurlana Cəfərova" (az.). may 14, 2018. İstifadə tarixi: 2018-06-06.[ölü keçid]
  2. ↑ oxu.az. "Aparıcı Nurlana Cəfərova ATV-dən getdi" (az.). 19 Yan 2017. 2019-05-27 tarixində arxivləşdirilib. İstifadə tarixi: 2018-06-06.
  3. ↑ 1 2 oxu.az. "Nurlana Cəfərova: Nikahımız cəmi 3 ay davam etdi". oxu.az (az.). Dilarə Kazımova. 30.09.2016. İstifadə tarixi: 19 sen 2024.
  4. ↑ 1 2 qafqazinfo.az. "Cəmi 3 ay evli olduq..." 30.09.2016 (az.). Elvin Elxan. 30.09.2016. 2019-09-05 tarixində arxivləşdirilib. İstifadə tarixi: 19 sen 2024.
  5. ↑ aztv.az. ""Bakı gecələri" Anarla!". aztv.az (az.). 2019-10-03 tarixində arxivləşdirilib. İstifadə tarixi: 19 sen 2024.
  6. ↑ 1 2 publika.az. "Üç ildən sonra efirə qayıtdı". publika.az (az.). 05.12.2023. 2024-09-19 tarixində arxivləşdirilib. İstifadə tarixi: 19 sen 2024.
  7. ↑ yenisabah.az. "Nurlana uzun fasilədən sonra İTV-də". yenisabah.az (az.). 06.12.2024. İstifadə tarixi: 19 sen 2024.
  8. ↑ aktual.az. "Aparıcı Nurlana Cəfərova ATV-dən getdi" (az.). 19 Yan 2017. 2017-01-20 tarixində arxivləşdirilib. İstifadə tarixi: 2018-06-06.
  9. ↑ qafqazinfo.az. "Nurlana Cəfərovaya Azərbaycan Televiziyasında (AzTV) vəzifə verilib" (az.). 15.09.2017. 2018-03-08 tarixində arxivləşdirilib. İstifadə tarixi: 2018-06-06.
  10. ↑ sia.az. "Aparıcı Nurlana Cəfərova ATV-dən getdi?" (az.). 18 Yan 2017. 2023-08-05 tarixində arxivləşdirilib. İstifadə tarixi: 2018-06-06.
  11. ↑ axsam.az. "Aparıcı Nurlana Cəfərova ATV-dən getdi" (az.). 18 Yan 2017. 2019-05-27 tarixində arxivləşdirilib. İstifadə tarixi: 2018-06-06.
  12. ↑ joy.az. ""Eurovision-2018" – proqnozlar, favoritlər..." (az.). 4 May 2018. İstifadə tarixi: 2018-06-06.[ölü keçid]
  13. ↑ ""Avroviziya" şərhçimiz bəlli oldu". oxu.az (az.). 04.04.2024. 5 April 2024 tarixində arxivləşdirilib. İstifadə tarixi: 5 apr 2024.
  14. ↑ azertag.az. "Azərbaycanın Avroviziyada nümayəndə heyətinə yeni rəhbər təyin olunub". azertag.az (az.). 01.10.2024. 2024-10-01 tarixində arxivləşdirilib. İstifadə tarixi: 15 noy 2024.
  15. ↑ big.az. "Eldar Qasımovdan etiraz - "BAX, UÇURAM"". big.az (az.). big.az. 04.09.2019. İstifadə tarixi: 19 sen 2024.
  16. ↑ "ƏDƏBİYYAT KLUBU: HƏR İKİ MƏN KİTABININ TƏQDİMATI" (az.). yarat.az. 24.01.2020. 7 February 2020 tarixində arxivləşdirilib. İstifadə tarixi: 6 mar 2024.
  17. ↑ Rəşad Əliyev. "AzTV-nin keçmiş aparıcısı AYB-nin ÜZVÜ OLDU". bizim.media (az.). İstifadə tarixi: 6 mar 2024.
  18. ↑ axsam.az. "Onlar "Yaxşıların yaxşısı" seçildilər" (az.). 24.12.13. 2023-08-05 tarixində arxivləşdirilib. İstifadə tarixi: 2018-06-06.
Mənbə — "https://az.wikipedia.org/w/index.php?title=Nurlana_Cəfərova&oldid=7866471"