Oskar Danon

Yuqoslaviya bəstəkarı və dirijoru

Oskar Danon (serb. Оскар Данон; d. 7 fevral 1913, Sarayevo, Avstriya-Macarıstan – ö. 18 dekabr 2009[1], Belqrad, Serbiya) — Yuqoslaviya bəstəkarıdirijoru[2].

Oskar Danon
Oskar Danon med vajo z orkestrom mariborske filharmonije v Mariboru 1961.jpg
Ümumi məlumatlar
Doğum adı serb. Оскар Данон
Doğum tarixi
Doğum yeri Sarayevo, Avstriya-Macarıstan
Vəfat tarixi (96 yaşında)
Vəfat yeri Belqrad, Serbiya
Dəfn yeri
  • Yeni Belqrad qəbiristanlığı[d]
Vətəndaşlığı
Musiqiçi məlumatları
Fəaliyyəti bəstəkar, dirijor
Janr klassik musiqi
Təhsili
  • Praqa konservatoriyası[d]

İkinci dünya müharibəsi davam edərkən 1943-cü ildə Vladimir Nazorun yazdığı yuqoslav partizanlarının marşı olan "Uz marşala Tita"nın (azərb. "Marşal Tito ilə"‎) bəstəkarıdır[3].

Oskar Danon Maribor Simfonik Orkestri ilə təcrübə zamanı, 1961-ci il[4].

Gəncliyi və təhsiliRedaktə

Bir boşnak-serb yəhudisi olan Oskar Danon 7 fevral 1913-cü ildə, həmin zaman mövcud olan Avstriya-Macarıstan imperiyasına aid (indiki vaxtda Bosniya və Herseqovinaya aid) Sarayevo şəhərində anadan olmuşdur.

Yuqoslaviya Krallığında musiqi təhsili bölməsində oxumuş və Çexoslovakiyanın paytaxtı Praqa şəhərində Musiqişünaslıq sahəsi üzrə doktorluq işini müdafiə etmişdir.

KaryerasıRedaktə

Sarayevoda dirijor kimi fəaliyyət göstərmiş və İkinci dünya müharibəsindən sonra, 1944-1965-ci illər arasında Belqrad Operasının dirijoru və rejissoru olmuşdur. 1970-1974-cü illərdə Sloveniya Filarmoniya Orkestrında dirijorluq etmişdir. Həmçinin, o, həmin dövrdə Belqrad Filarmoniya Orkestrınında da dirijor idi. Bu orkestrlarla həm Yuqoslaviyada, həm də ölkə xaricində (Paris, Visbaden, Florensiya və s. şəhərlərdə) dəfələrlə çıxış etmişdir.

Pedaqoji fəaliyyətiRedaktə

Oskar Danon Belqrad Musiqi Akademiyasının professoru idi.

İctimai fəaliyyətiRedaktə

Serbiya Musiqiçilər Assosiasiyasının üzvü olmuş Oskar Danon, 1955-1957-ci illərdə bu təşkilata rəhbərlik də etmişdir.

2008-ci ildə o, Bosniya və Herseqovina Elmlər və İncəsənət Akademiyasının üzvü seçilmişdir.

MükafatlarıRedaktə

Oskar Danon bir sıra mükafatlarla təltif olunmuşdur:

  • Belqrad şəhərinin Oktyabr mükafatı;
  • AVNOJ mükafatı (1970);
  • Vatroslav Lisinski mükafatı (2004)[3].

VəfatıRedaktə

Oskar Danon 18 dekabr 2009-cu ildə, 96 yaşında ikən Serbiyanın paytaxtı Belqrad şəhərində vəfat etmişdir.

İstinadlarRedaktə

  1. Preminuo kompozitor i dirigent Oskar Danon, politika.rs, 18.12.2009
  2. Munjin, Bojan. "Ovo su društva bez vizije". Feral Tribune. 22 mart 2007. İstifadə tarixi: 17 oktyabr 2008.
  3. 1 2 Jugoslavija je moja jedina domovina Arxivləşdirilib 2016-03-06 at the Wayback Machine. e-novine.com
  4. 4. april 1961, Maribor. Dr. Oskar Danon, eden najuglednejših jugoslovanskih dirigentov med vajo z orkestrom mariborske filharmonije. (avtor fotografije: Dragiša Modrinjak)[ölü keçid]. podstresje.si