Vikipediya

Tomb Raider: Lara Kroft

(Tomb Raider: Lara Kroft (film, 2018) səhifəsindən yönləndirilmişdir)

Lara Kroft (ing. Tomb Raider) — 2013-cü ildə satışa çıxarılan "Tomb Raider" video oyunu əsasında çəkilmiş Böyük Britaniya və ABŞ döyüş-macəra filmi. Roar Uthauqun rejissorluğu, Evan Doqerti, Ceneva Robertson-Duoret və Alaster Siddonsun ssenaristliyi ilə "Crystal Dynamics" tərəfindən çəkilən filmin baş rollarında Alisiya Vikander, Dominik Uest, Kristin Skott Tomas, Deniel Vu və Volton Qoqqins var.

Lara Kroft
ing. Tomb Raider
Filmin "Dalğa TV"-dəki afişası.
Filmin "Dalğa TV"-dəki afişası.
Janr Döyüş-macəra
Rejissor Roar Uthauq
Prodüser Qrem Kinq
Əsərin müəllifləri Ceneva Robertson-Duoret
Alaster Siddons
Ssenari müəllifləri Evan Doqerti
Ceneva Robertson-Duoret
Baş rollarda Alisiya Vikander
Dominik Uest
Kristin Skott Tomas
Deniel Vu
Volton Qoqqins
Bəstəkar
Montajçı Maykl Tronik[d][10]
İstehsalçı
Distribütor Warner Bros.[11]
İlk baxış tarixi
Filmin digər adı Tomb Raider: Lara Kroft
Filmin növü Kinoteatr filmi
Müddət 118[5]
Büdcə 90–106 milyon $[6]
Gəlir 273 milyon 500 min $[7]
Ölkə
Dil İngilis dili
İl 2018
Rəng Rəngli
IMDb ID1365519

Başlıca fotoqrafiya 2017-ci ilin yanvar ayından iyun ayına qədər Böyük Britaniyadakı "Warner Bros." studiyasında, daha sonra isə Cənubi Afrika Respublikasının Keyptaun şəhərində davam etmişdir. Distrübüterliyini "Paramount Pictures" şirkətinin etmədiyi ilk "Tomb Raider" filmi ilk dəfə 14 mart 2018-ci ildə Böyük Britaniyada, 15 mart 2018-ci ildə Azərbaycanda, 16 mart 2018-ci ildə isə ABŞ-də ekranlaşdırılmışdır. Film ümumi olaraq, 273 milyon ABŞ dolları qazanmışdır.

Film tənqidçilər tərəfindən qarışıq rəylər almışdır. Bəziləri filmin ssenarisini tənqid etmiş, bəziləri isə filmin franşizanın mövzusuna sadiq qalması və Vikanderin aktrisalığını tərifləmişdir. Lara Kroftun xarakterləşdirilməsi polyarlaşdırılmış cavab almışdır. Bəziləri onu "bacarıqlı, güclü və obyektivləşdirilməmiş qəhrəman", bəziləri isə onu "ancaq döyülən və tamaşaçı" adlandırmışdır.[12]

Süjet

redaktə
  Xəbərdarlıq: Yazının davamı əsərin məzmunu haqqında məlumat ehtiva edir.

Lara Kroft atası Lord Riçard Kroftun 2011-ci ildə qeyb olmasından sonra velosiped kuryeri olaraq işləyir. 21 yaşlı Kroft öz velosipedi və bir polis maşını ilə bir qəza yaşadıqdan sonra posta göndərilir. Bu zaman Riçardın biznes yoldaşı Ana Miller Laraya yardım etməyə gəlir. O, Laraya atasının vərəsəliyini qəbul etməsə onun bütün var-dövlətinin, eləcə də Kroft Malikhanəsinin satılacağı barədə xəbərdarlıq verir. Lara bu təklifi ala-könül halda qəbul edir və atasının məqbərəsində yerləşən gizli bir zala daxil olur. Lara orada atası tərəfindən əvvəlcədən çəkilmiş bir video mesaj tapır. Riçard bu videoda mifik Yamatay kraliçası Himiko barədə apardığı tədqiqatın təfsilatların verir. Qədimdə Himikonun sehirli güclərə malik olduğuna inanılırdı, ona görə də tarixi mənbələrdə bir cadı kimi təsvir edilirdi. Riçard Laradan Himiko barədə apardığı tədqiqata dair bütün sübutları məhv etməsini istəyir, amma Lara bunu etməyib atasını axtarmağa gedir.

Lara atasının ona verdiyi tilsimi satıb, əldə etməyə pulla Honkonqa gedir və «Endurance» (azərb. Dözümlülük‎) gəmisinin kapitanı olan Lu Reni işə alır. Onlar Şeytan dənizinə, Yamatay adasına gedirlər. Lu Ren Laranın atasını adaya aparması üçün yeddi il əvvəl işə aldığı kapitanın oğlu olduğu aşkarlanır. Gəmi şiddətli bir qasırğada çevrilir, Lara isə sahilə üzür. Burada bir əsgər onu vurub bihuş edir. O Himikonun məqbərəsini aşkarlamaq üçün aparılan ekspedisiyanın rəhbəri Matias Foqel tərəfindən yuxudan oyadılır. Ekspedisiya «Trinity» (azərb. Üçlük‎) adlı kölgəli bir təşkilat tərəfindən maliyyələşdirilirdi. Foqel Laranı məhbus olaraq götürür və onun atasını öldürdüyünü iddia edir. Foqel Lara və Lu Reni öz kölə qüvvəsinə daxil edir, amma Lara Lunun köməyi ilə qaçır. Foqel Lu Renin atasını da öldürmüşdü. Çaya düşən Lara köhnə bir təyyarəyə minir, ancaq həmin təyyarə şəlalədən aşağı düşür. Bu zaman Lara təyyarədəki paraşütlə oradan qaçır, amma ciddi şəkildə yaralanır.

Lara gecə vaxtı huşunu geri qazanır və bir «Trinity» bələdçisini öldürməli olur. O, adada gəzən sirli bir fiquru təqib edir. Bir qədər getdikdən sonra Lara həmin fiqurun Riçard olduğunu aşkar edir. Riçard Himikonu «Trinity» təşkilatından gizlətmək üçün yeddi il onları ləngitmişdir. Lara atasını gerçək olduğuna inandırdıqdan sonra Riçard onun yaralarını sağaldır. Riçardin etirazlarına baxmayaraq, Lara Foqelin düşərgəsinə gedib atasının tədqiqat sənədlərini tapmağa gedir. Lara bunu tək başına edə bilməyəcəyini öyrənir və kölələri qurtarır. Riçard bundan hasil olan xaosda Himikonun məqbərəsinə getmiş, ancaq Foqel tərəfindən məhbus alınmışdır. Lara atasını qurtarmağa çalışsa da, onun ölməməsi üçün məqbərənin girişini açıq.

Lara, Riçard, Foqel və daha üç «Trinity» əsgəri tələlərlə dolu məqbərədən keçir və Himikonun sarkofağını tapır. İki «Trinity» əsgəri onun cəsədini götürməyə çalışır, amma Himikonun mifik gücünə yoluxur. Bu güc əslində fiziki əlaqədə insanın bədənini dağıdan və xəstəni zombiyə bənzər bir vəziyyətdə buraxan təhlükəli bir xəstəlik idi. Məqbərənin ətrafında yerləşən şəkillər Himikonun bu xəstəliyin daşıyıcısı olduğu və onun bu xəstəliyə immunitetli olduğunu sübut edir. Himiko əfsanəyə görə, bu adaya məcburi şəkildə gətirilmişdi, ancaq bu şəkillər onun buraya öz iradəsi ilə gəldiyini təsvir edir. O, dünya əhalisini bu xəstəlikdən qorumaq üçün özünü qurban vermişdir. Foqel Himikonun bədənini daşıya bilməyəcəyini anlayır, buna görə də sadəcə onun bir barmağını götürür və bir kisəyə qoyur. Bu zaman Lara və Riçard Foqel və qalan bir əsgəri yaralayır. Foqel oradan qaçsa da, Riçard bu xəstəliyə yoluxur. Xəstəliyin bir müalicəsi olmadığından, Riçard Laraya məqbərədən qaçmasını və Foqeli dayandırmasını istəyir. Bu zaman Riçard məqbərəni və özünü partladacaqdı. Lara və Foqel üz-üzə gəlir və dava etməyə başlayır. Lara Himikonun barmağını Foqelə yedizdirir və onu dərin bir uçurumdan aşağıya atır, atası isə məqbərəni və özünü partladır. Lara dağılan məqbərədən qaçır və Lu Renlə qarşılaşır. Bu vaxt bir «Trinity» helikopteri adaya gəlir, amma Lara və balıqçılar onları dayandırır və adadan qaçır.

Lara London şəhərinə geri qayıdır və atasının vərəsəliyini qəbul edir. Bu zaman Lara «Trinity»nin ana şirkəti olan «Patna»nın "Croft Holdings"in bir filialı olduğunu öyrənir. Buna əlavə olaraq, Lara Ana Millerin «Patna» agentlərindən biri olduğunu öyrənir. «Trinity»nin qəddarlığının görən Lara növbəti macərasına hazırlaşır.

  Xəbərdarlığın sonu.

Rollarda

redaktə
Aktyor Rol
Alisiya Vikander Lara Kroft[13] Lara Kroft[13]
Meyzi Defreytas Lara Kroft yeddi yaşlı Lara Kroft
Emili Keri Lara Kroft on dörd yaşlı Lara Kroft
Dominik Uest Lord Riçard Kroft Lord Riçard Kroft
Volton Qoqqins Matias Foqel Matias Foqel
Daniel Vu Lu Ren Lu Ren
Kristen Skott Tomas Ana Miller Ana Miller
Derek Cekobi Cənab Yaffe Cənab Yaffe
Nik Frost Alan Alan
Ceymi Vinston Alanın arvadı
Aktyor Rol
Hanna Con-Keymen Sofi Sofi
Antonio Aakeel Nitin Ahuya Nitin Ahuya
Dunkan Eyrli Ceyms Terri Terri
Şexar Varma Nitinin atası
Rexa Con-Çeriyan Nitinin anası
Cozef Altin Brus Brus
Billi Postletvayt Bill Bill
Rocer Nsenqiyumva Roc Roc
Maykl Obiora Qeydiyyatçı
Kinan Arrison Roket Roket

Musiqi

redaktə
№BaşlıqYazar(lar)Müddət
1."Return to Croft Manor"Junkie XL8:13
2."Seeking Endurance"Junkie XL1:10
3."The Bag"Junkie XL1:49
4."Path of Paternal Secrets"Junkie XL3:40
5."The Devil's Sea"Junkie XL4:12
6."Let Yamatai Have Her"Junkie XL13:24
7."Figure in the Night"Junkie XL4:16
8."Remember This"Junkie XL3:26
9."Never Give Up"Junkie XL5:37
10."Karakuri Wall"Junkie XL4:38
11."What Lies Underneath Yamatai"Junkie XL8:35
12."There's No Time"Junkie XL4:02
13."Becoming the Tomb Raider"Junkie XL7:16
14."The Croft Legacy"Junkie XL2:01
15."Run for Your Life (sinql)"K.Flay3:22

İstehsal

redaktə

"GK Films" filmi çəkmək hüququnu 2011-ci ildə əldə etmişdir.[14] Norveç film rejissoru Roar Uthauq layihəyə 2015-ci ilin noyabr ayında qoşulmuşdur.[15] Alisiya Vikanderin yeni Lara Kroft olacağı 2016-cı ilin aprel ayında açıqlanmışdır.[16] "Deadline Hollywood" Lara Kroft rolunu Deyzi Ridlinin canlandıracağını açıqlamışdır,[17] amma Ridli bu iddiaları yalanlamışdır.[18] Ualton Qoqqinsin antaqonist rolunu canlandıracağı 2016-cı ilin dekabr ayında açıqlanmışdır.[19][20][21] Rollarda olan aktyorların geri qalan hissəsi 2017-ci ilin əvvəllərində açıqlanmışdır.[22][23][24]

Çəkilişlər

redaktə

Başlıca fotoqrafiya 23 yanvar 2017-ci ildə Cənubi Afrika Respublikasının Keyptaun şəhərində başlamış,[25][26] 9 iyun 2017-ci ildə Böyük Britaniyadakı "Warner Bros." studiyasında sona çatmışdır.[27][28] Kroft Malikhanəsi üçün Solsberidə yerləşən Uilton-hausdan istifadə edilmişdir.[29] Şəlalə səhnəsi Li-vellidə yerləşən bir su parkında, XXX Yay Olimpiya Oyunları üçün nəzərdə tutulmuş bir arenada və Cənubi Afrika Respublikasında çəkilmişdir.[30]

Buraxılış

redaktə

Lara Kroft filminin premyerası 2 mart 2018-ci ildə Almaniyanın paytaxtı Berlin şəhərində keçirilmişdir.[2][3] Filmin Azərbaycandakı premyera öncəsi nümayişi 14 mart 2015-ci ildə Gənclik Mall Ticarət Mərkəzində yerləşən “CinemaPlus” premium kinoteatrında keçirilib. Kinoteatrda furşet masası, alkoqollu və alkoqolsuz içkilər, müsabiqələr və mükafatların oynanılması təşkil olunmuşdur.[4] Film 15 mart 2018-ci ildə ABŞ-də ekranlaşdırılmışdır.[31] Film IMAX 3D və RealD 3D şəklində də buraxılmışdır.[32]

Ev videosu

redaktə

Lara Kroft 29 may 2018-ci ildə rəqəmsal striminq platformalarında buraxılmışdır. Filmin 4K UHD Blu-Ray, Blu-ray və DVD buraxılışı 12 iyun 2018-ci ildə gerçəkləşmişdir. Bu buraxılış Avstraliyada 18 iyun 2018-ci ildə gerçəkləşmişdir.[33]

Mükafatlar

redaktə
Mükafat Tarix Kateqoriya Nominasiya(lar) Nəticə İst.
Yeniyetmə Seçimi Mükafatı 12 avqust 2018 Film seçimi – Döyüş Tomb Raider Namizəd [34][35]
Döyüş filmi seçimi – Aktrisa Alisiya Vikander Namizəd

İstinadlar

redaktə
  1. ↑ 1 2 3 4 "Film Releases". Variety Insight. Variety Media. March 15, 2018 tarixində arxivləşdirilib. İstifadə tarixi: March 15, 2018.
  2. ↑ 1 2 Fabian, Daniel. ""Tomb Raider": Das war die exklusive Preview mit Alicia Vikander". DVD-Forum.at (alman). 3 mart 2018. 2018-06-24 tarixində orijinalından arxivləşdirilib. İstifadə tarixi: 16 avqust 2018.
  3. ↑ 1 2 "TOMB RAIDER — Premierenclip Deutsch HD German (2018)". Warner Bros. DE. YouTube. 5 mart 2018. 18 mart 2018 tarixində arxivləşdirilib. İstifadə tarixi: 16 avqust 2018.
  4. ↑ 1 2 ""CinemaPlus"da "Lara Kroft" filminin premyera öncəsi nümayişi olub". CinemaPlus (az.). 15 mart 2018. 16 avqust 2018 tarixində arxivləşdirilib. İstifadə tarixi: 16 avqust 2018.
  5. ↑ "TOMB RAIDER (12A)". British Board of Film Classification. 23 fevral 2018. 9 mart 2018 tarixində arxivləşdirilib. İstifadə tarixi: 16 avqust 2018.
  6. ↑ Anthony D'Alessandro. "'Black Panther' Poised For $460M+ Profit; Faith-Based 'I Can Only Imagine' Surprises With $15M+". Deadline Hollywood. Penske Business Media. 17 mart 2018. 20 mart 2018 tarixində arxivləşdirilib. İstifadə tarixi: 16 avqust 2018.
  7. ↑ "Tomb Raider (2018)". Box Office Mojo. 23 iyun 2018 tarixində arxivləşdirilib. İstifadə tarixi: 16 avqust 2018.
  8. ↑ 1 2 "Tomb Raider (2018)". British Film Institute. 16 mart 2018 tarixində arxivləşdirilib. İstifadə tarixi: 16 avqust 2018.
  9. ↑ Tomb Raider (2018) (ing.). 1990.
  10. ↑ https://www.imdb.com/title/tt1365519/fullcredits?ref_=tt_ov_st_sm.
  11. ↑ IMDb (ing.). 1990.
  12. ↑ Kilkenni, Keyti. "'Tomb Raider': What the Critics Are Saying". The Hollywood Reporter. Prometheus Global Media. 14 mart 2018. 14 mart 2018 tarixində arxivləşdirilib. İstifadə tarixi: 16 avqust 2018.
  13. ↑ "Tomb Raider (2018): Full Cast & Crew". IMDb. 7 mart 2018 tarixində arxivləşdirilib. İstifadə tarixi: 16 avqust 2018.
  14. ↑ "'The Departed' & 'The Town' Producer Plans 'Tomb Raider' Reboot For 2013". The Film Stage. 18 may 2018 tarixində arxivləşdirilib.
  15. ↑ Kit, Borys. "'Tomb Raider' Reboot Finds Director (Exclusive)". The Hollywood Reporter. Prometheus Global Media. 17 noyabr 2015. 10 mart 2016 tarixində arxivləşdirilib. İstifadə tarixi: 16 avqust 2018.
  16. ↑ Kit, Boris. "Alicia Vikander to Star as Lara Croft in 'Tomb Raider'". The Hollywood Reporter. Prometheus Global Media. 28 aprel 2016. 28 avqust 2016 tarixində arxivləşdirilib. İstifadə tarixi: 16 avqust 2018.
  17. ↑ Jaafar, Ali. "Is 'Star Wars' Daisy Ridley Being Eyed As Lara Croft In 'Tomb Raider' Reboot?". Deadline Hollywood. Penske Business Media. 10 mart 2016. 11 mart 2016 tarixində arxivləşdirilib. İstifadə tarixi: 16 avqust 2018.
  18. ↑ "73 Questions With Daisy Ridley". Vogue. YouTube. 11 oktyabr 2017. 20 yanvar 2018 tarixində arxivləşdirilib. İstifadə tarixi: 16 avqust 2018.
  19. ↑ Kroll, Justin. "'Tomb Raider' Reboot Casts Walton Goggins as Villain Opposite Alicia Vikander (EXCLUSIVE)". Variety. Penske Business Media. 7 dekabr 2016. 9 dekabr 2016 tarixində arxivləşdirilib. İstifadə tarixi: December 8, 2016.
  20. ↑ Şeridan, Konnor. "Tomb Raider reboot movie is like Raiders of the Lost Ark according to bad guy actor Walton Goggins". GamesRadar+. Future Publishing. 13 dekabr 2016. 17 dekabr 2016 tarixində arxivləşdirilib. İstifadə tarixi: 16 avqust 2018.
  21. ↑ Qoldberq, Mett. "'Tomb Raider': Walton Goggins on His "Confused", "Angry", and "Desperate" Villain". Collider. Future Media. 27 dekabr 2016. 18 mart 2018 tarixində arxivləşdirilib. İstifadə tarixi: 16 avqust 2018.
  22. ↑ Kroll, Castin. "'Tomb Raider' Reboot Adds 'Into the Badlands' Star Daniel Wu (EXCLUSIVE)". Variety. Penske Business Media. 11 yanvar 2017. 18 mart 2018 tarixində arxivləşdirilib. İstifadə tarixi: 16 avqust 2018.
  23. ↑ Ford, Rebekka. "Dominic West Joins Alicia Vikander in 'Tomb Raider' (Exclusive)". The Hollywood Reporter (ingilis). Prometheus Global Media. 27 yanvar 2017. January 29, 2017 tarixində arxivləşdirilib. İstifadə tarixi: 16 avqust 2018.
  24. ↑ Buş, Anita. "Hannah John-Kamen Joins 'Tomb Raider' Cast; Andre Royo Steps Into Amazon's 'Beautiful Boy'". Deadline Hollywood. Penske Business Media. 13 aprel 2017. 2018-11-25 tarixində arxivləşdirilib. İstifadə tarixi: 16 avqust 2018.
  25. ↑ Perri, Spenser. "New Tomb Raider Movie Filming Has Begun!". ComingSoon.net. CraveOnline Media. 23 yanvar 2017. 25 yanvar 2017 tarixində arxivləşdirilib. İstifadə tarixi: January 24, 2017.
  26. ↑ Skott, Rayan. "Tomb Raider Reboot Begins Shooting in January 2017". MovieWeb. Watchr Media. 22 dekabr 2016. 23 dekabr 2016 tarixində arxivləşdirilib. İstifadə tarixi: 16 avqust 2018.
  27. ↑ Myles, Sarah. "Tomb Raider Movie Is About To Head Into Production". We Got This Covered. 22 dekabr 2016. 23 dekabr 2016 tarixində arxivləşdirilib. İstifadə tarixi: 16 avqust 2018.
  28. ↑ Leznik, Silas. "New Tomb Raider Movie Wraps Production". ComingSoon.net. CraveOnline Media. 9 iyun 2017. 9 iyun 2017 tarixində arxivləşdirilib. İstifadə tarixi: 16 avqust 2018.
  29. ↑ "Tomb Raider (2018): Filming & Production". IMDb. 7 mart 2018 tarixində arxivləşdirilib. İstifadə tarixi: 16 avqust 2018.
  30. ↑ Failes, Ian. "TOMB RAIDER: Transforming the Waterfall Scene with Frame-By-Frame VFX". VFX Voice. 9 aprel 2018. 11 aprel 2018 tarixində arxivləşdirilib. İstifadə tarixi: 16 avqust 2018.
  31. ↑ Makneri, Deyv. "Alicia Vikander's 'Tomb Raider' Gets 2018 Release Date". Variety. Penske Business Media. 7 iyul 2016. 10 iyul 2016 tarixində arxivləşdirilib. İstifadə tarixi: 16 avqust 2018.
  32. ↑ CS. "IMAX and Warner Bros. Extend Deal to Include 12 More Films". ComingSoon.net. CraveOnline Media. 19 oktyabr 2016. 22 oktyabr 2016 tarixində arxivləşdirilib. İstifadə tarixi: 16 avqust 2018.
  33. ↑ "Tomb Raider DVD Release Date June 12, 2018". DVDs Release Dates (ingilis). 9 may 2018 tarixində arxivləşdirilib. İstifadə tarixi: 16 avqust 2018.
  34. ↑ "Teen Choice Awards Nominations 2018: Taylor Swift, Ariana Grande & More". Hollywood Life. 13 iyun 2018. 14 iyun 2018 tarixində arxivləşdirilib. İstifadə tarixi: 16 avqust 2018.
  35. ↑ Duqlas, Ezme. "Teen Choice Awards 2018: See the full list of winners". EW. 13 avqust 2018 tarixində arxivləşdirilib. İstifadə tarixi: 16 avqust 2018.

Xarici keçidlər

redaktə
Mənbə — "https://az.wikipedia.org/w/index.php?title=Tomb_Raider:_Lara_Kroft&oldid=7199374"