Vikipediya:Ensiklopedik əhəmiyyətlilik (veb)

Qısa keçid-yönləndirmə
  • VP:EƏV

Vikipediya məqalələri sadəcə bir vebsaytın mahiyyətini, xarici görünüşünü və ya təklif etdiyi xidmətləri əhatə etməməlidir, belə ki, internet məzmunlu məqalə ensiklopedik üslubda yazılmalıdır və vebsaytın nailiyyətləri, təsiri və tarixi əhəmiyyəti etibarlı mənbələr göstərilməklə ətraflı əks olunmalıdır. Bu səhifə redaktorlar üçün Vikipediyada internet məzmunlu məqalələrin yerləşdirilməsi meyarlarını müəyyən edir. Vebsaytlara bloqlar, İnternet forumlar, xəbər agnetlikləri, veb portallar, podkastlar, veb-komikslər və digər media növləri aiddir. İnternetlə əlaqəsi olan və veb brauzer vasitəsilə fəaliyyətdə olan istənilən məzmun bu təlimatın məqsədlərinə əsasən internet məzmunu hesab olunur.

Vikipediyaçılar Vikipediyanın reklam məqsədləri üçün istifadə olunmasının tərəfdarı deyillər, Vikipediya məqalələrinin reklam məzmunlu olmaması ideyası uzun müddətdir ki, Vikipediyanın rəsmi siyasətidir. Vikipediyanın neytral mövqeyinə uyğun olaraq, məqalənin məzmununda reklam olarsa təmizlənməli və ya silinməlidir.

Vikipediya veb kataloq deyil, bura digər vebsaytlarla əlaqə yaratmaq və bu əlaqələri kateqoriyalaşdırmaq üçün internet məkanı deyil. Vikipediya linklərin, şəkillərin və ya media faylların saxlandığı məkan və ya anbar da deyil. Yalnız bir xarici keçidi olan və öz məzmunu haqqında qısa məlumata sahib məqalələr silinə bilər.

Ensiklopedik əhəmiyyətlilik meyarlarına cavab verməyən mövzular ya silinməli, ya da yaxın məzmunlu digər bir məqalənin tərkibinə birləşdirilməlidir. Ensiklopedik əhəmiyyətli olmayan məqalələrə adətən redaktorları xəbərdar etmək üçün Şablon:Əhəmiyyət yerləşdirilir. Bu kimi məqalələr silinmək üçün namizədlər siyahısına daxil edildikdə Vikipediya: Silinməyə namizəd məqalələrin müzakirəsi bölməsində müzakirə aparıla bilər.

İnternet məzmunlu ensiklopedik məqalələrin yaradılması kriteriyaları redaktə

Vikipediyada internet məzmunlu məqalə yaradarkən onun ensiklopedik əhəmiyyətli olmasını qiymətləndirmək üçün adətən bu vebsayt barəsində birbaşa əlaqəsi olmayan (yaradıcıları, müəllifləri) etibarlı mənbələrdə əhatə olunması əsas götürülür. Bu mənbələr artıq məqalə daxilində adı keçən mənbələr olmamalıdır.

İnternet məzmunun birbaşa özünün aktuallığı redaktə

Ensiklopedik əhəmiyyətlilik “şan-şöhrət” və “əhəmiyyət” sözü ilə sinonim deyil. Redaktorların aktual hesab etdiyi bir internet məzmununun kifayət qədər aktual olduğu göstərilməlidir. Heç bir internet məzmunlu məqalə bu qaydalardan istisna deyil! Əgər şəxsin vebsaytına müstəqil mənbələrdə çox az sayda istinad olunubsa və ya heç istinad edilməyibsə, o zaman demək ki, o, ensiklopedik əhəmiyyətli deyil. Çünki bü növ digər bir vebsayt daha aktual ola bilər.

Vebsaytın ensiklopedik əhəmiyyətliliyi qiymətləndirildikdə onun mədəniyyət, cəmiyyət, əyləncə ,idman, iqtisadiyyat, tarix, ədəbiyyat, elm və ya təhsil sahəsində əhəmiyyətli təsirləri olub-olmadığını nəzərə alın. Yüksək səviyyədə istifadə olunan vebsaytların aktuallığını təsdiqləmək üçün etibarlı mənbələrdən daha dəqiq məlumat almaq olar. Lakin kiçik vebsaytlar da aktual ola bilər. Sərbəst standartlar böyük saytları qeyri-obyektiv olaraq önə çəkmək üçün istifadə olunmamalıdır.

Ensiklopedik əhəmiyyətliliyin internet məzmununun birbaşa özünə aid olması redaktə

Aktual şəxsin, biznes müəssisənin və ya hadisənin bir vebsaytla əlaqəli olması bu vebsaytın ensiklopedik əhəmiyyətli olması anlamına gəlmir. Əgər vebsayt özü kifayət qədər aktuallıq qazanmayıbsa, demək ki, ensiklopedik əhəmiyyətli deyil. Məsələn, müəyyən bir aktual şəxsin vebsaytı var, lakin bu vebsayt bu səbəbdən həmişə aktual hesab olunmur. Belə hallarda, bu vebsaytı həmin şəxs haqqında məqalədə təsvir etmək daha məqsədəuyğun hesab olunur.

Eynilə, bir vebsayt aktual olarsa, bu onun sahiblərinin və ya müəlliflərinin aktual olması demək deyil.

Kriteriyalar redaktə

Nəzərə alın ki, bütün məqalələr Vikipediya:Yoxlanılabilərlik təlimatının etibarlı mənbələr hissəsi ilə üst-üstə düşməlidir və sadəcə qeyri-müstəqil və fərdi nəşr olunan mənbələr ensiklopedik əhəmiyyətlilik kriteriyalarını ödəmək üçün kifayət deyil; vebsayt aşağıdakı kriteriyalardan birini ödədikdə ensiklopedik əhəmiyyətli hesab olunur:

  • Vebsayta fərqli etibarlı mənbələr tərəfindən dəfələrlə istinad olunmalıdır. Vebsaytın özündən istinad gətirilə bilməz. Bu kriteriyaya əsasən, qəzet məqalələri, jurnal məqalələri, kitablar, televiziya sənədli filmləri, vebsaytlar və istehlakçıların təhlükəsizlik təşkilatları tərəfindən verilən hesabatlar kimi nəşrlərin bütün formaları buraya aiddir. Lakin media pres-rlizlərinin yenidən nəşr olunması, reklam və ya məzmunun mahiyyəti haqqında qısa məlumat və ya vebsaytın nə zaman yenilənməsi haqqında sadə hesabatlar verən qəzet məqalələri, internet ünvanları və saytlar və onlayn mağazalarda və kataloqlarda vebsayt haqqında qısa məlumat verilməsi halları istisnalıq təşkil edir.
  • Vebsayt və ya internet məzmunu müəyyən bir nəşriyyat və ya təşkilatdan tanınmış və müstəqil mükafat qazanıb.
  • Bu kriteriyalar Vikipediyadakı vebsaytlar ilə bağlı məqalələrin məzmununu müəyyənləşdirmək üçün göstərilir. Demək olar ki, bütün hallarda müstəqil üçüncü-tərəf etibarlı mənbələrin hərtərəfli axtarışı bu kriteriyaların birini və ya ikisini ödəyən məqalələr üçün uğurlu olacaqdır. Lakin, bu kriteriyaları ödəmək mütləq zəmanət vermir ki, Vikipediyada bu məzmunda ayrıca müstəqil bir məqalə olacaqdır.

Məzmun ensiklopedik əhəmiyyətli olmadığı halda redaktə

Vikipediyada bu ensiklopedik əhəmiyyətlilik təlimatlarına cavab verməyən, yuxarıdakı empirik qanunlarını qarşılamayan və redaktorların etibarlı və müstəqil mənbələrlə təmin edə bilmədiyi internet məzmunlu mövzular haqqında müstəqil məqalələr olmamalıdır. Vikipediyada sonradan redaktə edilib böyüdülə bilməyən kiçik məqalələr və ya redaktorların əsasən özləri haqqında məlumat verdikləri mövzular yer almamalıdır.

Lakin bu kimi veb məzmunlu informasiyalar Vikipediyada yalnız yuxarıdakı şərtləri təmin etməklə yaradıla bilər. Müstəqil məqalə kimi yaradılmaq kriteriyalarını ödəməyən internet məzmunlu məqalələrin mövzuları aşağıdakı şərtləri ödədikdə ona yaxın mövzulu məqalələrin tərkibinə əlavə edilə bilər:

  • bu məqalə üçün ərtaflı əhatə olunaraq yazılıb və əhəmiyyətlidir;
  • özünü-reklam xarakterli deyil;
  • müstəqil etibarlı mənbələrlə təsdiq oluna bilinəcək informasiya daxildir.

Qeydlər redaktə