Vikipediya:Kənd meydanı

Qısayol: VP:KM

Mövzu əlavə et

Arxiv

Kənd meydanı

Bu səhifənin məqsədi Vikipediya ilə əlaqədar olan və cavabını bilmədiyiniz suallar verə biləcəyiniz xəbərləşmə məkanı yaratmaqdır. Vikipediyada yalnız texniki və idarəetməyə dair mövzular burada müzakirə edilir.

Lütfən, digər sual, məsələ və müraciətləriniz üçün aşağıda qeyd edilmiş müvafiq səhifələrə müraciət edin.

• İcma portalı
• İnzibatçılara müraciət
• Tez-tez soruşulan suallar
• Texniki müraciətlər
• Transliterasiya
• Addəyişmə müraciətləri
• Yükləmə müraciətləri
• Kateqoriya müzakirələri
• Şablon müzakirələri
• Şikayətlər

Vikipediya:Təmiz başlanğıc

Salam. Planımda olan qaydalardan daha birini hazırlaya bildim nəhayət. Hər birinizi müzakirəyə dəvət edirəm, ardınca səsverməyə çıxaracağam. Hörmətlə, Qədir (müzakirə) 10:42, 23 sentyabr 2024 (UTC)

Təşəkkür edirəm qayda üçün. Keçən dəfə bu barədə müzakirə gedirdi, yaxşı oldu bunun tərcümə olunmağı. Şiroi Akuma 15:17, 24 sentyabr 2024 (UTC)

Dəstəkləyirəm. --► Hörmətlə: SolaVirum 14:59, 28 sentyabr 2024 (UTC)

---

White Demon, Solavirum, Y müvafiq səsvermə başladıldı. Müddət 25 gün təyin olunmuşdur. Hörmətlə, Qədir (müzakirə) 11:13, 29 sentyabr 2024 (UTC)

@Gadir, 25 niyə? 15 gün özü belə çoxdur, o ki qala 25. 1 həftə və ya 10 gün kifayətdir. samral ^müzakirə 04:50, 3 oktyabr 2024 (UTC)

Samral, aktivliyə və marağa görə, həmçinin digər səsvermələri də nəzərə alaraq rahat olsun deyə 25 gün seçmişəm, həm də digər qaydalardan daha uzundur bu. VP:SV-də 7, 15, 25 gün seçimləri var. Məncə, müddətin uzun olması problem deyil. Hörmətlə, Qədir (müzakirə) 10:50, 3 oktyabr 2024 (UTC)

Vikipediya məcburiyyət deyil

Salam. Zəhmət olmasa bu səsvermədə iştirak edin, qısa bir prinsipdir (2-3 cümlə), qəbul edək. Hörmətlə, Qədir (müzakirə) 17:56, 24 sentyabr 2024 (UTC)

Ayrıca kateqoriya

Salam. Soruşmaq istəyirəm ki, Vətən Müharibəsi Qəhrəmanları və Azərbaycanın Milli Qəhrəmanlarının faylları üçün ayrıca kateqoriyalara ehtiyac varmı yoxsa elə hərbçilərə aid kateqoriyaya salmaq kifayət edərmi? Onda belə çıxır, hər orden alanı da müvafiq kateqoriyaya əlavə edək? Məsələn, "Qarabağ" ordeni alanlar və "Zəfər" ordeni alanlar. Hörmətlə, Qədir (müzakirə) 20:02, 24 sentyabr 2024 (UTC)

Hamısının ayrıca kateqoriyası varda. Anlamadım Atakhanli (müzakirə) 20:12, 24 sentyabr 2024 (UTC)

Medallar üçüb ayrıca kateqoriyalar var?? Şəxslər üçün məqalə yox, fayl kateqoriyalarını deyirəm. Kateqoriya:Hərbçilərin şəkilləri kimi. Yanlış anladız məncə. Hörmətlə, Qədir (müzakirə) 20:23, 24 sentyabr 2024 (UTC)

Birinci hə, elə bildim məqalənin özün deyirsiz. Amma Medal lentini deyirsiz? Commonsdadırlarda onlar onsuz. Nümunə verə bilərsiz? Atakhanli (müzakirə) 20:28, 24 sentyabr 2024 (UTC)

Söhbətin medal faylları ilə əlaqəsi yoxdur, söhbət medal, ad, rütbə alan şəxslərdən gedir. Məsələn, Kateqoriya:Azərbaycan Milli Qəhrəmanlarının şəkilləri. Belə baxanda əsas kateqoriyada alt kimi vermək də olar. Yəni bunun kimi, ""X" ordeni laureatları" kateqoriyası da medallarda da alt kateqoriya kimi lazımdır? Həmçinin rütbələr. Azərbaycana xas kateqoriyalardansa ümumi kateqoriyalara əlavə etmək hardasa başadüşülən olar yenə (məsələn, "Azərbaycan generallarının şəkilləri" yox, "Generalların şəkilləri"). Uzağı VMQ və AMQ üçün ola bilər, o da ehtiyac varmı deyə soruşuram. Hörmətlə, Qədir (müzakirə) 20:38, 24 sentyabr 2024 (UTC)

'Wikidata item' link is moving. Find out where...

Apologies for cross-posting in English. Please consider translating this message.

Phabricatorda izlənilir
T66315

Hello everyone, a small change will soon be coming to the user-interface of your Wikimedia project. The Wikidata item sitelink currently found under the General section of the Tools sidebar menu will move into the In Other Projects section.

We would like the Wiki communities feedback so please let us know or ask questions on the Discussion page before we enable the change which can take place October 4 2024, circa 15:00 UTC+2. More information can be found on the project page.

We welcome your feedback and questions.
MediaWiki message delivery (müzakirə) 18:57, 27 sentyabr 2024 (UTC)

İkinci Qarabağ müharibəsinin ildönümü

Azərbaycan ərazisinin işğal altında olan böyük hissəsinin işğaldan azad olunması ilə nəticələnən İkinci Qarabağ müharibəsinin 4-cü ildönümü münasibətilə vikipediyaçı həmkarlarımı təbrik edirəm. Həmin müharibədə Azərbaycanın ərazi bütövlüyü uğrunda canından keçən şəhidlərimizə Allahdan rəhmət, qazilərimizə cansağlağı diləyirəm. Yaşasın bütöv, suveren Azərbaycan!--Sortilegus (müzakirə) 14:15, 28 sentyabr 2024 (UTC)

Təbrik, kədər və sevinclərimi bütün icma ilə paylaşıram. Allah bütün şəhidlərimizə rəhmət eləsin. Qəbirləri nurla dolsun. Yaşasın Azərbaycan! Yaşasın Azərbaycan Ordusu! Qarabağ bizimdir! Qarabağ Azərbaycandır! ✊ Hörmətlə, Qədir (müzakirə) 14:40, 28 sentyabr 2024 (UTC)

Allah rəhmət etsin, ümid edirəm bir də yaşamarıq belə çətin günləri. Mənim iki yaxın dostum şəhid olmuşdu, bir yaxın qohumum isə iştirak edirdi, hansı ki, bitəndən sonra öyrənmişdik. --► Hörmətlə: SolaVirum 14:56, 28 sentyabr 2024 (UTC)

Mən bir şəhid ailəsi kimi məndə bu sözlərə qoşuluram. Allah cəmi şəhidlərimizi rəhmət eləsin. Qəbirləri nurla dolsun. Allah qazilərimizə şəfa versin. Allah veteranlarımıza can sağlığı versin. Yaşasın Azərbaycan Ordusu. Qarabağ Azərbaycandır! Hörmətlə, Vusalsuvarov1996 (müzakirə) 15:21, 28 sentyabr 2024 (UTC)

4 il nə tez ötdü... Zaman sürətlə ötür. Grenzsoldat 16:40, 28 sentyabr 2024 (UTC)

"Wikimedia CEE Meeting 2024"də iştirak haqqında

Hörmətli həmkarlar. Sizə iştirak etdiyimiz Mərkəzi və Şərqi Avropa ölkələrinin Vikimediya toplantısı haqqında hesabat xarakterli kiçik məlumat vermək istəyirəm. Bildiyiniz kimi bu il CEEM-də ölkəmiz (istifadəçi qrupumuz) 3 nəfərlik nümayəndə heyəti ilə təmsil olundu. Mən həmişə icmamız üçün bu tədbiri digər tədbirlərdən daha üstün hesab edirəm. Çünki burada iştirak edən icmalar, istər problemlər, istərsə də boşluqlar baxımından bizim icmaya daha yaxın icmalardırlar. Hətda bəzən elə mövzulara toxunulur ki, sanki AzViki haqqında danışılır. Yəni bir sözlə ortaq mövzu və problemlər çoxdur və onların həll yollarını bu tədbir vasitəsi ilə öyrənmək mümkündür. CEEM-də qazanılmış təcrübələrin zamanla icmamıza gətirilməsini çox vacib amil hesab edirəm. Bu səbəbdən aktiv istifadəçilərimizin gələn il Yunanıstanın Saloniki şəhərində keçiriləcək növbəti CEE toplantısına qatılmaları üçün ciddi cəhd göstərmələrini tövsiyyə edirəm.

Bu ilki toplantıya gəldikdə ilk öncə tədbirin keçirildiyi yer, tarixi baxımından çox önəmli bir yer idi və oradan eşitdiyim məlumata görə səhv etmirəmsə ilk dəfə CEE tədbiri açıq hava şəraitində keçirilirdi. Bu, tədbirə xüsusi maraq qatırdı.

Mənə görə tədbirin öyrənmə günü, Asaf Bartovun Vikimediya hərəkatı haqqında verdiyi qısa məlumat demək olar ki, bizim icma üçün heç də qısa sayılmazdı. Kaş ki, icmamızın bütün üzvləri bu məlumatı eşidə biləydi. Tədbirin ilk günü 4 təlim diqqətimi çəksə də iki mövzu mənə görə Vikipediya üçün çox ciddi və vacib mövzular idi: birincisi Natalia Ćwik, Marios Magioladitisin təqdimatında Süni intellekt dövründə Vikimedianın gələcəyi və Asaf Bartovun təqdimatında Silahlandırılmış süni intellektə qarşı vikilərimizi müdafiə edirik (tərcümədə səhvə yol verə bilərəm) mövzuları idi. Asaf Bartovun təqdimatının PDF versiyası mövcuddur və hər kəsin bu mövzuyla mütləq tanış olmasını tövsiyyə edərdim. Nəticə etibarı ilə süni intellektin vikipediyaya təsiri qaçılmaz görünür amma düzgün istifadə möhtəşəm nəticələr verə bilər.

İkinci gün ən çox marağımı çəkən təlimlərdən biri Tomasz Wszeborowskinin Polşa Vikipediyasının admin dəstəyi proqramı təqdimatı idi. Bu təqdimatın da PDF versiyası var və inzibatçılarımızın gözdən keçirməyində fayda olacaq. Digər mövzu isə Marios Magioladitisin çoxlarımıza tanış olan AutoWikiBrowser təqdimatı oldu. Buradan da öyrənəcəyimiz çox şeyin olduğunu düşünürəm. Təqdimatçıya verilmiş "AWB istifadəsi üçün müləq bot hesabının olması vacibdirmi?" sualı və onun qısaca "yox" cavabı verməsi də məndə bir az rahatlıq yaratmışdı. Çünki mən bəzi əməliyyatların bot hesabı ilə edilməsini daha məqsədə uyğun sayırdım. Daha sonra bu və bu ən maraqlı təlimlərdən sayıla bilərdi.

Tədbirə getməmişdən öncə mən və Firuza belə bir qərar vermişdik ki, fərqli təlimlərdə iştirak etsək həmin təlim haqqında bir-birimizə ətraflı məlumatlar verək. Düşünürəm ki, bu çox effektiv oldu və bunun sayəsində demək olar qatılmadığımız təlim qalmadı. Son olaraq bir daha bütün aktiv istifadəçiləri bu kimi təlimlərdə iştirak etmək üçün ciddi səy göstərməyə səsləyirəm. Və tədbirlər sonrası aktiv istifadəçilərlə vikigörüşlərin keçirilməsini vacib hesab edirəm. Diqqətiniz üçün çox sağ olun. Hər kəsə fəaliyyətlərində uğurlar. Hörmətlə, Patriot Kor (müzakirə) 19:39, 28 sentyabr 2024 (UTC)

İştirakınız üçün hər birinizə təşəkkürlər. --eldarado(müzakirə | fəaliyyət | meta səhifəsi) 21:59, 28 sentyabr 2024 (UTC)

Təşəkkürlər, uğur olsun. --► Hörmətlə: SolaVirum 23:59, 28 sentyabr 2024 (UTC)

Təcrübələrinizi paylaşdığınız üçün təşəkkürlər. Uğurlar. Hörmətlə, Qədir (müzakirə) 11:21, 29 sentyabr 2024 (UTC)

Həm iştirakınıza görə həm də ətraflı məlumata görə təşəkkür edirəm! Rəcəb Yaxşı (müzakirə) 10:21, 30 sentyabr 2024 (UTC)

Statuslu məqalələrlə bağlı

Salam. Təklif edirəm ki, ana səhifəyə çıxarılan məqalələrin məzmununda paraqraflara bölməyək və mümkün olduğu təqdirdə 2k bayta qədər məzmun əlavə edək. Digər tərəfdən, mən bu səhifələri uzun müddət üzrə yaratmağı planlayıram, bu barədə də fikirləriniz maraqlıdır. Digər bir məsələ isə, məqalə adlarının ana səhifə və status namizədliyi üçün yaradılan qiymətləndirmə səhifəsi ilə yanaşı, statusla əlaqəli digər bütün səhifələrdə də tam verilməsinin təmin olunmasıdır; mötərizə (dəqiqləşdirmə), kursiv, dırnaq və s. Ad necə varsa elə veriləcək. Fikirləriniz maraqlıdır. Hörmətlə, Qədir (müzakirə) 07:39, 30 sentyabr 2024 (UTC)

Salam, ümumiyyətlə Ana səhifəyə 1 il intervalında köhnə statuslu məqalələri əlavə etmək fikriniz doğru deyil. Ola bilər ki, başqa bir istifadəçi həmin məqalələrdən birinin statusunun alınması üçün müraciət edər və status alındıqdan sonra Ana səhifəyə çıxarılar. Yaxud güncəl məqalə əlavə etmək lazım gələr və məcbur onu 1 il sonraya əlavə edərik. Təbii ki, aktual hadisə ilə bağlı məqalə 1 ildən sonra öz əhəmiyyətini itirəcək. Beləliklə, nəzarət etməkdə problem yaranacaq. İkincisi Ana səhifənin indiki veb versiya interfeysinə görə sütunlar yan-yana olmalıdır (həmçinin digər layihələrdə də belədir). Məqalələri bolməzmunlu etdikdə isə bu sütunların biri aşağıda, digəri yuxarıda olacaq. Həmçinin bu müzakirəni artıq işlərinizə qarışıb etiraz etməyimdən sonra açmağınız təəssüf doğurur. Layihə könüllü olsa da icma ümumidir, müzakirə açıb qərar verməmiş özfəaliyyətlə məşğul olmaq doğru deyil. Turkmen ^müzakirə 08:07, 30 sentyabr 2024 (UTC)

@Turkmen, düzü, xoşniyyətlə etmişdim, amma düz deyirsiniz. Yenə də müəyyən bir vaxtı öncədən təşkil etmək lazımdır. Envikidə bir neçə ayı (deyəsən 3) öncədən hazır edirlər, biz də 3 ayı öncədən hazır edə bilərik, yəni bu 3 ay həmişə hazır olacaq. Özü də bizdə həftəyə görədir deyə, bu, edir təxminən 14 məqalə. Məzmundan asılı olmayaraq paraqraflara bölməyə ehtiyac olmadığını düşünürəm. Siz dediyiniz kimi sütunlar düz olanda şəkil mətndən böyük olur. Amma bu barədə ana səhifədə dəyişiklik aparmağımız lazımdır, görünür ki. Hörmətlə, Qədir (müzakirə) 11:52, 30 sentyabr 2024 (UTC)

Həsənov qardaşlarının evi

Xoş gördük həmkarlar. "Viki Abidələri Sevir" layihəsi üçün "Həsənov qardaşlarının evi"nin şəkillərini çəkib Vikianbara yükləmişəm. Amma abidənin inventar nömrəsini müəyyən edə bilmirəm. Abidə Cəfərov qardaşları küçəsində yerləşir. Lakin abidələr siyahısında siyahıda bu küçədə heç bir abidə qeyd olunmayıb. Küçənin keçmiş adları 3-cü Köndələn və Qafur Məmmədov olub. Bu adlarla da nəsə tapa bilmirəm. Binanın üstündə inventar nömrəsini göstərən lövhə də yox idi. Bu mövzuda təcrübəli olan istifadəçilər kömək etsələr sevinərəm.

@Interfase, @Sefer azeri, @Nemoralis. Rəcəb Yaxşı (müzakirə) 12:00, 30 sentyabr 2024 (UTC)

Normalda üzərində Mədəniyyət Nazirliyinin lövhəsi olur. Yoxdursa yəqin ki, heç əlavə edilməyib. Nemoralis (müzakirə) 12:06, 30 sentyabr 2024 (UTC)

Bu binanın çox güman ki, inventar nomrəsi heç yoxdur. Ancaq niyə bu binanı "Sadıqov qardaşlarının evi" adlandırırsız? Sadıqov qardaşlarının evi budur axı. Həmdəki binanın üzərində "Həsənov qardaşlarının" yazılıb[1] Interfase (müzakirə) 12:20, 30 sentyabr 2024 (UTC)

Şəkillər çox idi deyə səhvən elə yazmışam. Düz yazmısız bu Həsənov qardaşlarının evidir. Çox sağ olun yazdığınıza görə. Kateqoriya və Vikidatada düzəltdim. Qaldı şəkillərin adları. Rəcəb Yaxşı (müzakirə) 13:04, 30 sentyabr 2024 (UTC)

@Rəcəb Yaxşı, salam. Adlarını dəyişə bilərəm. Addəyişmə üçün müraciət edib 1-ci punktu seçin: "Criterion 1 (At the original uploader’s request)", sonra xəbər edin. Müraciət elə addəyişmə punktu ilə eyni yerdədir. Turkmen ^müzakirə 13:11, 30 sentyabr 2024 (UTC)

Var olun. Biri ilə bağlı eyni birinci punktla sorğu verdim. Hər biri haqqında sorğu verməliyəm ya biri bəsdir? Rəcəb Yaxşı (müzakirə) 13:12, 30 sentyabr 2024 (UTC)

@Rəcəb Yaxşı, yox, hər biri haqqında ayrı sorğu olmalıdır. Turkmen ^müzakirə 13:15, 30 sentyabr 2024 (UTC)

Yaxşı bu dəqiqə edirəm. Çox sağ olun. Rəcəb Yaxşı (müzakirə) 13:16, 30 sentyabr 2024 (UTC)

@Rəcəb Yaxşı, dəyməz, 1-ni həll etdim artıq. Turkmen ^müzakirə 13:18, 30 sentyabr 2024 (UTC)

həmin şəkillər panaromik azadlıq səbəbilə silinmir ki? --► Hörmətlə: SolaVirum 16:16, 30 sentyabr 2024 (UTC)

Əgər memarın ölümündən 70 il keçibsə - yox. Əgər memar bilinmirsə, və bina 70 il bundan öncə inşa edilibsə - yox. Əgər binanın nə memarı nə də ki təxmini inşa tarixi bilinmirsə, onda silinə bilər. Interfase (müzakirə) 05:49, 1 oktyabr 2024 (UTC)

Binanın üzərində ki ad (Бр. Гасановыхъ) köhnə rus əlifbası ilə yazılıb deyənə, belə ehtimal etmək olar ki, bina 1918-ci ilə qədər inşa edilib. Ancaq bu bir ehtimaldır... Interfase (müzakirə) 05:56, 1 oktyabr 2024 (UTC)

Qaralamada olan məqaləni dərc etmək

Salam dostlar. Mən qaralamada İdris Abbasov adında məqalə yaratmışam və iş tamamlanıb. İndi istəyirəm onu əsas səhifəyə yönəldim və dərc edim. Lütfən yolunu göstərin,mən məqaləni dərc edim. Öncədən təşəkkür edirəm Ayten filoloq (müzakirə) 18:03, 1 oktyabr 2024 (UTC)

@Ayten filoloq Salam, məqalənin çox böyük hissəsi mənbəsizdir. Atakhanli (müzakirə) 19:29, 1 oktyabr 2024 (UTC)

Salam.Təşəkkür edirəm cavabıniza görə.

Belə alınır,lütfən.

Necə edək ki dərc olunsun ? Yolunu bilirsinizsə,lütfən kömək edin dərc edək.

Qaralamaya düşüb,hərçənd qaralamada yaradılmayıb. Ayten filoloq (müzakirə) 09:32, 2 oktyabr 2024 (UTC)

hər vaxtınız xeyir olsun, aytən xanım. məsələ elə orasındadır ki, belə alınmır :D məqalənin formatı vikipediya standartlarına uyğun deyil. səbirli olun, tələsməyin; əgər məqalə ensiklopedik əhəmiyyətlilik qaydalarına cavab verirsə, lazımi düzəlişlər aparılandan sonra əsas ad fəzasına çıxarıla bilər :3 əkrəm. 12:27, 2 oktyabr 2024 (UTC)

Salam.

Təşəkkür edirəm fikir yazdığınıza görə.

Məqalə 4 gündür ki yazılıb. Mən Wikipediada mənasız,heç bir əsaslara bənd olmayan,yalnış məqalələr görmüşəm ki dərc olunub. Burada informasiya müəllif tərəfdən verilib,bizə sadəcə onu ora yerləşdirimək nəsib olub.Mən ora heçnə əlavə edə bilmirən.

Mən razıyam tələsmədən siz deyən düzəlişləri edim,amma maraqlıdır ki,sonda məqalənin uyğun ya qeyri uyğun tərtib olunmasına kim qərar verir? Yanı bunu insanmı edir ya robot ?

Düzəlişləri etməyə hazıram,lütfən yazın və mən çalışım edim.

Bir daha təşəkkür edirəm. Ayten filoloq (müzakirə) 14:03, 2 oktyabr 2024 (UTC)

Salam. Məqalə məzmunu Vikipediyanın məqalə tərtibatı və redaktə qaydalarına uyğun olmalı, həmçinin ensiklopediklə yanaşı, digər bir sıra qaydalarının tələblərinə cavab verməlidir. Sizin qaralamada tərtib etdiyiniz məqalə isə dərc olunması üçün kafi deyil. Lütfən digər məqalələrə baxaraq uyğunlaşdırın. Həmçinin ensiklopedik əhəmiyyətlilik qaydalarımızla tanış olun. Məqalələrin qalıb-qalmamasına, silinib-silinməməsinə qaydalarla, həmçinin müvafiq müzakirələrin nəticələri ilə qərar verilir. Vikipediya könüllü layihə olduğu üçün qeyd etdiyiniz problemli digər məqalələr gözdən qaça bilər, bu halda bunları bizə bildirə, yaxud silinmələrini tələb edə bilərsiniz. Mövzular ensiklopedik olduğu halda isə həmin məqalələrə müvafiq xəbərdarlıq şablonları əlavə edilir və həmçinin uyğunsuz müvafiq hissələr də məzmundan çıxarılır. Hörmətlə, Qədir (müzakirə) 14:12, 2 oktyabr 2024 (UTC)

Salam

Təşəkkür edirəm diqqətinizə görə.

Basqa məqalələrə baxmışam.

Lütfən deyə bilərsinizmi,bizim məqalədə hansı yerlər uyğun deyil və onu necə düzəldək ?

Lütfən konkret yerləri göstərin,mən çalışım düzəldim. Ayten filoloq (müzakirə) 14:19, 2 oktyabr 2024 (UTC)

ötəri məlumat kimi qeyd edim, ev tapşırığımı yazandan sonra məqaləyə özüm əl gəzdirəcəyəm:

• zati-alilərinin həyatı ilə əlaqədar hər xırda təfərrüatı qeyd etməyə ehtiyac yoxdur;
• məlumatları siyahı ilə deyil, nəsr şəklində qeyd etmək lazımdır;
• istinad göstərən zaman istinad şablonlarından istifadə etməlisiniz.

ümumiyyətlə, yuxarıdakı mesajda qeyd etdiyim vikipediya standartları ilə vp:sk (ingiliscə variantı daha genişdir, onu da oxumağınızı məsləhət görərdim) səhifəsindən tanış ola bilərsiniz. fəaliyyətinizdə uğurlar ^^ əkrəm. 15:08, 2 oktyabr 2024 (UTC)

Gadir müəllim

Siz ya qeyri kimsə bu düzəlişləri edə bilərsə,mən ancaq sevinərdim.

Məqalədə yetərincə məlumatlar var.Yaqin ki onu Vikipedia standartlarına uyğunlaşdırmaq lazım.

Lütfən kimsə bunu edə bilsə,mən sevinərdim.

Təşəkkür edirəm Ayten filoloq (müzakirə) 14:25, 2 oktyabr 2024 (UTC)

@Ayten filoloq, salam. Nümunə olaraq öz yaratdığım 2 məqaləni sizə misal çəkəcəm: Fərman Mahmudov və Mollalar Əşrəf. Çalışın məqaləniz təxmini bu cür olsun. Xarici keçidləri düzgün qoymamısız məsələn. Bu işarələrdən [] istifadə edilməlidi xarici keçid yerləşdiriləndə. Və Xarici keçidlərə o qədər link əlavə etmək VP:SK-ya uyğun deyil. Ehtiyac yoxdur. 3 dənə seçmə link kifayətdir. Həmçinin şəxsin bütün məqalələrinin siyahısını qeyd etməyə ehtiyac yoxdur. Seçmə məqalələri kifayətdir. Məsələn 10 dənəsi. Məqalə özü siyahı formasında olmamalıdır. Mətn formasında olmalıdır. Nümunə kimi qeyd etdiyim 2 məqaləyə baxın fərqi özünüz görəcək və məqalənizi düzəldə, səliqəyə sala biləcəksiz. Bunu sizin üçün kimsə etməyə bilər. Çünki bu heç kimin borcu və ya vəzifəsi deyil. Kimə hansı mövzu maraqlıdırsa o mövzuda məqalə işləyir. samral ^müzakirə 21:13, 3 oktyabr 2024 (UTC)

Salam.

Təşəkkür edirəm fikirinizə görə.

Mən baxdım,sizdə əsasən istinadlardır,məndə istinadlar və xarici keçidlər var. Bəyəndim sizin məqalələri!

Xarici keçid necə düz olmaya bilər ki ? Basırsınız üstünə,atır sizi sayta.

Mən sizinlə razıyam,amma biz hələ müəllifin mətnini qısaltmışıq biraz.Bir təhər razılaşıb.

O hər işə illərini sərf edib,bu yaxındada kitabı çıxıb ki,bənzərsiz bir iş görülüb (Həmçinin bax bölməsində).

İxtisar etsək,daha nə qalır ki ? Mən hesab edirəm ki,alim haqqında yetərli məlumatlar olmalıdır,əks halda bunun nə mənası olur ki ? İnsan istəyir ki,bütün işləri haqqında məlumat verilsin,internetdə onun haqda yazılan məqalələr qeyd olunsun.Vikipedia məlumatın çoxluğuna məhdudiyyət qoyur ki?Elə insanlar olub ki,onların yaşadığı zamannda internet qəzetlər olmayıb.İdris müəllim haqda məqalədə elə qəzetlərdə gedən məqalələrə keçidlər çoxdur(yalnışdırsa ixtisar edək).Sadəcə onun haqqında yazırlar.

Amma mənim fikirlərimə baxmayaraq,əgər hesab edirsinizsə ki,səbəblər budur,lütfən,bir təcrübəli insan kimi düzəlişlərinizi edin,dərc edək bizim alimimizi.Mənim üçün birdə maraqlı odur ki,mən məqaləni qaralamada yaratmamışam,niyə o qaralamaya gedib?

Bir daha təşəkkür edirəm və xahiş edirəm,kömək edin,məqaləni dərc edək.Təcrübəli insan üçün o düzəlişləri etmək çətin olmamalı.

Mənim bacardığım bura qədərdir. Ayten filoloq (müzakirə) 14:26, 5 oktyabr 2024 (UTC)

Vikipediya məlumat bazası yox, ensiklopediyadır, mənbələrə əsaslanaraq yazılan virtual ensiklopediya. Mənbə yoxdursa, məqalə də olmayacaq, çünki Vikipediya etibarlı mənbə deyil, etibarlı mənbələrin güzgüsüdür. Daha ətraflı buradan tanış ola bilərsiniz: Vikipediya:Vikipediya nə deyil. Hörmətlə, Qədir (müzakirə) 15:15, 5 oktyabr 2024 (UTC)

Salam.

Təşəkkür edirəm.

Lütfən,bildiyinizi düzəliş edin. Amma onu da deyim ki,mən Vikepediada məqalə görmüşəm,heç bir mənbəyə əsası olmadan dərc olunub.Maraqlıdır,elə məqalələr hansı yol ilə keçir ?!

Həyatdan köçmüş insanlar (alim,aktyor..) haqda mənbələr çox olur.İnandırım sizi onların sağlığında bəlkə bir mənbə tapmaq olmazdı.İnsan ki dünyadan köçür,hamı onun haqda yazmağa başlayır və məlumat mənbəyi artır.

İdris müəllimə Allah can sağlığı versin,çox pak,dəyərli bir alimdir ki,hər il yazır,yaradır,işləri çıxır,alimlər yetişdirir.Olan məlumatlarımız budur.Lütfən bacardığınız düzəlişləri edin dediyiniz qaydada və əlavə məlumat lazımdırsa,mən onun özündən əldə edə bilərəm. Allah sizin kimi insanların da ömrünü uzun etsin ki,köməyinizi əsirgəmirsiniz.

Bir daha təşəkkür edirəm. Ayten filoloq (müzakirə) 06:53, 6 oktyabr 2024 (UTC)

Portallarla bağlı

Salam. Bildiyiniz kimi bizdə Portal adlı bir layihə mövcuddur. Məsələn, Portal:Anime və manqa, Portal:Videooyunlar kimi. Portallar olduqca maraqlı bir layihədir, müəyyən bir mövzuya fokuslanmağa imkan verir. Amma təəssüf ki, demək olar ki, AzVikidə artıq uzun müddətdir ki, portallar unudulub və maraq göstərən də yoxdur. Bizdə guya ki, Seçilmiş portallar layihəsi var, 5 portal da guya bu statusu daşıyır. Amma artıq 10 ildir ki, Seçilmiş portallar layihəsinə yaxın duran yoxdur. Qeyd edim ki, EnViki 2017-ci ildə, TrViki isə 2022-ci ildə Seçilmiş portal layihəsini tamamilə ləğv edib. Bundan əlavə, Ana səhifənin başlığında müxtəlif portallara keçidlər verilib, amma portalların demək olar ki, hamısı ölüdür. Həmin portallarda aktivlik yoxdur, oxucu girib 2024-cü ilin yox, 2014-cü ilin vikisini oxuyur elə bil. O qədər yeni məqalə yazılır, status alır, amma heç biri o portallarda yer almır.

Mən ona görə təklif edirəm ki, Seçilmiş portallar layihəsini və Seçilmiş portal statusu olan portalların statusu təmiz ləğv edək, Ana səhifəni başlığındakı portalları da çıxaraq, başlığı başqa cür dizayn edək. Yerinə nəsə qoya bilərik, ya da sadə də ola bilər. Şiroi Akuma 06:32, 5 oktyabr 2024 (UTC)

İndi dedin yadıma düşdü)). Bəli, doğru deyirsiz inkişaf etmir, ölü layihədi. Araz Yaquboglu (müzakirə) 07:40, 5 oktyabr 2024 (UTC)

Qeyd edilən arqumentlərlə razıyam və təklifi dəstəkləyirəm. Yeri gəlmişkən, trviki "portal" layihəsini ümumiyyətlə ləğv edib. Köhnələr qalır, amma yeni portal yaradılmır. Ana səhifə isə yenidən dizayn edilməlidir. Bu barədə ayrı başlıqda daha geniş müzakirə aparmaq olar. Hörmətlə, Qədir (müzakirə) 10:06, 5 oktyabr 2024 (UTC)

Dəstəkləyirəm. Ana səhifəyə bunu əlavə edə bilərik: İstifadəçi:Nemoralis/Ana Səhifə Nemoralis (müzakirə) 15:58, 5 oktyabr 2024 (UTC)

Yaxşıdır, əlinə sağlıq. Hörmətlə, Qədir (müzakirə) 16:06, 5 oktyabr 2024 (UTC)

+ Turkmen ^müzakirə 16:49, 5 oktyabr 2024 (UTC)

White Demon ilə razıyam, bəlkə də layihənin potensialı var amma indiki vəziyyətdə uğur yolu görünmür. Ana səhifəyə bunu əlavə edə bilərik — Bikar ^müzakirə 17:12, 5 oktyabr 2024 (UTC)

razıyam. çoxdan fikirləşdiyim şey idi elə. yerinə düşdü. ləğv olunsun Atakhanli (müzakirə) 18:23, 5 oktyabr 2024 (UTC)

• Ləğv olunmasının tərəfdarıyam. Envikidə bu qərarla bağlı müzakirədə də qeyd edildiyi kimi, portallar təkcə redaktorlar yox, həm də oxucular tərəfindən maraq görmür və uyğun səhifələrin izlənmə sayının azlığından bunu aydın görmək olur. Təklif edilən addımların atılması ilə razıyam. --Sura Shukurlu (müzakirə) 22:31, 5 oktyabr 2024 (UTC)

---

Y Yekdilliklə qəbul olundu. Hörmətlə, Qədir (müzakirə) 20:25, 6 oktyabr 2024 (UTC)

Hara tələsirsiz? Qoyardız müzakirə ən azından 1 həftə davam edərdi də? Bəlkə razılaşmayan biri olacaqdı. Nemoralis (müzakirə) 05:39, 7 oktyabr 2024 (UTC)

Məncə də tələsik qərardı. Şəxsən mən portalların ləğvinə qarşıyam. Onsuz da dilimizdə məlumat qıtlığı var. Vaxtilə əziyyətlə yaradılan portalları silmək mənasızdır. Elə bil ki hansısa məqalə oxunmur deyə silirik. Rəcəb Yaxşı (müzakirə) 06:18, 7 oktyabr 2024 (UTC)

Portallar ləğv olunmur ya da silinmir. Söhbət Seçilmiş portal layihəsinin ləğvindən və Ana səhifənin başlığından portalların çıxarılmasından söhbət gedir sadəcə. Şiroi Akuma 06:22, 7 oktyabr 2024 (UTC)

@Nemoralis, @Rəcəb Yaxşı, kifayət qədər fikir gəldiyini və qarşı fikir də olmadığını nəzərə alıb icra etmişdim, istəyirsinizsə, geri qaytara bilərəm, bir neçə gün sonra tətbiq edərik. Hörmətlə, Qədir (müzakirə) 11:11, 7 oktyabr 2024 (UTC)

@Gadir, bu hörmətsizlikdir. 2 günə müzakirə yekunlaşdırılmır. Təəssüf ki, siz özfəaliyyəti dayandırmırsınız və istədiyinizi edirsiniz. Turkmen ^müzakirə 11:27, 7 oktyabr 2024 (UTC)

@Turkmen, qeyd etdiyiniz niyyətlərlə etməmişəm, SNS-də və müzakirə səhifələrində olduğu kimi burda da ortaq fikir varsa, qərar daha tez tətbiq edilə bilər deyə bilirəm. Burada əsas məsələ iştirakçı sayıdır yoxsa müddət? Hər iki nüansa da diqqət etməyə çalışıram. Bu dəyişikliyi geri alım indi? Hörmətlə, Qədir (müzakirə) 11:35, 7 oktyabr 2024 (UTC)

Məncə də nəsə qərar qəbul edəndə heç olmasa 1 həftə gözləmək lazımdır. Düzdü, onsuz da nəticə eyni olacaq, amma istifadəçilər etiraz edir. Şiroi Akuma 13:28, 7 oktyabr 2024 (UTC)

Bu portallarnan çoxdan nəsə etmək lazım idi. Məncə, onların müəyyən mövzularla bağlı yazan istifadəçilər üçün iki üstünlükləri var: 1) həmin mövzuya maraq göstərən istifadəçilər üçün bir-birini tapmağı və bir-birinin fəaliyyəti ilə tanış olmağı asanlaşdırır; 2) həmin mövzu ilə bağlı qaydaların və başqa infrastrukturun tapılmasını asanlaşdırır. Əgər, biz portalları ciddən islahat etmək istəyirik, bu iki üstünlüklərini özəlliklə vurğulamaq lazımdır. --Мурад 97 (müzakirə) 11:52, 7 oktyabr 2024 (UTC)

Layihəyə maraq yoxdur. Vikilayihələrlə də bu dediyinizi etmək mümkündür. Hətta o, daha genişdir, orada istifadəçilər birləşib məqalə üzrə töhfə verirlər. O layihə də bizdə passiv haldadır. Nümunə kimi baxın: Vikipediya:VikiLayihə Musiqi, Vikipediya:VikiLayihə Film. Hörmətlə, Qədir (müzakirə) 12:05, 7 oktyabr 2024 (UTC)

Invitation to Participate in Wiki Loves Ramadan Community Engagement Survey

Dear all,

Apologies for writing in English. Please help to translate in your language. We are excited to announce the upcoming Wiki Loves Ramadan event, a global initiative aimed at celebrating Ramadan by enriching Wikipedia and its sister projects with content related to this significant time of year. As we plan to organize this event globally, your insights and experiences are crucial in shaping the best possible participation experience for the community.

To ensure that Wiki Loves Ramadan is engaging, inclusive, and impactful, we kindly invite you to participate in our community engagement survey. Your feedback will help us understand the needs of the community, set the event's focus, and guide our strategies for organizing this global event.

Survey link: https://forms.gle/f66MuzjcPpwzVymu5

Please take a few minutes to share your thoughts. Your input will make a difference!

Thank you for being a part of our journey to make Wiki Loves Ramadan a success.

Warm regards,

User:ZI Jony 03:19, 6 oktyabr 2024 (UTC)

Wiki Loves Ramadan Organizing Team

Təftişçi

Salam. Məncə, bizə iki dənə təftişçi lazımdı. Hörmətlə, Qədir (müzakirə) 14:18, 6 oktyabr 2024 (UTC)

Məntiqlə hə, vikiicma(ölkə) reallığını nəzərə alsan yox. Şəxsi maraqlar üçün istifadə olunacaq. Hələ ki, müraciətlərdən meta dolub-daşmır. Əleyhinəyəm — Bikar ^müzakirə 20:37, 6 oktyabr 2024 (UTC)

Etibarlı şəxslərə etibar edib vermək olar. Bu, çox ciddi hüquqdur, icmada bu hüququn məsuliyyətlərini layiqincə ala biləcək istifadəçilər olduğuna inanıram. Meta verdiyi datalarla iş görmək olmur ki. Hər dəfə başa salmaq da yorur adamı, üstəgəl, buna gec dönüşü də əlavə etsək və s. @Nemoralis və @White Demon, məncə, bu hüquq üçün layiqli namizədlərdir. Hörmətlə, Qədir (müzakirə) 20:46, 6 oktyabr 2024 (UTC)

Məncə, bizə gizlədən də lazımdı. Çünki inzibatçı aləti ilə gizlədilən məlumatları inzibatçıların da yayma ehtimalı var. Amma o şəxslərin həssaslıqla bir dəfəlik gizlətdiyi məlumatları heç inzibatçılar da görə bilmir, necə ki, mən istifadəçilərin gizliliklərinə xüsusi önəm verirəm. Mən bu hüquq üçün namizəd ola bilərəm, əgər ehtiyac hasil olarsa. Hörmətlə, Qədir (müzakirə) 20:48, 6 oktyabr 2024 (UTC)

1. Yenə də razı deyiləm.
2. Hər dəfə söhbət gəlib inzibatçı hüquqların paylanmasına çıxır. Bu hüquq ümumiyyətlə idxal olunub ki?
3. Bütün hüquqlara sahib olmağ istiqamətində gedirsən, yaxşı birşey deyil — Bikar ^müzakirə 20:57, 6 oktyabr 2024 (UTC)

Hansı hüquqlara sahib olma istiqamətində gedirəm? :) Bizə əsas təftişçi lazımdı bu dəqiqə. O biri də mənə görə lazımdı, lazım bilinər lap başqası namizəd olar, amma lazımlı məsələdi. Mən bürokrat ya da təftişçi olmağı düşünmürəm. Amma gizlədən olmaq istərdim, çünki o funksiyadan lap çox istifadə edirəm. Hörmətlə, Qədir (müzakirə) 21:00, 6 oktyabr 2024 (UTC)

Burada bəzi detalları açmaq istəmirəm, amma görürəm ki, məcburam buna. Bir-iki istifadəçi də bu barədə məlumatlıdır. Mənim şəxsi məlumatlarım bu platformada vaxtilə mən tərəfindən qeyd olunmuşdu və mən onları gizlətmək üçün stüard ilə əlaqəyə keçmişəm. Heç şübhə yoxdur ki, bəzi inzibatçılar həmin məlumatları ələ keçirib qarşı tərəfə ötürsəydilər, mənim də olan anonimliyim ifşa olunacaqdı. Hörmətlə, Qədir (müzakirə) 21:03, 6 oktyabr 2024 (UTC)

Haqqında məlumatı gizlətsinlər, ondan sonra müzakirə eliyərik — Bikar ^müzakirə 21:17, 6 oktyabr 2024 (UTC)

Gizlədilib, amma bəlkə də çoxdan stoklayıblar)) Hörmətlə, Qədir (müzakirə) 21:21, 6 oktyabr 2024 (UTC)

İcamadakı hazırkı şərait bu cür addım üçün həqiqətən də sağlam deyil. --Мурад 97 (müzakirə) 21:37, 6 oktyabr 2024 (UTC)

Ensiklopedik əhəmiyyətliliyinin Təsdiqlənməsi və Qaralamada olan Məqalənin Dərc Edilməsi

Salamlar hər kəsə, mənim sualım bu yaxanlarda hazırladığım Qaralama:Aysel Fikrət məqaləsi ilə bağlıdır. Öncəliklə qeyd edim ki, məqaləni işləyərkən Ensiklopedik Əhəmiyyətlilik qaydaları ilə tanış olmuşam. Şəxsi yaradıcı mütəxəssis hesab etmək olar, bununla bağlı mövcud ədəbiyyatdan əlavə internetdə yer alan resurslar ilə də tanış olaraq bu nəticəyə gəlmək mümkündür. Bu resursların bir qisimini xarici keçid kimi məqaləyə əlavə də etmişəm. Məqalənin müəyyən qədər qısa olmasına baxmayaraq, qeyd olunan hər bir detal, və məlumat da birdən çox mənbə istinad olaraq verilib, bunu da nəzərə almağınızı xahiş edərdim.

Bütün bunlara baxmayaraq, məqalə yuxarıdakı səbəblə qaralama statusına keçirilib. İndi Ensiklopedik Əhəmiyyətliliyin təsdiqlənməsi necə baş verir (?) və nə qədər müddətə bu iki prosedur (təsdiqi və dərc olunma) çəkir (?), xahiş edirəm bununla bağlı məlumat verərdiniz. Kamran.Ahmad1978 (müzakirə) 19:02, 7 oktyabr 2024 (UTC)