Vikipediya

İnna Şevçenko

Ukraynalı feminist, fəal. Femen beynəlxalq qadın hərəkatının liderlərindən biri

İnna Valeryevna Şevçenko (ukr. Інна Валеріївна Шевченко ; 23 iyun 1990[1], Xerson) — Ukraynalı feminist, fəal. Femen beynəlxalq qadın hərəkatının liderlərindən biri. Patriarxata, diktatura, din və seks-industriyaya qarşı etiraz mitinqlərində yarıçılpaq geyimi ilə diqqət çəkir.[2][3] O, 2011-ci ildə Belarus DTK-sı tərəfindən qaçırılan və təhdid edilən üç FEMEN fəalı qrupunun lideri idi.[4] 2012-ci ildə motorlu mişarla Kiyevin mərkəzində dörd metrlik xaçı kəsərək Ukraynada diqqəti özünə cəlb edib.[5]

İnna Şevçenko
ukr. Інна Степанівна Шевченко
Şəxsi məlumatlar
Doğum tarixi 23 iyun 1990(1990-06-23)[1] (34 yaş)
Doğum yeri
Təhsili
  • Kiyev Universitetinin Jurnalistika İnstitutu[d] (–2012)
Fəaliyyəti qadın hüquqları fəalı[d], siyasətçi, yazıçı
Vikianbarın loqosu Vikianbarda əlaqəli mediafayllar

2013-cü ildə Şevçenko Fransadan siyasi sığınacaq alıb. Hazırda o, Parisdə yaratdığı FEMEN France təşkilatına rəhbərlik edərək etiraz fəaliyyətini davam etdirir.[6]

Həyatı

redaktə
 
İnna Şevçenko Parisdə, 2012-ci il

İnna Şevçenko 23 iyun 1990-cı ildə Xersonda anadan olub. Onun xatirələrinə görə: “Mən tipik bir ukraynalı, slavyan qızı kimi tərbiyə ediblər və qışqırmamağı, mübahisə etməməyi öyrədiblər.” O, xüsusilə də hərbçi olan atası ilə daha yaxın idi. Onun ondan yaşca böyük bacısı da var.[7] Ukraynada 2004-cü il Narıncı inqilabı onun diqqətini siyasətə cəlb etdi. O, diqqəti ona yönəldib ki, jurnalistləri siyasətçilərə qarşı qoyan televiziya şouları jurnalistləri “daha ​​ağıllı göstərib, ona görə də mən onlardan biri olmaq istəyirdim”. 2008-ci ildə o, Taras Şevçenko adına Kiyev Milli Universitetinə daxil olub, jurnalistika təhsili alıb və 2012-ci ildə oranı fərqlənmə diplomu ilə bitirib. Tələbə hökumətinin lideri kimi işləməsi ona siyasi əlaqələr yaratmağa və bu, ona 2009-cu ildə Kiyev merinin mətbuat ofisində işə düzəlməyə kömək etdi. İnna Şevçenkonun doğma dili rus dilidir,[8] baxmayaraq ki, o, ukrayna və ingilis dillərini də mükəmməl bilir.[9]

Şevçenko Femenin iki aparıcı fəalı Anna Qutsol və Aleksandra Şevçenko ilə VKontakte sosial şəbəkəsi vasitəsilə əlaqə saxlayıb və 2009-cu ilin əvvəlində Femenə qoşulub. Anna Qutsol 10 aprel 2008-ci ildə doğma Xmelnitskidən olan iki dostu,[10] Aleksandra Şevçenko və Oksana Şaçko ilə Kiyevdə Femeni yaradıb. Onlar əvvəlcə qız tələbələri narahat edən məsələlərlə bağlı etirazlar təşkil edirdilər, lakin tez bir zamanda ukraynalı qadınların cinsi istismarına qarşı nümayişə keçdilər. İnna Şevçenko ilk dəfə Femen hərəkatı ilə tədbirə 23 may 2009-cu ildə Kiyevdə fahişəliyə qarşı mitinqdə “Ukrayna fahişəxana deyil”[11][12] nümayişində çıxıb.[13] 2009-cu ilin avqust ayının sonunda Oksana Şaçko sinəsini geyimsiz göstərən qrupun ilk üzvü oldu. Femendə etirazın etikasına dair müzakirələrdə İnna Şevçenko əvvəlcə bu cür taktikaların əleyhinə çıxış edib, lakin sonra onun effektivliyinə əmin olub.[14] 2010-cu ilin fevralında Nikolay Azarovun kabinetində qadınların olmamasına etiraz etdikdən sonra o, Kiyevdəki mətbuat xidmətindəki vəzifəsindən azad edilib.

8 sentyabr 2012-ci ildə Şevçenko Hollandiyanın Ensxede şəhərində keçirilən GOGBOT festivalında, Rusiyada "Pussy Rayt"nın həbsinə etiraz olaraq taxta xaçları kəsib.[15] 18 sentyabr 2012-ci ildə Şevçenko Parisdə FEMEN Fransa üçün təlim mərkəzi yaratdı. 2012-ci il oktyabrın 26-da Şevçenko ərəb telekanalının “Əl-Cəzirə”yə canlı müsahibə verərkən ondan soruşublar: “Qadınlar üçün hansı daha yaxşıdır, çılpaqlıq, yoxsa burka?” O, “orta əsr ön mühakimələrinə” etiraz olaraq köynəyini çıxararaq cavab verib.[16][17] Televiziya rəhbərliyi canlı yayımı qəflətən kəsib. 2013-cü ilin iyulunda Şevçenko Fransadan sığınacaq alıb.[6]

Yarıçılpaq geyim Şevçenko üçün az qala iş forması kimi olmasına baxmayaraq, o, hər nümayişdən əvvəl sinəsini çılpaq göstərmək istəyini özündə boğmaq məcburiyyətində qalır.[18]

2012-ci ilin dekabrında Fransanın Madame Figaro jurnalı Şevçenkonu 2012-ci ildə dünyanın 20 məşhur qadını siyahısına daxil edib.[19]

İctimai çıxışları

redaktə
 
İnna Şevçenko (solda) və Aleksandra Şevçenko 2010-cu il Kiyevdə mitinqə hazırlaşır

Şevçenko konfranslarda məruzəçi və beynəlxalq mətbuatda köşə yazarıdır. O, 14 fevral 2015-ci ildə Kopenhagendə karikaturaçı Lars Vilks ilə söz azadlığına dair debatda məruzəçi olub. Terrorçu debat gedən mədəniyyət mərkəzinin foyesində atəş açanda o, Qərbi Avropada insanların söz azadlığından tam həzz ala biləcəyi illüziyasından danışırdı. Hücumdan sonra Şevçenko belə deyib: “Liberal səslər Kalaşnikovdan daha yüksək olmalıdır”.[20]

İnna Şevçenko beynəlxalq mətbuat üçün yazılar yazır. O, "International Business Times"ın köşə yazarıdır.[21] Onun məqalələri həmçinin "The Guardian", "The Huffington Post" və CNN-də dərc olunub. Şevçenko digər Femen fəalları ilə birlikdə "FEMEN: Manifest və Üsyan" kitabını yazıb.[22] Kitab dini qurumların məsuliyyətindən və qadınlara verilən zülmdə onların dolayısı iştirakından bəhs edir: “Dünyanın hər yerində Vatikanda, Məkkədə, Qüdsdə, sinaqoqlarda, məscidlərdə və kilsələrdə hər kəs qadınlara qarşı yeni sözlər və hərəkətlər ortaya qoyur. Hər gün qadınlar şərlənir, çirkləndirilir, incidilir və ya öldürülür. Hər gün ictimai yerlərdə gizlənən, evinə qapanan, təhsildən və gələcək perspektivindən məhrum olan, susdurulan, alçaldılan, döyülən, şikəst edilən, daş-qalaq edilən, yandırılan qadınlar bizim köməyimizi gözləyir. Biz daha səssiz qala bilmərik. Dünyanın müsibətlərində dinlərin məsuliyyəti ekranlarımıza və gözlərimizə tuş gəlir, lakin bir çoxları hələ də qadınların problemlərində onların rolunu görməkdən imtina edirlər. Bu kitab ona görə yazılmışdır ki, biz onların artıq inanmalarını deyil, daha çox bilmələrini istədik” - deyə müəllif qeyd edib.[23]

Biblioqrafiya

redaktə
  • Tyler, Jeffrey, Topless Jihadis, The Atlantic Books (2013), 94 p. (ing.)
  • Ackerman, Galia, with Anna Hutsol, Oksana Shachko, Alexandra Shevchenko, & Inna Shevchenko, FEMEN, Calmann-Lévy (Paris 2013), 280 p. ISBN 978-2-7021-4458-9 . (fr.)[24]
  • Caroline Fourest «INNA», Grasset (Paris 2014)
  • Massimo Ceresa, «FEMEN, Inna e le streghe senza Dio», Tra le righe libri (Lucca 2016) (fr.)
  • FEMEN Inna Shevchenko, Marguerite Stern, Pauline Hillier, Sarah Constantin, Lara Alcazar, Anna Hutsol and others FEMEN Manifest, Utopia (2015), (fr.) / (isp.)
  • FEMEN Rebellion, Edition des femmes (2017), (fr.)
  • Inna Shevchenko, Pauline Hillier Anatomie de l’oppression, Edition du Seuil (2017), (fr.)
  • Catherine Valenti, Les Femmes qui s’engagent sont dangereuses, (2017), (fr.)

Filmoqrafiya

redaktə
  • Karolina Forest və Nadya El Fanni tərəfindən yazılmış və rejissorluq etdiyi, Nilaya Productions tərəfindən 5 mart 2013-cü ildə Fransa 2-də yayımlanan “Nos seins, nos armes” (Bizim döşlərimiz, silahlarımız!), Sənədli film (1 saat 10 dəqiqə).[25]
  • Riahi qardaşları (Araş T. Riahi və Arman Riahi) tərəfindən yazılmış və rejissorluq etdiyi "Gündəlik Üsyanlar", sənədli film (1 saat 58 dəqiqə), Avstriya / İsveçrə / Almaniya, 2013, Kopenhagen Beynəlxalq Sənədli Filmlər Festivalında dünya premyerası 13 noyabr 2013.

İstinadlar

redaktə
  1. ↑ 1 2 Inna Shevchenko // Česko-Slovenská filmová databáze (çeş.). 2001.
  2. ↑ Jeffrey Tayler. "The Woman Behind Femen's Topless Protest Movement - Jeffrey Tayler". The Atlantic. 2013-03-13. 2013-12-05 tarixində arxivləşdirilib. İstifadə tarixi: 2013-07-15.
  3. ↑ "FEMEN". FEMEN. 2016-05-20 tarixində arxivləşdirilib. İstifadə tarixi: 2013-09-29.
  4. ↑ Rfe/Rl. "Ukrainian Activist Group Accuses Belarusian KGB Of Kidnapping, Abuse". Rferl.org. 2011-12-21. 2016-03-04 tarixində arxivləşdirilib. İstifadə tarixi: 2013-07-15.
  5. ↑ Kira Cochrane. "Rise of the naked female warriors". London: The Guardian. 2013-03-20. 2019-07-16 tarixində arxivləşdirilib. İstifadə tarixi: 2013-07-15.
  6. ↑ 1 2 "Femen topless protester wins French asylum". BBC. 2013-07-08. 2019-04-22 tarixində arxivləşdirilib. İstifadə tarixi: 2019-03-11.
  7. ↑ Kim Willsher. "FEMEN is coming: the bare-breasted feminist group who want London women to go topless in the name of political protest - London Life - Life & Style - London Evening Standard". Standard.co.uk. 2013-08-02. 2015-01-28 tarixində arxivləşdirilib. İstifadə tarixi: 2013-09-29.
  8. ↑ Page 31 FEMEN Ackerman, Galia et al. 2013. calmann-levy. ISBN 978-2-7021-4458-9
  9. ↑ "FEMEN". FEMEN. 2012-04-11. 2013-10-02 tarixində arxivləşdirilib. İstifadə tarixi: 2013-09-29.
  10. ↑ Garanich, Gleb. "The femen phenomenon | Photographers Blog". Blogs.reuters.com. 2018-10-11 tarixində arxivləşdirilib. İstifadə tarixi: 2013-07-15.
  11. ↑ Page 96 FEMEN Ackerman, Galia et al. 2013. calmann-levy. ISBN 978-2-7021-4458-9
  12. ↑ "How they protest prostitution in Ukraine | The Observers". Observers.france24.com. 2009-08-28. 2015-05-08 tarixində arxivləşdirilib. İstifadə tarixi: 2013-07-15.
  13. ↑ Piotr Pogorzelski. "New Eastern Europe - Ukraine is not a Brothel". Neweasterneurope.eu. 2013-09-06 tarixində arxivləşdirilib. İstifadə tarixi: 2013-07-15.
  14. ↑  (fr.) Femen Les féministes venues du froid Arxiv surəti 10 yanvar 2013 tarixindən Wayback Machine saytında Arxivləşdirilib 2017-11-12 at the Wayback Machine, en:Paris Match (18 February 2012)
  15. ↑ Voice of Russia. "1000s articles on Pussy Riot Protest in Enschede" (PDF).[ölü keçid]
  16. ↑ "FEMEN activist takes tops off on live Al Jazeera program". Kievpost.com. 2016-02-04 tarixində arxivləşdirilib. İstifadə tarixi: 2013-07-15.
  17. ↑ "Femen Member Is Taking Off Clothes On Live Al Jazeera Program". YouTube. 2012-11-16. 2016-04-07 tarixində arxivləşdirilib. İstifadə tarixi: 2013-07-15.
  18. ↑ "FEMEN". web.archive.org. 2013-10-02. 2013-10-02 tarixində orijinalından arxivləşdirilib. İstifadə tarixi: 2019-03-11.
  19. ↑ "FEMEN". FEMEN. 2012-12-19. 2013-10-02 tarixində arxivləşdirilib. İstifadə tarixi: 2013-09-29.
  20. ↑ Inna Shevchenko. "I will not stop speaking out loud". YouTube. TEDxKalamata. 2015-07-29. 2019-04-16 tarixində arxivləşdirilib. İstifadə tarixi: 2018-01-18.
  21. ↑ "Articles by Inna Shevchenko". International Business Times. 2018-01-20 tarixində arxivləşdirilib. İstifadə tarixi: 2018-01-18.
  22. ↑ FEMEN: Manifeste. Paris: Les éditions Utopia. 2015. с. 64. ISBN 978-2-919160-17-4.FEMEN: Manifeste. Paris: Les éditions Utopia. 2015. 64. ISBN 978-2919160174.
  23. ↑ "Archived copy". 2017-11-07 tarixində arxivləşdirilib. İstifadə tarixi: 2017-11-07.
  24. ↑ "Femen Book (2013) | FEMEN / ФЕМЕН". Femen.info. 2013-04-05 tarixində arxivləşdirilib. İstifadə tarixi: 2013-07-15.
  25. ↑ "Nos seins, nos armes (2012) - Documentaire - L'essentiel - Télérama.fr". Television.telerama.fr. 2018-07-24 tarixində arxivləşdirilib. İstifadə tarixi: 2013-09-29.

Xarici keçidlər

redaktə
 
Vikianbarda İnna Şevçenko ilə əlaqəli mediafayllar var.
Mənbə — "https://az.wikipedia.org/w/index.php?title=İnna_Şevçenko&oldid=7790920"