Əli Nağıyev (siyasətçi)

Əli Nağıyev
Əli Nağıyev
Azərbaycan Respublikasının Belarus Respublikasındakı Fövqəladə və Səlahiyyətli Səfiri
	15 may 2006 – 20 aprel 2011
Azərbaycanın Əmək və Əhalinin Sosial Müdafiəsi naziri
	5 noyabr 1996 – 7 fevral 2006
Azərbaycan Respublikasının Milli Məclisinin I çağırış deputatı
	24 noyabr 1995 – 5 noyabr 1996
Seçki dairəsi	1995 — Proporsional siyahı
Əvvəlki	Vəzifə təsis edildi.
Sonrakı	Murtuz Ələsgərov
Əlincə Xeyriyyə Cəmiyyətinin sədr müavini
	199? – 199?
Sədr	Fəraməz Maqsudov
Şəxsi məlumatlar
Doğum tarixi	15 mart 1954 (70 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ;
Partiya	Azərbaycan Xalq Cəbhəsi (–1992),; Yeni Azərbaycan Partiyası (1992–2006);
Fəaliyyəti	siyasətçi
Təltifləri

Əli Nağıyev (tam adı: Əli Teymur oğlu Nağıyev; 15 mart 1954^[1], Naxçıvan) — azərbaycanlı dövlət və siyasi xadim; Azərbaycan Respublikasının Milli Məclisinin I çağırış deputatı.

Həyatı

Əli Nağıyev 1954-cü il martın 15-də Naxçıvan şəhərində anadan olub. S. Kirov adına Azərbaycan Dövlət Universitetində tətbiqi riyaziyyat üzrə ali təhsil alıb. Professordur. Rus dilini bilir.

Əli Nağıyev ailəlidir, 2 övladı var.

Yeni Azərbaycan Partiyasının qurucu üzvü və sədr müavini olub.

1995-ci il noyabrın 12-də baş tutan parlament seçkilərində Yeni Azərbaycan Partiyasının siyahısı üzrə 4-cü sırada olan Əli Nağıyev, I çağırış Milli Məclisin deputatı seçildi. 1995-ci il noyabrın 24-dən səlahiyyətlərinin icrasına başlayan Əli Nağıyev, Milli Məclisin Sosial siyasət Daimi Komissiyasının üzvü, Azərbaycan—Ukrayna parlamentlərarası əlaqələr üzrə işçi qrupunun isə rəhbəri oldu.^[2]^[3]

Əli Nağıyev Azərbaycan Prezidenti İlham Əliyevin 15 may 2006-cı il tarixli 1454 nömrəli Sərəncamı ilə Azərbaycanın Belarusda Fövqəladə və Səlahiyyətli Səfiri vəzifəsinə təyin edildi. 5 il sonra isə o, İlham Əliyevin 20 aprel 2011-ci il tarixli 1148 nömrəli Sərəncamı ilə Azərbaycanın Belarusda Fövqəladə və Səlahiyyətli Səfiri vəzifəsindən azad edildi.