Əli Verdiyev
Əli Mürsəl oğlu Verdiyev (30 yanvar 1936, Bakı – 8 may 2020) — Azərbaycan rəssamı, pedaqoq, Azərbaycan SSR əməkdar rəssamı (1982).
| Əli Verdiyev | |
|---|---|
| Doğum tarixi | 30 yanvar 1936 |
| Doğum yeri | |
| Vəfat tarixi | 8 may 2020 (84 yaşında) |
| Vətəndaşlığı |
 SSRİ→ Azərbaycan Türkiyə |
| Fəaliyyəti | rəssam |
| Təhsili |
|
| Janrlar | peyzaj, portret |
| Mükafatları |
    |
Həyatı
redaktəƏli Mürsəl oğlu Verdiyev 1936-cı ildə Bakıda anadan olmuşdur. 1958-ci ildə Əzim Əzimzadə adına Azərbaycan Dövlət Rəssamlıq Məktəbini bitirdikdən sonra 10 il ərzində Sankt-Peterburqda təhsil almış, İ. Repin adına Rəssamlıq, Heykəltəraşlıq və Memarlıq İnstitutunda, V. Muxina adına Leninqrad Ali Rəssamlıq və Sənaye Məktəbində oxumuşdur.[1]
1995-ci ildə İstanbula köçən rəssam sonralar Kayseridə işləməyə başlamış, Ərciyəs Universitetinin professoru olmuşdur.[2]
Əli Verdiyev 8 may 2020-ci ildə vəfat etmişdir.[3]
Yaradıcılığı
redaktəƏli Verdiyev yaradıcılıq fəaliyyəti dövründə müxtəlif mövzu və janrlara müraciət etmiş, onun yaradıcılığında dəqiq və aydın rəsmlər əsas yer tutmuşdur.[4] Müxtəlif süjetli kompozisiyaların müəllifi olmuşdur. Onun "Savadsızlığın ləğvi" (1969), "Gənclik" (1970), "Qızıl toy" (1971), "Cənnət və cəhənnəmə gedən yol" (1973), "Əmək qələbəsi" (1977), "Xatirələr" (1980), "Qocalıq" (1980), "Həyəcanlı gün" (1995), "Dəniz gəzintisi" (1997), "Folklor" (1998), "Azıx mağarası" (2011) və başqa kompozisiyaları bu qəbildən hesab edilir.[5] Onun "Adilə", "Fatma" və qızı Zemfiranın portretləri yaşlarda fırçaya aldığı portretləri bu janrdakı əsərləri arasında xüsusi əhəmiyyətə malikdir.[3]
Əli Verdiyev elmi-metodiki fəaliyyətlə də məşğul olmuşdur. O, "Rəssam-pedaqoq", "Rəngkarlıqda rəngin təsir gücü", "Dəzgah rəngkarlığı" kimi metodik əsərlərin müəllifidir.[6]
Rəssam ilk dəfə 1957-ci ildə Moskvada beynəlxalq sərgidə iştirak etmiş, sonrakı illərdə isə müxtəlif miqyaslı sərgilərə qatılmışdır.[3] O, İtaliya, Yaponiya, Avstriya, Finlandiya, İsveç, Türkiyə, Lüksemburq, Çexoslovakiya, Bolqarıstan, ADR, AFR, Vyetnam və başqa ölkələrdəki sərgilərin iştirakçısı olmuşdur.[6]
Təltif və mükafatları
redaktə- "Azərbaycan SSR əməkdar rəssamı" fəxri adı — 1 dekabr 1982
- Azərbaycan SSR "Lenin komsomolu" mükafatı[6]
- "Şərəf nişanı" ordeni — 1986[1]
- "Əməkdə fərqlənməyə görə" medalı — 1976[1]
İstinadlar
redaktə- ↑ 1 2 3 "Ali Verdiyev". turkishpaintings.com (türk). 2 mart 2022 tarixində arxivləşdirilib. İstifadə tarixi: 2 mart 2022.
- ↑ Нихаль Ипек. "Как живут люди, не пишущие картин? Подробности: Как живут люди, не пишущие картин?". vestiturkey.com (rus). 20 январь 2019. 2 mart 2022 tarixində arxivləşdirilib. İstifadə tarixi: 2 mart 2022.
- ↑ 1 2 3 "Əməkdar rəssam Əli Verdiyev dünyasını dəyişib". "Mədəniyyət" qəzeti. 13 may 2020. səh. 6. 2 mart 2022 tarixində arxivləşdirilib. İstifadə tarixi: 2 mart 2022.
- ↑ Rasim Əfəndi. Azərbaycan incəsənəti. Bakı: Şərq-Qərb. 2007. ISBN 978-9952-34-116-4.
- ↑ Türkan Abbasova. "Əməkdar rəssam Əli Verdiyev yaradıcılığında süjetli kompozisiyaların bədii xüsusiyyətləri". Mədəniyyət. yanvar–fevral (323). 2019: 68–71. ISSN 2413-2365.
- ↑ 1 2 3 Әли Вердијев. Дәзҝаһ рәнҝкарлығы. Бакы: Ишыг. 1988. С. 77.
Xarici keçidlər
redaktə- "Ali Mursal oglu Verdiyev". arthive.com (ingilis). 2 mart 2022 tarixində arxivləşdirilib. İstifadə tarixi: 2 mart 2022.
- "Вердиев А. М. 1936". socrealizm.com.ua (rus). 2 mart 2022 tarixində arxivləşdirilib. İstifadə tarixi: 2 mart 2022.
- "Türkiyə prezidentinə Azərbaycan rəssamının əsəri hədiyyə olunub". Trend. 2 noyabr 2007. 2 mart 2022 tarixində arxivləşdirilib. İstifadə tarixi: 2 mart 2022.