Ərtoğrul Osman Əfəndi

Ərtoğrul Osman Osmanoğlu (18 avqust 1912, Konstantinopol, Osmanlı imperiyası23 sentyabr 2009[1], İstanbul) — Osmanlı sülaləsinin səkkizinci rəisiOsmanlı sülaləsinin hakimiyyətdə olduğu dövrdə dünyaya gələn sonuncu şahzadəsi.[2]

Ərtoğrul Osman Əfəndi
إرتورل عثمان عثمان أفندي
12 mart 1994 – 26 sentyabr 2009
ƏvvəlkiMehmed Orxan Əfəndi
SonrakıOsman Bəyazid Əfəndi
Şəxsi məlumatlar
Doğum tarixi
Doğum yeri Nişantaşı, İstanbul, Osmanlı imperiyası
Vəfat tarixi (97 yaşında)
Vəfat yeri
Vəfat səbəbi böyrək çatışmazlığı[d]
Dəfn yeri Sultan Mahmud türbəsi
Təhsili
Fəaliyyəti siyasətçi
Atası Mehmed Burhanəddin Əfəndi
Anası Aliyə Mələk Nazlıyar xanım
Həyat yoldaşları Gülda Tverski
Zeynəb Tərzi
Ailəsi Osmanlı sülaləsi
Dini Sünni, İslam
Vikianbarın loqosu Vikianbarda əlaqəli mediafayllar

Həyatı redaktə

Şahzadə Ərtoğrul Osman Əfəndi 1912-ci ildə Nişantaşında dünyaya gəlmişdir. Atası Sultan Əbdülhəmidin dördüncü oğlu Mehmed Burhanəddin Əfəndi, anası isə onun ikinci xanımı Aliyə Mələk Nazlıyar xanım idi. 1924-cü ildə Osmanlı sülaləsinin sürgün edilməsi haqqında qanun çıxan əsnada 12 yaşlı Osman Əfəndi Vyanada təhsil alırdı. Bu səbəblə sürgünə vətənindən yox, Vyanadan getdi.

1933-cü ilə qədər Avropanın bir çox ölkələrində yaşasa da, sonralar ABŞ-yə köçdü və 1945-ci ildə Nyu-Yorkda daimi məskunlaşdı. Osmanlı türkcəsi ilə yanaşı, ingilis, italyan, ispan, almanfransız dillərini də bilirdi. 1952-ci ildə Kanadada mədən sənayesi ilə məşğul olan bir firma qurdu. Bu səbəblə ailənin digər üzvləri kimi maddi çətinliklər çəkmədi.

1952-ci ildə Osmanlı sülaləsinin kişi mənsublarına çıxarılan əfv qanunundan sonra ölkəyə qayıtmadı. 1992-ci ildə Türkiyə Cümhuriyyəti tərəfindən İstanbula dəvət edildi. 2 il sonra isə əmisi oğlu Orxan Əfəndinin vəfatı ilə Osmanlı sülaləsinin ailə rəisi oldu.

2004-cü ildə rəsmi olaraq Türkiyə Cümhuriyyəti vətəndaşlığını alan Osman Əfəndi 2009-cu ildə uzun müddətdir ki, əziyyət çəkdiyi böyrək çatışmazlığından vəfat etdi. Cənazə namazı Sultan Əhməd məscidində qılındı və Sultan Mahmud türbəsində dəfn olundu.

Ailəsi redaktə

İlk evliliyi 20 yanvar 1947-ci ildə Gülda Tverski ilə (d. 20 mart 1915 — ö. 16 sentyabr 1985) baş tutdu. İkinci evliliyi isə 27 sentyabr 1991-ci ildə keçmiş Əfqanıstan kralı Əmənulla xanın qohumu Zeynəb Tərzi ilə (d. 16 dekabr 1940) baş tutdu. Övladı olmamışdır.

İstinadlar redaktə

  1. http://www.todayszaman.com/tz-web/news-187867-101-osmanoglu-the-eldest-ottoman-dynasty-member-passes-away.html.
  2. "Son Osmanlı şahzadəsi vəfat etdi". 2009-09-27 tarixində orijinalından arxivləşdirilib. İstifadə tarixi: 2009-09-24.