Abbasqulu Kazımzadə

Abbasqulu Kazımzadə — 1918-1920-ci illərdə Azərbaycan Cümhuriyyəti Parlamentinin üzvü, görkəmli ictimai xadim, Azərbaycan milli azadlıq hərəkatının iştirakçısı, Azərbaycan Milli Şurasının üzvü.

Abbasqulu Kazımzadə
Doğum tarixi	1882
Doğum yeri	Kürdəxanı, Azərbaycan
Vəfat tarixi	29 iyul 1947
Vəfat yeri	İstanbul, Türkiyə
Milliyyəti	azərbaycanlı
Fəaliyyəti	siyasətçi

Həyatı

1905-ci ildən Rusiya Sosial-Demokrat Fəhlə Partiyasının üzvü olmuş, 1911-ci ildə ―Musavat partiyasının yaranmasında iştirak etmişdir. Milli şuranın "Azərbaycan Məclisi-Məbusanının təsisi haqqında qanun" una (1918,19 noyabr) əsasən, Cümhuriyyət Parlamentinin tərkibinə daxil edilmişdi. Parlamentdə "Müsavat" və bitərəflər fraksiyasının üzvü idi. Təşkilatın ilk qurucularından olan, sonradan Türkiyədə yaşamaq məcburiyyətində qalan Məmmədəli Rəsulzadə yazırdı: «1911-ci ilin son baharı idi. Arkadaşların gizli toplantı və müşavirə yeri olan rəhmətlik Kazımzadə Abbas bəyin mağazasının arxa odasında Abbas bəylə bərabər oturduq. Arkadaşlarımızdan mərhum Tağı Nağıoğlu içəri girdi və bizə: «Gürcülərin, ermənilərin və rusların siyasi partiyaları vardır. Bizim nədən bir partiyamız olmasın, biz də bir partiya quralım» - dedi. Bir neçə gün müzakirə və müşavirədən sonra Müsavat partiyasını qurmağa qərar verdik. Zatən mərhum Rəsulzadə Emin bəy də o tarixlərdə, bulunduğu İstanbuldan bizlərə siyasi bir təşəkkülə ehtiyac olduğu haqqında yazılar yazmaqda idi"..

Məhəmməd Əmin Rəsulzadə yoldaşları ilə. Sağdan sola: Abbasqulu Kazımzadə, Kərbəlayi Vəli Mikayılov, Nəsib bəy Yusifbəyli, Mirzə Məmməd Axundov, Məhəmməd Əmin Rəsulzadə, Məmməd Əli Rəsulzadə, Tağı Nağıyev

Həmçinin bax

• Azərbaycan Demokratik Respublikası parlamenti

Mənbə

• Azərbaycan Xalq Cumhuriyyəti Ensiklopediyası.II cild. Bakı, 2005. səh.79