Akop Kazazyan Paşa
Akop Ohannes Kazazyan Paşa (erm. Յակոբ Փաշան Գազազեան; Rom: Hagop Paşa Kazazyan; 1836, Konstantinopol – 1891, Konstantinopol), erməni əsilli Osmanlı maliyyəçisi və siyasətçisidir.
| Akop Kazazyan Paşa | |
|---|---|
| erm. Հագոբ Կազազյան փաշա türk. Agop Kazazyan Paşa | |
 | |
maliyyə naziri[d] (Osmanlı imperiyası) | |
| 1887 – 1891 | |
| Şəxsi məlumatlar | |
| Doğum tarixi | 1836 |
| Doğum yeri | İstanbul, Osmanlı Dövləti |
| Vəfat tarixi | 1891 |
| Vəfat yeri | |
| Dəfn yeri | |
| Fəaliyyəti | dövlət rəsmisi, siyasətçi, dövlət xadimi |
 Vikianbarda əlaqəli mediafayllar | |
Həyatı
redaktəAkop Kazazyan Əfəndi 1836-cı ildə İstanbulun Pera rayonunda anadan olmuşdur. Birinci Konstitusiyalı Monarxiya dövründə Məclisi-Məbusanda Dersaadet (İstanbul) deputatı kimi fəaliyyət göstərmişdir. Onun tutduğu birinci mühüm vəzifə Osmanlı Bankının tərcümə mərkəzinin rəisi olmasıdır. O, 1872-1873-cü illər arasında Qalata ərazisinin kaymakamı olmuşdur. O, 1884-cü ildə sədrəzəm Mehmed Səid Paşanın kabinetində, 1888-ci ildə isə sədrəzəm Kamil Paşa tərəfindən yaradılmış olan hökumət kabinetində maliyyə naziri vəzifələrində işləmişdir. 1890-cı ildə də Kamil Paşanın hökumət kabinetində xəzinə naziri vəzifəsinə təyin edilmişdir. Bundan əlavə, Akop Kazazyan Əfəndi 29 iyun 1892-ci ildə yaradılan Darülacezenin on altı nəfərlik yaradıcıları arasında yer almışdır. Ona Papa IX Piy tərəfindən Böyük Müqəddəs Qriqori ordeni verilmişdir.[1]
Sultan II Əbdülhəmidə olan sədaqəti ilə məşhur olmuş olan Akop, 1891-ci ildə Qələndər qəsri ərazisində sultanın hədiyyə etdiyi ata minərkən baş vermiş olan qəza nəticəsində dünyasını dəyişmişdir.[2] Bəyoğlunun Üç Horan Erməni Kilsəsində keçirilmiş olan ruhani mərasimdən sonra dövlət mərasimi ilə Şişli Erməni Qəbiristanlığında dəfn edilmişdir. Onun dəfn mərasimində bürokratlar, diplomatlar və maliyyə dairələri də daxil olmaqla 10 mindən çox insan iştirak etmişdir. Onun ölümündən sonra II Əbdülhəmid şəxsi sərvətinin idarə olunmasını erməni katolik icmasının üzvü olan Mikayıl Portakal Paşaya həvalə etmişdir.[3]
İstinadlar
redaktə- ↑ Çarkçıyan, Yervant Gomidas. Türk Devleti Hizmetinde Ermeniler. İstanbul: Kesit Yayınları. 2006. 111–2. ISBN 978-9944-321-04-4.
- ↑ Ünlü, Ferhat. "Osmanlı'nın Gözde Ermenileri". Bolsohays-Istanbul Armenians. 13 iyun 2006 tarixində arxivləşdirilib. İstifadə tarixi: 9 yanvar 2007.
- ↑ Saro Dadyan. "Abdülhamid'in servetini yöneten Ermeni: Agop Paşa". Derin Tarih. 27 dekabr 2016. 27 aprel 2017 tarixində arxivləşdirilib. İstifadə tarixi: 13 avqust 2021.