Detroit: Become Human

Detroit: Become Human 2018-ci ildə Quantic Dream tərəfindən hazırlanmış və Sony Interactive Entertainment tərəfindən nəşr olunan macəra videooyunudur. Süjet xətti üç androidi izləyir. Xidmətçi androit olan Kara (Valori Karri) öz sahibindən qaçaraq, özünün yeni kəşf etdiyi hissiyyatını araşdırır və sahibinin gənc qızını qoruyur. Konor (Brayan Dekart) deviant androidləri ovlamaqla tapşırıqlandırılmışdır. Markus (Cesse Uilyams) isə özünü digər androidləri köləlikdən xilas etməyə həsr etmişdir.

Detroit: Become Human
Hazırlayanlar	Quantic Dream
Yayımlayanlar	Sony Interactive Entertainment, Quantic Dream
Buraxılış tarixləri	25 may 2018, 12 dekabr 2019
Janrlar	Macəra
Rejissor	Devid Keyc
Prodüserlər	Sofi Bul
Dizayner	Simon Vaselin
Ssenarist	Devid Keyc Adam Viliams
Proqramçılar	Cin-Çarls Perier
Bəstəkar	Filip Şepard Nima Fəxrara Con Paesano
Texniki məlumat
Platformalar	PlayStation 4 Microsoft Windows
Oyun rejimləri	Birnəfərli oyun
İnterfeysin dili	ingilis dili, fransız dili, italyan dili, alman dili, ispan dili, ərəb dili, çex dili, Danimarka dili, fin dili, yunan dili, Macar dili, yapon dili, koreya dili, Norveç dili, polyak dili, portuqal dili, braziliya portuqal dili, isveç dili, türk dili, niderland dili, rus dili, ənənəvi Çin dili[d], sadələşdirilmiş Çin dili[d]
Daşıyıcı	Blu-ray Disc, rəqəmsal distribusiya
İdarəetmə	geympad, kompüter klaviaturası, kompüter siçanı
Rəsmi saytı Rəsmi saytı
Vikianbarda əlaqəli mediafayllar

Detroit: Become Human "Quantic Dream"in 2012-ci ildəki Kerinin rol aldığı Kara texnologiya nümayişi əsasında hazırlanıb. Mühiti araşdırmaq üçün tərtibatçılar Detroytə səyahət ediblər. Oyunun yazıçısı və rejissoru Devid Keyc ssenarini 2 ildən çox bir müddətə tamamlamışdır. Oyun üçün yeni bir oyun mühərriki yazılmış, çəkiliş və animasiyaların hazırlanmasından öncə yüzlərlə aktyorla kastinq edilmişdir. Filip Şepard, Nima Fəxrara və Con Paesano müvafiq olaraq Kara, Konor və Markus xarakterləri üçün müsiqi bəstələmişlər. Oyun 2018-ci ilin May ayında PlayStation 4, 2019-cu ilin Dekabr ayında isə Microsoft Windows platforması üçün buraxılmışdır.

Detroit: Become Human tənqidçilər tərəfindən ümumən çox yaxşı rəy almışdır. Təndiqçilər oyunun mühitini, vizual effektlərini, hekayəsini, əsas xarakterlərini, xarakterləri səsləndirənləri, oyundakı seçimlərin hekayəyə olan təsirini və blok-sxem özəlliyini tərifləməklə paralel hərəkət nəzarətini, tarixi və tematik alleqoriyaların yanlış idarə olunmasını və süjet və personajların aspektlərini tənqid etmişlər. Oyun, Quantic Dream şirkətinin ən uğurlu buraxılışı olmaqla yanaşı, həm də 6 milyonu keçməklə ən çox satılan oyunu olmuşdur.

Gameplay

Konor, azyaşlı qızı girov götürən androidlə danışıqlar aparır. Oyunçuya cari vəziyyəti həll etmək üçün fərqli dialoq seçimləri verilir.

Detroit: Become Human üçüncü şəxs baxış bucağı ilə oynanılan bir macəra oyunudur, hansı ki, müəyyən edilmiş və idarə oluna bilən perspektivə tabe olur. Oyunda oynanıla bilən 3 xarakter mövcuddur. Əgər xarakterlərdən biri ölərsə, hekayə onsuz davam edir. Buna görə də oyunda hər hansı bir xarakter öldükdə "Game Over" (oyun bitdi) mesajı göstərilmir. DualShock kontrollerindəki sağ analoq çubuq obyektlərlə qarşılıqlı əlaqədə olmaq və ətrafı müşahidə etmək üçün istifadə olunur, sol tərəf hərəkət üçün, R2 isə mümkün hərəkətlər üçün mühiti skan edir; hərəkət idarəetmələri və toxunma paneli də istifadə olunur. Sürətli vaxt hadisələri və dialoq qərarları vasitəsilə hekayə hansı seçimlərin edildiyindən asılı olaraq budaqlanır.

Həmçinin bax

• Akinator