Ferents Puşkaş (mac. Ferenc Puskás) (2 Aprel 1927 – 17 Noyabr 2006) - Macarıstanın məşhur futbolçusu. Futbol tarixinin ən böyük nümayəndələrindən sayılır. Macarıstan milli komandasının heyətində 85 oyunda 84, Macarıstan və İspaniya çempionatlarında isə 500-dən çox qol vurmuşdur. 1952-ci ildə milli komandasının Olimpiya çempionu olmasında, 1954-cü il futbol üzrə dünya çempionatının finalına çıxmasında böyük rol oynamışdır. Dünya çempionatının ən yaxşı oyunçusu seçilmişdir. Klub miqyasında 3 Avropa kubokuna (1959, 1960, 1966), 10 ölkə çempionluğuna (5 - Macarıstan, 5 - İspaniya) sahib olmuş, bir sıra fərdi mükafatlara layiq görülmüşdür.

Ferents Puşkaş
mac. Puskás Ferenc
Ferenc Puskás.jpg
Doğum tarixi
Doğum yeri
Vəfat tarixi (79 yaşında)
Vəfat yeri
Vəfat səbəbi ağciyər iltihabı
Dəfn yeri
Vətəndaşlığı
Fəaliyyəti futbolçu, futbol məşqçisi
Fəaliyyət illəri 51943-cü ildən
Commons-logo.svg Vikianbarda əlaqəli mediafayllar

HəyatıRedaktə

Ferents Puşkaş karyerasına Macarıstanın "Honved" klubunda başlayıb. O, "Honved"də 354 oyuna 357 qol vurub.

İspaniyanın "Real" komandasının heyətində isə Puşkaş 3 dəfə Çempionlar Kubokunu qazanıb.

1959-1960-cı il mövsümündə keçirilən turnirin final matçında o, Almaniya "Ayntraxt"ının qapısından 4 top keçirib. Ümumilikdə, macarıstanlı forvard "Real"da 528 matçda 512 dəfə fərqlənib.

Puşkaş Macarıstan milli komandası ilə 1952-ci il Helsinki Yay Olimpiya Oyunlarının qalibi olub, sonradan isə İspaniya vətəndaşlığını qəbul edib. Əfsanəvi futbolçu İspaniya millisinin heyətində 1962-ci il dünya çempionatında forma geyinib.

1957-ci ildə futbolçu karyerasını başa vurduqdan sonra Puşkaş məşqçiliklə məşğul olub. O, 1970-1971-ci il mövsümündə Yunanıstanın "Panatinaikos" komandasına Avropa Çempionlar Kubokunu qazandırıb.

Ferents Puşkaş 2007-cı ildə 79 yaşında vəfat edib.

Adının əbədiləşdirilməsiRedaktə

FİFA 2009-cu ildə ən gözəl qol üçün Ferents Puşkaşın adını daşıyan mükafat təsis edib.[2]

Budapeştin qırmızı rəngli M2 metro xəttinin dayanacaqlarından biri onun adını daşıyır.[3]

İstinadlarRedaktə