Əsas menyunu aç

Ruqiyə Sabiha Sultan (d. 19 mart 1894 - ö. 26 avqust 1971) — son Osmanlı padşahı VI Mehmed Vahidəddinin qızı, son Osmanlı xəlifəsi Əbdülməcid Əfəndinin gəlinidir.

Ruqiyyə Sabiha Sultan
رقية صبيحة سلطان
Osmanoglou-sabiha-2.jpg
Şəxsi məlumatlar
Doğum tarixi 19 mart 1894
Doğum yeri Vahidəddin köşkü, İstanbul, Osmanlı imperiyası
Vəfat tarixi 26 avqust 1971 (77 yaşında)
Vəfat yeri
Dəfn yeri Aşiyan məzarlığı
Atası VI Mehmed
Anası Əminə Nazikəda Qadınəfəndi
Həyat yoldaşı Ömər Fərrux Əfəndi
Uşaqları Fatma Nəslişah Sultan
Xanzadə Sultan
Nəcla Sultan
Commons-logo.svg Vikianbarda əlaqəli mediafayllar

HəyatıRedaktə

 
Sabiha Sultan və qızları (soldan sağa: Fatma Nəslişah Sultan, Xanzadə SultanNəcla Sultan)

Sabiha Sultan 19 mart 1894-cü ildə son Osmanlı padşahı VI Mehmed Vahidəddin və onun ilk xanımı Əminə Nazikəda Başqadınəfəndinin qızı olaraq dünyaya gəldi. Gənclik illərində İran şahı Əhməd şah Qacarla və Çanaqqala döyüşü qəhrəmanı Mustafa Kamal Paşa ilə nişanlanması müzakirə edilsə də, Sabiha Sultan öz istəyilə atasının əmisi oğlu olan son Osmanlı xəlifəsi Əbdülməcid Əfəndinin oğlu Şahzadə Ömər Fərrux Əfəndini seçdi. Beləliklə, o, yeni yaranan Türkiyə Cumhuriyyətinin ilk "first lady"si olma imkanını itirdi.

Şahzadə Ömər Fərrux Əfəndi ilə toy mərasimləri 29 aprel 1920-ci ildə Ulduz sarayında baş tutdu. Bu nigahdan Fatma Nəslişah Sultan, Xanzadə SultanNəcla Sultan adlı 3 qızı dünyaya gəldi. 3 mart 1924 tarixli 431 saylı qanunla bütün Osmanlı ailəsi ilə birlikdə sürgünə göndərilənlər sırasında olan Sabiha Sultan, ailəsi ilə birlikdə əvvəlcə üçüncü qızları Nəcla Sultanın dünyaya gəldiyi Nitsa şəhərinə getdi. Böyük qızları burada ilk təhsillərini aldılar. Daha sonra hər 3 qızını Misir kral ailəsindən namizədlərlə evləndirdi. Sabiha Sultan və əri toy mərasiminin ardından Misirə, ardından Fransaya köçdü. 1948-ci ilin yanvarında Ömər Fərrux Əfəndidən ayrılan Sabiha Sultan, 1953-cü ildə vətənə qayıtdı və vətəndaşlığını bərpa edərək "Osmanoğlu" soyadını aldı. Həmin ilin iyulunda Ömər Fərrux Əfəndi yenə Osmanlı sülaləsindən olan Mehriban Mihrişah Sultanla evləndi. Türkiyədə qızı Xanzadə Sultanın Arnavutköy rayonunda yerləşən köşkündə yaşayan Sabiha Sultan 26 avqust 1971 tarixində burada vəfat etdi və Aşiyan məzarlığında dəfn olundu.

AiləsiRedaktə

MənbəRedaktə

İstinadlarRedaktə