Tofiq Yusif (azərb. Hüsеynov Tofiq Yusif oğlu‎; d. 5 aprel 1950, Tərtər, Azərbaycan SSR, SSRİ) — şair, publisist, Azərbaycan Yazıçılar Birliyinin, Azərbaycan Jurnalistlər BirliyininAzərbaycan Mətbuat Şurasının üzvü, "Tərəqqi" medalı, "Qızıl qələm" və "Məmməd Araz" mükafatları laurеatı, "Yeni Tərtər" qəzetinin redaktoru (2005–indi)[1]

Tofiq Yusif
azərb. Hüseynov Tofiq Yusif oğlu
Tofiq Yusif 3339.JPG
Tofiq Yusif
İlk adı Tofiq
Təxəllüsü Yusif
Doğum tarixi 5 aprel 1950 (1950-04-05) (70 yaş)
Doğum yeri Xoruzlu, Tərtər rayonu, Azərbaycan SSR, SSRİ
Vətəndaşlığı SSRİ SSRİAzərbaycan Azərbaycan
Milliyyəti Azərbaycanlı
Həyat yoldaşı Almaz
Uşaqları Yusif, Araz, Nahidə
Atası Yusif
Anası Səmənağa
Təhsili Azərbaycan Kənd Təsərrüfatı İnstitutu
İxtisası mühəndis-elektrik
Fəaliyyəti jurnalist, yazıçı
Fəaliyyət illəri 1967 – indi
Əsərlərinin dili Azərbaycanca
İstiqamət şeir, publisistika, esse, novella, poema
Janr nəzm, nəsr
Mükafatları "Tərəqqi" medalı
"Qızıl qələm"
"Məmməd Araz"
İmza
Commons-logo.svg Vikianbarda əlaqəli mediafayllar

HəyatıRedaktə

Tofiq Yusif 5 aprel 1950-ci ildə[2] Tərtər rayonunun Xoruzlu kəndində anadan olub[3]. 1957-1960-cı illərdə Xoruzlu kənd orta məktəbində oxuyub. Orta məktəbi Dərələyəz mahalının Qovuşuq kəndində medalla bitirib.

1967-1974-cü illərdə Azərbaycan Kənd Təsərrüfatı İnstitutunda oxuyaraq mühəndis-elektrik, 1981-1983-cü illərdə Marksizm-Leninizm İnstitutunun fəlsəfə şöbəsində oxuyaraq ali siyasi təhsil alıb.

1970-1975-ci illərdə müəllim işləyib. 1977-1985-ci illərdə hərbi sənayedə çalışıb. Sonralar partiya, sovet, xalq nəzarəti orqanlarında fəaliyyət göstərib.

Azərbaycan Jurnalistlərinin V və VI qurultaylarına nümayəndə seçilib.

Tərtər bələdiyyəsinin üzvüdür. "Tərtərin səsi" Ədəbi Məclisinin sədridir.

1990-cı ildən "Əmək veteranı"dır. Hazırda Tərtər şəhərində yaşayır.

AiləsiRedaktə

Ailələri 1949-cu ildə Dərələyəz mahalından Tərtərə deportasiya olunublar.[4]

Jurnalistlik fəaliyyətiRedaktə

1967-ci ildə ilk əmək fəaliyyətinə Tərtər rayonunun yerli radio verilişləri redaksiyasında təşkilatçı-müxbir kimi başlayıb.

1991-1993-cü illərdə respublikanın "Salam", 1996-1997-ci illərdə "Fədai" qəzetlərində çalışıb.

2005-ci ilin avqust ayından "Yeni Tərtər" qəzetinin redaktorudur.[5]

Ədəbi yaradıcılığıRedaktə

 
Tofiq Yusif və Rəşad Məcid

1967-ci ildən dövri mətbuatda bədii və publisist yazıları ilə çıxış edir. Azərbaycan televiziyası və radiosu, müxtəlif qəzetjurnallar onun yaradıcılığından bəhs edən ayrıca verilişlər və yazılar hazırlanıb.

Şeirlərinə mahnılar bəstələnib, nəzirələr və cavablar yazılıb.

"Bahar çiçəkləri" (1982) almanaxında, "Ədəbi İrəvan" toplusunun 2004, 2005, 2006, 2007, 2008 və 2009-cu illər buraxılışlarında, "Vedibasar" seriyasından olan kitabların bir çox cildlərində, Alı Səfolunun və Afiqə Alı qızının "Sazlı-sözlü Dərələyəz" kitabında (2004), Sərraf Şiruyənin "Hər görüş bir xatirədir" kitabında (2007) və başqa kitablarda onun yaradıcılığından nümunələr dərc olunub, haqqında yazılıb.

Türkiyə Universitetləri Məzunlarının İctimai Birliyi tərəfindən "Qan iyi" kitabının Bakı şəhərində, Beynəlxalq Mətbuat Mərkəzində geniş təqdimatı olub (oktyabr, 2007). Əsərin qəhrəmanı xüsusi diplomla mükafatlandırılıb.

Mükafat və təltifləriRedaktə

 
Tofiq Yusifin mükafat və təltifləri

"Qızıl qələm" və "Məmməd Araz" müкafatları laurеatıdır.

15 iyul 2015-ci ildə Azərbaycan Respublikasında kütləvi informasiya vasitələrinin inkişafındakı xidmətlərinə görə "Tərəqqi" medalı ilə təltif olunmuşdur[6].

2017-ci ildə "Vətən naminə" ordeni ilə təltif olunmuşdur.

Haqqında deyilənlərRedaktə

  • Hüseyn Arif — "Əziz Tofiq Yusif! Şeirləriniz xoşuma gəldi. Sizdə təbii şairlik istedadı var. Xüsusən, aşıq poeziyasına xas olan axıcılıq, şirinlik hiss olunur".[2]
  • İsa İsmayılzadə — "Onun (Tofiq Yusifin) xalq poeziyasından faydalanması, təbiət lövhələrini həssaslıqla qələmə alması, təbiiliyə meyl etməsi yaxşıdır".[2]
  • Məmməd Aslan — "Əzizim Tofiq, "Getdi" rədifli qoşmanı oxudum. Son bir neçə ildə bu şirinlikdə şeir oxumamışdım".[2]
  • Əmiraslan Şəmsi — "Tofiq Yusifin yumruq boyda ürəyinə dağ boyda məhəbbət yerləşib".[2]

ƏsərləriRedaktə

KitablarıRedaktə

  1. "Bir taleyin göynəmələri", Bakı, "Səda" nəşriyyatı, 1993, 105 səh.
  2. "Tərtər şəhidləri", Bakı, "Azərbaycan" nəşriyyatı, 1993, 160 səh.
  3. "Tərtər İnciləri", Bakı, "Hərbi" nəşriyyatı, 2007, 188 səh.
  4. "Qan iyi", Bakı, "Kövsər" nəşriyyatı, 2007, 304 səh. ISBN 9952-427-13-1
  5. "Ömrümün payızı", Bakı, "Nurlan", 2007, 352 səh., 500 nüs.
  6. "Ölümlə üz-üzə", Bakı, "Hüquq ədəbiyyatı" nəşriyyatı, 2008, 168 səh., 300 nüs.
  7. ""MƏN"sizləşmə fəlakəti", Bakı, "Nurlan", 2009, 252 səh., 200 nüs.
  8. "Vəhşilər", Bakı, "Nurlan", 2009, 64 səh., 200 nüs.

MəqalələriRedaktə

  1. "Nankor millət", Salam qəzeti, 1992-ci il.
  2. "Belə də dağıthadağıt olar?", Ədalət qəzeti, 1993-cü il.
  3. "Kələfin dolaşıq ucu", Fədai qəzeti, 1996-cı il.
  4. "Ovsun", Kredo qəzeti, 2006-cı il.
  5. "Qeyri adilik", 2007.
  6. "Tərbiyə yaxşı şeydir, əgər olsa", Qərbi Azərbaycanın səsi qəzeti, № 11 (44), 3 aprel 2009-cu il.
  7. "Şeirin cazibəsi", Bütöv Azərbaycan qəzeti, 2009-cu il.
  8. "Axundovlar ocağı" – araşdırma, "Vedibasar" qəzeti, 2010.
  9. "Gəncləri pis vərdişlərdən çəkindirək", "Yeni Tərtər" qəzeti, 27 may 2015-ci il.

İstinadlarRedaktə

  1. Baş redaktordan
  2. 1 2 3 4 5 Svetlana Əzizova, "Bənövşə qoxulu payız", "525-ci qəzet", 30.03.2010
  3. "Laçın yurdu" jurnalı, № 3 (10), Bakı, "Bəxtiyar-4" nəşriyyatı, 2013. – səh.42
  4. Svetlana Əzizova. "Qan iyi". Bütöv Azərbaycan qəzeti. №04. 18 noyabr 2008-ci il.
  5. «Yeni Tərtər» qəzetinin tarixi haqqında
  6. "Azərbaycan Respublikasının kütləvi informasiya vasitələri nümayəndələrinin təltif edilməsi haqqında Azərbaycan Respublikası Prezidentinin 15 iyul 2015-ci il tarixli Sərəncamı" (azərb.). president.az. 20 iyul 2015. İstifadə tarixi: 2015-09-15.

Xarici keçidlərRedaktə

Vikianbarda Tofiq Yusif ilə əlaqəli mediafayllar var.

Vikikitabda Tofiq Yusif ilə əlaqəli kitablar var.

Vikisitatda Tofiq Yusif ilə əlaqəli məlumatlar var.