Vikipediya:Hücum səhifəsi

Hücum səhifəsi — hər hansısa ad fəzasında məqsəd olaraq mövzunu pisləyən, ona qarşı təhqir və ya təhdid ehtiva edən səhifə. Bura tamamilə mənfi tərzdə mənbəsiz, eləcə də kifayət qədər inandırıcı mənbəsi olmayan bioqrafiyalar da daxildir. Sürətli silmə kriteriyalarına uyğun olaraq bu növ səhifələr dərhal silinə bilər. Bu növ səhifələri aşkarladıqdan sonra silinmələri üçün {{sil|ü10}} şəklində etiketləyin. Həmçinin bu növ səhifələr gizlədənlər tərəfindən də silinə bilər.

Səhifələri etiketlədikdən sonra Kateqoriya:Sürətli silinəcək səhifələr səhifəsinə silinməsi üçün əlavə olunacaq.

Məqalənin mövzusu diqqətəlayiqdirsə, lakin mövcud səhifə əsasən mövzuya, və ya yaşayan şəxsə qarşı hücumlardan ibarətdirsə və tarixçədə geri qaytarılacaq neytral versiyası yoxdursa, bu vaxt bu səhifə silinməli və qaralama şəklində yenidən tərtib edilməlidir. Bu, səhifənin yaşayan şəxs barədə bioqrafik materialların ehtiva etdiyi vaxtlarda xüsusilə vacibdir.

Sürətli silinməyə uyğun səhifələr əsas ad fəzasının daxilində (yəni, həm məqalə ola bilər, həm də digər səhifələr), həm də xaricində ola bilər. Bununla yanaşı, bu proses adətən müzakirə və müraciətlərə tətbiq edilmir (baxmayaraq ki, bu proseslərin etibarsız və ya pisniyyətli sorğuların silinməsi üçün öz təlimatları var). Digər tərəfdən, istifadəçi məkanınızda "düşmənlərin siyahısı" və ya "İstifadəçi:XXX istifadəçisinin gördüyü pis işlərin siyahısı" kimi siyahılar tutmaq nə konstruktiv, nə də uyğun deyil. Nəzərə alın ki, mübahisəni həll etməyin yolu kiminsə üzərində tapa biləcəyiniz bütün çirkinlikləri bir araya gətirib siyahı tərtib etmək deyil.

Konkret mövzulara fokuslanılan məqalələr

Məqalənin müəyyən bir hissəsi digər hissələrlə müqayis edilməyəcək dərəcədə həddən artıq uzun olduğu hallarda şəxsin bioqrafiyasından konsensus vasitəsilə bölünə və müvafiq məqalə/məqalələrə əlavə edilə bilər, sözügedən məzmun mənfi baxış əks etdirsə belə, bu, əlbəttə, hücum səhifəsi hesab edilmir. Yenə də bu məqalənin yaşayan şəxslərin biqorafiyalarına uyğun olması mütləqdir.

İnzibatçılara qeyd

Hücum səhifələrini siləndə silmə xülasələrində məqalə ilə bağlı heç bir məzmunun görünməməyini təmin etməyiniz vacibdir. Menyudan seçərək əlavə etdiyiniz "Ü10" silmə səbəbindən əlavə nəsə qeyd etmək istəyərsinizsə, hücumun təfərrüatlarını daxil etmədən sadəcə sadə bir təsvir qeyd edin.

Həmçinin bax

• Vikipediya:Böhtan
• Vikipediya:İstismar
• Vikipediya:Sürətli silmə kriteriyaları § Ü10
• Vikipediya:Təhqir, təhdid və aqressiyaya yol verilməməlidir § Şəxsi təhqirlərin silinməsi
• Vikipediya:İstifadəçi səhifəsi § İstifadəçi səhifələrində qadağan olunan məlumatlar (5. bənd)