Hacıyev Vilyam Fəhralı oğlu - İmişli Rayon İcra Hakimiyyətinin keçmiş başçısı.

Vilyam Hacıyev
Vilyam Fəhralı oğlu Hacıyev
Vilyam Hacıyev.jpg
bayraqİmişli Rayon İcra Hakimiyyətinin başçısıbayraq
14 aprel 2012 — 6 may 2020
Sələfi Əbülfəz Ağayev
bayraqSamux Rayon İcra Hakimiyyətinin başçısıbayraq
7 fevral 2006 — 14 aprel 2012
bayraqGöygöl Rayon İcra Hakimiyyətinin başçısıbayraq
26 mart 2004 — 7 fevral 2006
Şəxsi məlumatlar
Partiya
Doğum tarixi 10 avqust 1957(1957-08-10) (63 yaş)
Doğum yeri Göygöl
Təltifləri 2-ci dərəcəli "Vətənə xidmətə görə" ordeni — 2017

HəyatıRedaktə

10 avqust 1957-ci ildə Azərbaycan Respublikasının Göygöl şəhərində anadan olmuşdur.

1979-cu ildə Orenburq vilayətinin Buquruslan Mülki Aviasiya məktəbini, 1991-ci ildə Azərbaycan Texnologiya Universitetini, 1994-cü ildə Mülki Aviasiya Akademiyasını bitirmişdir.[1]

1993-cü ildən Yeni Azərbaycan Partiyasının üzvüdür.

HəbsiRedaktə

5 may 2020-ci ildə məhkəmənin qərarı əsasında Dövlət Təhlükəsizliyi Xidməti tərəfindən Vilyam Hacıyevin xidməti və yaşadığı ünvanlarda əməliyyat-istintaq tədbirləri həyata keçirilmişdir.[2] Müvafiq ünvanlarda keçirilmiş baxış zamanı Vilyam Hacıyevin rayon icra hakimiyyətinin baş mühasibi Cəmil Musayev və başqaları vasitəsi ilə qəbul etdiyi pul vəsaitlərinin məbləğlərinə dair müxtəlif qeydlər, habelə ayrı-ayrı valyutalarda xüsusi qaydada qablaşdırılaraq saxlanılan pul vəsaitləri, iş üzrə əhəmiyyət kəsb edən digər sənədlər və maddi sübutlar aşkar edilərək götürülmüşdür. Eyni zamanda, sosial-məişət şəraitinin aşağı olması ilə bağlı mənzil növbəsində olan şəxslərə İmişli şəhərində dövlət büdcəsi vəsaiti hesabına inşa edilmiş çoxmənzilli yaşayış binasında növbəli qaydada verilməli olan mənzillərin Vilyam Hacıyev tərəfindən rüşvət müqabilində qanunazidd verilməsinə əsaslı şübhələr müəyyən edilmişdir.[3] Əlavə olaraq, işsiz və aztəminatlı vətəndaşların ictimai işlərə cəlb edilərək aylıq qazanc əldə edə bilmələri üçün əməkhaqqı kartlarına köçürülən məbləğlərin Vilyam Hacıyev tərəfindən ələ keçirilməsinə dair məlumatlar əldə edilmişdir. Həmçinin, Vilyam Hacıyevin rayon ərazisində təmir-tikinti, abadlıq işlərinə, habelə İmişli Rayon İcra Hakimiyyətinin yeni inzibati binasının tikintisinə ayrılan dövlət vəsaitlərinin müəyyən hissəsinin müntəzəm nağdlaşdıraraq mənimsəməsinə dair əsaslı şübhələr müəyyən edilmişdir. Bundan başqa, Vilyam Hacıyevin tabeçiliyində olan vəzifəli şəxslər vasitəsilə yerli icra hakimiyyəti və digər dövlət orqanlarının vəzifəli şəxslərindən, eləcə də rayon ərazisində fərdi sahibkarlıq fəaliyyəti ilə məşğul olan vətəndaşlardan müxtəlif adlar altında pul vəsaitləri tələb edərək almasına dair məlumatlar əldə edilmişdir.[4]

6 may 2020-ci ildə istintaq orqanı tərəfindən V. Hacıyevə Azərbaycan Respublikasının Cinayət Məcəlləsinin 308-ci (vəzifə səlahiyyətlərini aşma), 179-cu (mənimsəmə) və 311-ci (rüşvət alma) maddələri ilə ittiham elan edilmişdir. Səbail rayon Məhkəməsi tərəfindən Vilyam Hacıyev barəsində 4 aylıq həbs qətimkan tədbiri seçilmişdir.[5]

1 sentyabr 2020-ci il tarixində Vilyam Hacıyevin barəsində seçilmiş həbs qətimkan tədbirinin uzadılması ilə bağlı istintaq orqanı Səbail Rayon Məhkəməsinə təqdimat vermişdir.[6]

KaryerasıRedaktə

1979-1998-ci illərdə Mülki Aviasiya idarəsində müxtəlif vəzifələrdə çalışmışdır. 1999-2002-ci illərdə Gəncə Şəhər Nizami Rayon İcra Hakimiyyəti başçısı aparatının Hüquq və müdafiə məsələləri şöbəsinin müdiri, 2002-2004-cü illərdə Gəncə Şəhər Nizami Rayon İcra Hakimiyyəti başçısının müavini, 2004-2006-cı illərdə Göygöl şəhərin Rayon İcra hakimiyyətinin başçısı, 2006-2012-ci illərdə isə Samux Rayon İcra Hakimiyyətinin başçısı vəzifələrində çalışmışdır.

14 aprel 2012-ci il tarixdən 05 may 2020-ci il tarixədək İmişli Rayon İcra Hakimiyyətinin Başçısı olmuşdur. 05 may 2020-ci ildə Azərbaycan Respublikası Dövlət Təhlükəsizliyi Xidmətinin İmişli rayon icra hakimiyyətinin binasında keçirdiyi əməliyyat nəticəsində saxlanılmış[7]Azərbaycan Respublikasının prezidenti İlham Əliyevin sərəncamı ilə vəzifəsindən azad edilmişdir.[8]

İstinadlarRedaktə

  1. http://www.imishli-ih.gov.az/page/20.html
  2. "İstintaq orqanı Vilyam Hacıyevlə bağlı məhkəməyə təqdimat verdi". Lent.az (azərb.). 1 sentyabr 2020. İstifadə tarixi: 1 sentyabr 2020.
  3. "Vilyam Hacıyevin həbs müddətinin uzadılması ilə bağlı təqdimat məhkəməyə daxil olub". Apa.az (azərb.). 1 sentyabr 2020. İstifadə tarixi: 1 sentyabr 2020.
  4. Fərhadoğlu, Tapdıq (17 may 2020). "İmişli rayonunun keçmiş icra hakimiyyəti başçısı həbs edilib". Amerikanın səsi (azərb.). Voice of America. İstifadə tarixi: 1 sentyabr 2020.
  5. Vilyam Hacıyev barəsində həbs qətimkan tədbiri seçildi
  6. "Keçmiş icra başçısının həbs müddəti artırılır". Report.az (azərb.). 1 sentyabr 2020. İstifadə tarixi: 1 sentyabr 2020.
  7. https://www.bakupost.az/dtx-imislide-emeliyyat-kecirir-vilyam-haciyevin-saxlanildigi-bildirlir
  8. Vilyam Hacıyev vəzifədən azad edilib -SƏRƏNCAM