Vuliaqmeni gölü
Vuliaqmeni (yun. λίμνη Βουλιαγμένης) — Yunanıstanda duzlu göl. Gölün kənarında eyni adlı kiçik Vuliaqmeni şəhəri yerləşir. Göl Attika əyalətinin Şərqi Attika bölgəsindəki, Vari-Vula-Vuliaqmeni icmasına aiddir. Temperaturu 22 - 29 °C olan mineral sular gölə 50-100 metr dərinlikdən daxil olur. Bundan başqa gölə 17 metr dərinlikdən şirin su daxil olur[1]. Göl yeraltı mağara ilə dənizlə əlaqəlidir. Vuliaqmeni gölü İmitos dağının cənub hissəsində yerləşir və dənizdən çox qısa məsafədə yerləşir. Göl oval formaya malikdir, uzunluğu 260 metr, eni 145 metr, sahəsi isə 1,59 hektardır[2]. Gölün su səthi dəniz səviyyəyindən yarım metr yüksəklikdə yerləşir[3]. Ərazi "Natura 2000"nin qorunan ərazilər şəbəkəsinə daxil edilib[4].
| Vuliaqmeni | |
|---|---|
| yun. λίμνη Βουλιαγμένης | |
 | |
| Ümumi məlumatlar | |
| Mütləq hündürlüyü | 0,5 m |
| Eni | 0,145 km |
| Uzunluğu | 0,260 km |
| Sahəsi | 0,0159 km² |
| Dərin yeri | 100 m |
| Yerləşməsi | |
| 37°48′27″ şm. e. 23°47′08″ ş. u. | |
| Ölkə |
 Yunanıstan |
| Region |
|
|
|
|
 Vikianbarda əlaqəli mediafayllar | |
Göl təxminən 2000 il əvvəl tektonik və eroziya prosesləri nəticəsində yeraltı mağaranın uçması nəticəsində meydana gəlib. Yaşının çox qədim olmaması nəticəsində göl haqqında Pavsaniyə qədərki, antik mənbələrdə məlumat yoxdur. Mağara bu ərazilər üçün xarakterik olan əhəng daşı süxurlarından təşkil olunub. Mağaranın göllə əlaqəli hissəsinin 3123 metri tədqiq olunub. Mağarada 14 tunel və onlarda sualtı stalaqmitlər yerləşir[1]. Gölün dibi gilli çöküntülərdən və kükürdlü birləşmələrlə zəngindir. Suyun tərkibi yüksək minerallaşmaya malikdir və kalium, natrium, litiyum, ammoniyum, kalsium, dəmir, xlor və yod kimi elemntlər üstünlük təşkil edir. Gölün suyu revmatik xətəliklərə, idman zədələnmələrinə, sinir sistemi xəstəliklərinə, dermatik və ginekoloji xətəliklərdə müalicəvi əhəmiyyət daşıyır.[5] Göldə çimmək pulludur.
1980-cı illərdə göldən aktiniyaların yeni növü: Paranemonia vouliagmeniensis yerli endemik aşkar edilmişdir. Göldə həmçinin iki onurğasızların növü: Abra segmentum[6] və Cerastoderma glaucum var. Sonuncu növ göldə suyun mikroblardan təmizlənməsi funksiyasını həyata keçirir[1]. Bundan başqa göldə Garra rufa[7] növü mövcuddur.
Xarici keçidlər redaktə
- "Limni Vouliagmenis". TripAdvisor.
İstinadlar redaktə
- ↑ 1 2 3 Χιντήρογλου Χ. "Λίμνη Βουλιαγμένης" (yunan). Το Βήμα. 2002-08-04. İstifadə tarixi: 2018-01-23.
- ↑ "Τοπία (ΤΙΦΚ). Λίμνη Βουλιαγμένης Αττικής". Φιλότης: Βιότοπος Natura (yunan). Εθνικό Μετσόβιο Πολυτεχνείο. 2018-12-14 tarixində arxivləşdirilib. İstifadə tarixi: 2018-01-23.
- ↑ "Η επιφανειακή και η υπόγεια λίμνη της Βουλιαγμένης" (yunan). Greekscapes. 2013-10-03 tarixində orijinalından arxivləşdirilib. İstifadə tarixi: 2018-01-23.
- ↑ "Υμηττός, Αισθητικό Δάσος Καισαριανής, Λίμνη Βουλιαγμένης". Φιλότης: Βιότοπος Natura (yunan). Εθνικό Μετσόβιο Πολυτεχνείο. 2018-10-30 tarixində arxivləşdirilib. İstifadə tarixi: 2018-01-23.
- ↑ Γεωργία – Ελένη Κόρρου. "Τα ιαματικά νερά της λίμνης Βουλιαγμένης" (yunan). VIMA Online. 2012-08-09. 2018-05-16 tarixində arxivləşdirilib. İstifadə tarixi: 2018-01-23.
- ↑ Abra segmentum Вид Ümümdünya registrində dəniz növü (World Register of Marine Species) (ing.) (Yoxlanılıb 23 yanvar 2018)
- ↑ "Λίμνη Βουλιαγμένης. Το "διαμάντι" της Αττικής". VIMA Online (yunan). www.vimaonline.gr. 2012-07-28. 2018-12-14 tarixində arxivləşdirilib. İstifadə tarixi: 2018-01-23.