Xatabala (jurnal)

"Xatabala" (erm. խաթաբալա) — 1906–1916, 1922 və 1925–1926-cı illərdə[1] Tbilisidə erməni dilində nəşr edilmiş həftəlik satirik jurnal.[2] Redaktorları Astvatsatur Yeritsyan, Aşot Atanasyan olmuşlar.

Xatabala
"Xatabala" jurnalının 18 oktyabr 1908-ci il tarixli 43-cü nömrəsi.
"Xatabala" jurnalının 18 oktyabr 1908-ci il tarixli 43-cü nömrəsi.
Baş redaktor Astvatsatur Yeritsyan, Aşot Atanasyan
Əməkdaşlar Astvatsatur Yeritsyan
Aşot Atanasyan
Atrpet
Tmblaç Xaqan
Hovannes Tumanyan
Avetik İsahakyan
Arazi
Stepan Zoryan
Növ həftəlik satirik jurnal
Təsisçi Astvatsatur Yeritsyan
Təsis tarixi 10 iyun 1906
İlk buraxılışı 10 iyun 1906 (1906-06-10)
Qərargah Tbilisi, İrəvan meydanı, №2
Dil erməni dili
Vikianbarın loqosu Vikianbarda əlaqəli mediafayllar

HaqqındaRedaktə

"Xatabala" jurnalının ilk nömrəsi 10 iyun 1906-cı ildə nəşr edilmişdir. Naşiri və redaktoru Tbilisidə rusdilli "Jqut" (cəmi bir nömrəsi çıxmışdır) və "Svistok" (cəmi iki nömrəsi çıxmışdır) jurnalları çıxarmış Astvatsatur Yeritsyan olmuşdur. Birinci Dünya müharibəsi dövründə 25 oktyabr 1914-cü il tarixli 7-ci nömrəsindən sonuncu nömrəsinə kimi ikidilli: ermənirus dillərində nəşr edilmişdir. 1916-cı ildə 9 nömrədən sonra nəşri dayandırılmışdır.

Sovet dövründə iki dəfə dirçəldilmişdir. 1922-ci ildə cəmi bir nömrəsi, 1925–1926-cı illərdə toplam 7 nömrəsi çap olunmuşdur. Sonuncu nəşr edildiyi illərdə erməni, gürcürus dillərində çıxmışdır.

FəaliyyətiRedaktə

Jurnalda satirik şeirlər, felyetonlar, təmsillər, tapmacalar və s. nəşr edilirdi. Osmanlı imperiyasının ermənilərə qarşı olan siyasətini pisləmiş, Zaqafqaziya xalqlarının dostluğunu təbliğ etmişdir. O, beynəlxalq hadisələri, xüsusilə, Şərqdəki hədisələri (Balkan xalqlarının azadlıq mübarizəsi, İranda məşrütə hərəkatı, Qərb imperializmi) öz səhifələrində işıqlandırmışdır.

Qevorq Başincağyan, Henri Hrinevski, Qaregin Yeritsyan, A.Mirzoyan, İosif RotterOskar Şmerlinq kimi rəssamlar, Atrpet (Sarkis Mubayajyan), Muşeq Baqratuni, Tmblaç Xaqan (Konstantin Məlik-Şahnazaryan), Qaregin Levonyan, Hovannes Tumanyan, Avetik İsahakyan, Arazi (Movses Harutunyan), Stepan Zoryan kimi şair və yazıçılar "Xatabala" jurnalı ilə əməkdaşlıq etmişlər.

QalereyaRedaktə

ƏdəbiyyatRedaktə

  • ԽԱԹԱԲԱԼԱ // Հայկական Սովետական Հանրագիտարան. հ․ 4, էջ 703;
  • Əkbər Yerevanlı, "Խաթաբալա" շաբաթաթերթը Ադրբեջանի մասին ("Xatabala" həftəlik jurnalı Azərbaycan haqqında), Yerevan, Hayastan, 1974;
  • Kövsər Tarverdiyeva, Azərbaycan mədəniyyəti erməni dövri mətbuatında (1850–1920), Bakı: Yazıçı, 1985.

İstinadlarRedaktə

  1. Ermənistan Sovet Ensiklopediyası. IV. 1978. səh. 703. (#parameter_ignored)
  2. International scientific journalNo 4 (44), 2017, Vol. III, Volqaqrad 2017 - http://scienceph.ru/d/413259/d/science_and_world_no_4_44_april_vol_iii.pdf Arxivləşdirilib 2019-04-11 at the Wayback Machine
  3. Ottoman Constitutionalism by Houri Berberian, author of Roving Revolutionaries: Armenians and the Connected Revolutions in the Russian, Iranian, and Ottoman Worlds

Xarici keçidlərRedaktə

ԽԱԹԱԲԱԼԱ // Հայկական Սովետական Հանրագիտարան. հ․ 4, էջ 703.