POSCO

POSCO (кор. 포스코 Pxosıkxo) — Cənubi Koreyanın polad şirkəti. 2017-ci ildə istehsal etdiyi poladın həcminə görə dünyanın 5-ci ən iri şirkəti (42,19 mln ton).

POSCO
Ümumi məlumatlar
Sənaye	Qara metallurgiya
Təsis tarixi	1 aprel 1968
Struktur
İşçi sayı	37.225 nəf.
posco.com
Vikianbarda əlaqəli mediafayllar

Forbes Global 2000 jurnalında 2018-ci il üzrə ən iri şirkətlərin siyahısında 228-ci yeri tutub. Əldə etdiyi gəlirə görə 141-ci, təmiz gəlirə görə 297, aktivlərinə görə 410-cu, bazar kapitallasiyasına görə 515-ci yeri tutub Fortune jurnalı dünyanın 500 ən iri şirkəti arasında POSCO 184-ci yerdə qərarlaşıb.

Haqqında

Cənubi Koreyanın XX əsrin ikinci yarısında reallaşan inkişaf proqramının mühüm nəticəsi hesab edilən “Posco” şirkəti dünyanın 30 nəhəng ağır sənaye şirkətindən biridir. 2011-ci ilin statistik məlumatlarına görə, dünyada ağır sənayenin qara metallurgiya sahəsi üzrə 1,49 milyard ton polad istehsal olunmuşdur ki, onun da əsas hissəsi Asiyanın payına düşür.

Asiyada həmin işi əsasən “Posco” şirkəti həyata keçirmişdir. Statistik məlumatlardan aydın olur ki, 1968-ci ildə Tae Jon Park tərəfindən qurulan “Posco” polad şirkəti bu gün dünyanın ən böyük polad nəhəngləri arasındadır. Hazırda şirkətin 37 milyard dollarlıq sərmayəsi vardır. Dünyanın müxtəlif ölkələrində 36 istehsal müəssisəsi olan “Posco”da 18 min nəfərə yaxın işçi çalışır. Şirkətin 22 ölkədə ümumilikdə 42 polad xidmət mərkəzi fəaliyyət göstərir.

Səhmdarları

2017-ci ilin sonlarında şirkət tərəfindən 87 mln səhmlər buraxılıb ki, onlardan 8,24 % şirkətin mülkiyyətindədir, yyəni xəzinə səhmlərini təşkil edir. Səhmlərin 70%-i aşağıdakı səhmdarlara aiddir:

• Milli Təqaüd Xidməti — 11,08 % ;
• Nippon Polad və Sumitomo Metal Korporasiyası — 3,32 %;
• BlackRock Institutional Trust Şirkəti, N.A. — 2,85 %;
• Sinqapur höküməti Investisiya Korporasiyası (Xüsusi Məhdud) — 2,22 %;
• Kookmin Bankı Maliyyə qrupu. — 2,20 %;
• Şirkət rəhbərləyi — 0,02 %.

Koreya vonu ilə maliyyə göstəriciləri (trln)

İl	2000	2001	2002	2003	2004	2005	2006	2007	2008	2009	2010	2011	2012	2013	2014	2015	2016	2017
Dövriyyə	13,78	13,12	14,36	17,79	23,97	26,30	25,84	31,61	41,74	36,86	47,89	68,94	63,60	61,77	64,76	58,52	52,94	60,19
Təmiz gəlir	1,634	0,846	1,089	2,017	3,841	4,007	3,353	3,678	4,350	3,242	4,765	2,442	1,748	1,363	0,108	-0,278	1,486	2,348
Aktivlər	19,62	18,98	18,68	20,84	24,28	27,53	31,21	36,35	47,21	51,07	69,42	78,41	79,27	84,84	85,84	80,75	80,14	79,79
Şəxsi kapital	9,936	10,75	11,27	13,02	16,21	19,88	22,45	25,17	28,42	32,06	38,54	40,73	42,43	45,78	45,26	45,01	45,77	47,33

Sponsorluğu

Bu şirkət iki Koreya futbol klubuna sponsorluq edir. Bu klubardan biri - əsası 1973-cü ildə qoyulmuş Pxoxan Stilers, digəri isə əsası 1994-cü ildə qoyulmuş Çonnam Dreqonzdur. Pxoxan Stilers futbol klubu Asiya Futbol Konfederasiyanın Çempionlar Liqasını 3 dəfə qazanmış yeganə oyunçudur.

POSCO-ya bağlı şirkətlər

2017-ci ilin sonunda POSCO-ya bağlı 40 koreya şirkəti, 139 xarici və 111 müştərək şirkət var. Xarici bağlı şirkətləri aşağıdakı ölkələrə aiddirː ABŞ, Avstraliya, Boliviya, Braziliya, Böyük Britaniya, Venesuela, Vyetnam, Qvatemala, Almaniya, Hindistan, İndoneziya, İtaliya, Kamboca, Kanada, KXDR, Mavriki, Malayziya, Meksika, Monqolustan, Myanma, BƏƏ, Panama, Peru, Polşa, Rusiya, Sinqapur, Sloveniya, Tailand, Türkiyə, Özbəkistan, Ukrayna, Uruqvay, Filippin, Çili, Ekvador, CAR, Yaponiya.