Vikipediya:Bilirsinizmi/oktyabr 2018

Hinduizm dinində olan Sati ritualına (şəkildə) görə qadın ölmüş əri ilə birlikdə yandırılırdı. İnanca əsasən qadının odun içində yanması onun bütün günahlardan təmizlənməsi ilə nəticələnirdi. Ritual 1920-ci ildə Nepalda, 1988-ci ildə isə Hindistanda qadağan edilmişdir.
Səfəvilər dövlətinin II şahı və Şah İsmayılın oğlu I Təhmasibin ikinci xanımı Sultan Ağa xanım əslən çərkəz olmuşdur.
Find a Grave saytı məşhur adamların məzarları haqqında məlumatların toplandığı ən böyük veb-sayt və məlumat bazası hesab olunur.
Göz daxili mayenin rahat xaric ola bilməməsi nəticəsində göz təzyiqinin artması ilə müşahidə olunan Qlaukoma xəstəliyinin daşıyıcılarının sayı 45 milyon nəfərdən çoxdur.
Azərbaycan Xalq Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilmiş tələbələrdən olan Abbas Atamalıbəyov 1948-1966-cı illərdə Türkiyənin Çilidəki səfirliyində katib vəzifəsində çalışıb.

Vikipediya məqalələrindən

Azərbaycan voleybol oyunçusu və məşqçisi Faiq Qarayev (şəkildə) 2011-ci ildə isə Avropa Qadınlar CEV Çağırış Kubokunu qazanıb.
19 iyul 1826-cı ildə Azərbaycan valisi, İran taxt-tacının vəliəhdi Abbas Mirzənin başçılıq etdiyi 60 minlik qoşun Xudafərin körpüsünü keçərək Qarabağ və Gəncə üzərinə yeridi.
Bəzz qalası Xürrəmilər hərəkatının rəhbəri Babəkin əsas sığınacaqlarından biri olduğu üçün xalq arasında daha çox Babək qalası kimi tanınır.
Müasir Əfqanıstan dövlətinin siyasi tarixi 18-ci əsrdə mövcud olmuş Hotaki və Durrani sülalələri ilə başlayır.
İspaniyanın Qranada şəhərində Əndəlus müsəlmanlarının tikdiyi məşhur Əlhambra sarayı yerləşir.

XIX əsrdə Şamaxıda fəaliyyət göstərmiş Şamaxı rəqqasələri təkcə Şirvanda deyil, Qərbi Avropada belə məşhurlaşmışdır. Belə ki, fransız yazıçısı Aleksandr Düma, diplomatı Artur de Qobino öz yazılarında, rus rəssamı Qriqori Qaqarin isə öz rəsm əsərlərində Şamaxı rəqqasələri ilə bağlı məlumatlar vermişdilər.
İkinci dünya müharibəsi zamanı Üçüncü Reyx donanmasında sualtı qayıq komandiri kimi xidmət etmiş və müharibə illərində müttəfiqlərin ümumilikdə 26 gəmisini batıran, daha 24 gəmisini zədələməklə sıradan çıxaran, "Dəmir xaç ordeni" kavaleri Viktor Ern 1907-ci ilin 21 oktyabrında Gədəbəy rayonunda anadan olmuşdur.
"I" əməliyyatı və Şurikin digər macəraları filmində rol almış yeganə azərbaycanlı Hüseyn Axundovdur. Hüseyn Axundov Mosfilmdə tam ştata götürülmüş yeganə azərbaycanlı kimi də tarixə düşüb. 2015-ci ildə 94 yaşında Moskva şəhərində vəfat edib.
Bakı Şəhər İcra Hakimiyyətinin binası 1900-1904-cü illərdə memar İosif Qoslavskinin layihəsi əsasında barokko stilində inşa edilmişdir. Bina memar Qoslavskinin son əsəridir.

Vikipediya məqalələrindən

Quranın ən uzun surəsi Bəqərə surəsi (286 ayə), ən qısa surəsi isə Kövsər surəsidir (3 ayə).
2008-ci ildə BBC-inin Top Gear verilişinin aparıcısı Riçard Hammond Hindistanın Tata Nano avtomobilinin dizaynını Pikaçu ilə müqayisə etmişdir.
Pakistanda ilk qadın hökumət başçısı olan Bənazir Bhutto (şəkildə) Ravalpindi şəhərində seçki mitingindəki çıxışında terror aktı nəticəsində həlak olmuşdu.
Böyük Britaniyanın ən qədim ali məktəbləri olan Oksford və Kembric universitetləri — Oksbric kimi tanınır.
Sarı jurnalistika — çox az ya da heç bir istinadı olmadan yapılmış bir araşdırmaya göz alıcı xəbər başlıqları əlavə olunaraq daha çox qəzet satılmaq üçün edilən jurnalistika növüdür.

Vikipediya məqalələrindən

Qarabağ müharibəsinin ilk günlərində Famil Mehdi tərəfindən yaradılmış "Nicat" cəmiyyətinin təsis etdiyi mükafat general Məhəmməd Əsədovun adını daşıyır.
1994-cü ildə Azərbaycanın dövlət və siyasi xadimi Afiyəddin Cəlilov Qara Dəniz İqtisadi Əməkdaşlıq Təşkilatı Parlament Assambleyasının vitse-prezidenti şeçil
Azərbaycan Respublikası Daxili İşlər Nazirliyi polis polkunun komandiri Fətulla Hüseynov (şəkildə) 1996-cı ildən 2001-ci ilədək AFFA-nın viste-prezidenti vəzifəsində işləyib.
Azərbaycan Respublikasının ilk Baş Prokuroru İsmət Qayıbov olub.
1987-ci ildə Qarabağ müharibəsi iştirakçısı Rövşən Cavadov qardaşı Mahir Cavadovla bərabər Təkamül Partiyasını yaradıb.