Vikipediya:Bilirsinizmi/yanvar 2016

Yaponiyanın Honşu adasında yerləşən Aokiqahara meşəsini bəzən tarixi-mifoloji məqamlarla bağlı olaraq, "özünəqəsd meşəsi" adlandırırlar.
4 qat olimpiya çempionu Cessi Ouens 1936 yay Olimpiya oyunlarında irqçiliyə qarşı mübarizəsinə görə 1976-cı ildə Olimpiya ordeni ilə təltif edilib.
BBC tərəfindən istehsal olunmuş on seriyalı "Dünya ətrafında 80 xəzinə" sənədli filminin adı Jül Vernin məşhur "80 gün dünya ətrafında" romanının adından götürülmüşdür.
Rene Maqritin "İnsan övladı" rəsm əsəri (şəkildə) Maykl Cekson və Canet Ceksonun "Scream/Childhood" mahnısının videosunda qısa müddətdə görünmüşdür.
Yaponiyanın endemik canlılarından olan Yapon porsuğu əsasən Honşu, Kyuşu, Şikoku və Sedoşima adalarında yayılıb.

"Spaun" komiksindəki Toni Tvist personajının adı bir xokkey oyunçusunun adı ilə eyni olduğuna görə yaradıcı Todd Makfarley həmin şəxsə 15 milyon dollar təzminat ödəməli olmuşdu.
Ryukyu adalarının ən böyük adası olan Okinava adasının əhalisinin orta yaş göstəricisi ümumi Yaponiya göstəricilərindən 10-15 il yüksəkdir.
Azərbaycanla güclü maraqlanan və ya Azərbaycan mədəniyyətini sevən şəxs atropatenofil adlanır.
2005-ci ildə Bobbi Henderson tərəfindən yaradılmış lağlağı Uçan Spagetti Əjdahası təriqətinin (simvolu şəkildə) kilsəsi 2013-cü ildə Rusiyada rəsmi qeydiyyata alınıb.
Dəniz inəyi ilk dəfə Vitus Berinqin ekspedisiyası tərəfindən 1741-ci ildə kəşf edilsə də, artıq 1768-ci ildə nəsli kəsilmək həddinə çatmışdır.

Vikipediya məqalələrindən

Azərbaycanda baletin yaranma tarixi 1940-cı ildən – Əfrasiyab Bədəlbəylinin “Qız qalası” baletinin səhnələşdirildiyi tarixdən hesablansa da, 1923-cü ildə Bakıda özəl balet studiyasının fəaliyyət göstərdiyi məlumdur.
Yapon dekorativ-təsviri sənətinə aid miniatür netsuke heykəlcikləri əvvəllər ənənəvi yapon geyimi olan kimono və cibsiz kosode geyimində asma brelok kimi istafadə olunurdu.
Con Simmons tərəfindən akvarel təsvir texnikası ilə 1870-ci ildə çəkilmiş Hermiya və Lisandr rəsm əsəri Uilyam Şekspirin komediya tamaşası olan "Yay gecəsində yuxu"nun ikinci səhnəsinin ikinci hissəsindəki səhnəyə əsaslanır.
Taybey şəhərində yerləşən Taybey 101 göydələni Bürc Xəlifə və Əbrəc Əlbeyt Qüllələrindən sonra hündürlüyünə görə dünyada üçüncü yeri tutur.
Bosniya və Herseqovinada yerləşən Kozara Milli Parkı sıx meşə örtüyünə və təpəli çəmənliklərinə görə "Kraynanın Yaşıl Gözəli" ləqəbini qazanmışdır.