Vikipediya:Bilirsinizmi/dekabr 2020

Hinduizm dinində olan Sati ritualına (şəkildə) görə qadın ölmüş əri ilə birlikdə yandırılırdı. İnanca əsasən qadının odun içində yanması onun bütün günahlardan təmizlənməsi ilə nəticələnirdi. Ritual 1920-ci ildə Nepalda, 1988-ci ildə isə Hindistanda qadağan edilmişdir.
Səfəvilər dövlətinin II şahı və Şah İsmayılın oğlu I Təhmasibin ikinci xanımı Sultan Ağa xanım əslən çərkəz olmuşdur.
Göz daxili mayenin rahat xaric ola bilməməsi nəticəsində göz təzyiqinin artması ilə müşahidə olunan Qlaukoma xəstəliyinin daşıyıcılarının sayı 45 milyon nəfərdən çoxdur.
Azərbaycan Xalq Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilmiş tələbələrdən olan Abbas Atamalıbəyov 1948-1966-cı illərdə Türkiyənin Çilidəki səfirliyində katib vəzifəsində çalışıb.

Vikipediya məqalələrindən

Azərbaycanda açılmış ilk yerli səhmdar kommersiya bankı Bakı Tacir Bankı olmuşdur.
Heçi Hava Limanı dünyadakı digər aeroportlardan fərqli olaraq yüksək dağ zirvəsində, buludlardan da hündürdə yerləşir.
SSRİ-də yaradılmış ilk rəsmi bayker klubu "Gecə qurdları" motoklubudur (şəkildə).
Azərbaycana düşdüyü bilinən ilk dəmir meteorit olan Yardımlı meteoriti keçmiş SSRİ ərazisinə düşən 3-cü böyük meteorit sayılır.
Avropada mühəndislik üzrə yaradılmış ilk ali məktəb Paris Yol və Körpü Milli Məktəbidir.

Vikipediya məqalələrindən

"Buran" (şəkildə) kosmik gəmisinin yaranmasında 8 azərbaycanlı iştirak edib.
Rusiya aktyoru Yuri Nikulin 21 avqust 1997-ci ildə ürək əməliyyatından sonra vəfat etmişdir.
Azərbaycanlı rəssam İbrahim Safi Mustafa Kamal Atatürkün portretini çəkən ilk rəssamlardan biri olub.
Çəhrayı qutan yuvalarını su hövzələrinin qarğı və qamışlıqlarında qururlar.
Bohemiya kralı V Frederikin xanımı olan Elizabet Stüart ərinin Bohemiyadakı səltənəti yalnız 1 qış davam etdiyinə görə, tarixi qaynaqlarda "Qış Kraliçası" adlanır.

Vikipediya məqalələrindən

ABŞ ixtiraçısı Stiv Voznyakın (şəkildə) proqnozuna görə, 2070-ci illərdə insanlar səhralarda yaşayacaq.
Afurca kəndinin əhalisi əsasən tatlardan ibarətdir.
1806-cı ildə Varşava şəhərini Napoleonun ordusu ələ keçirib.
Britaniyada sakslar anqllar və yutlarla birlikdə ingilis etnosunun yaradılmasında iştirak etmişlər.
Uqra qarşıdurması nəticəsində rusların monqol–tatarlardan asılılığına son qoyulmuşdur.