Azərbaycan Milli Ensiklopediyası

*Azərbaycan Milli Ensiklopediyası*
Azərbaycan Milli Ensiklopediyası
Orijinalın dili	Azərbaycan dili
Nəşriyyat	Azərbaycan Milli Ensiklopediyası Elmi Mərkəzi
	Vikianbarda əlaqəli mediafayllar

Azərbaycan Milli Ensiklopediyası — Azərbaycan Prezidentinin 2004-cü il sərəncamına əsasən 25 cild nəşr olunması planlaşdırılmış, 2007-ci ildən çap olunan çoxcildli ensiklopediya.

Haqqında

XX əsrin 30-cu illərində Azərbaycan Şura Ensiklopediyasının (AŞE) yaradılması ilə əlaqədar bir sıra tədbirlər görülsə də, AŞE-nin nəşri mümkün olmamışdı.^[1]

1965-ci il dekabrın 30-da Azərbaycan KP MK və Azərbaycan SSR Nazirlər Soveti "Azərbaycan Sovet Ensiklopediyasının nəşr edilməsi haqqında" qərar qəbul etdi və AzSSR EA-nın Rəyasət Heyəti yanında ASE-nin Baş Redaksiyası yaradıldı. Qərarda 10 cildlik ASE və "Azərbaycan SSR" xüsusi cildinin (Azərb. və rus dillərində) buraxılması nəzərdə tutulmuşdu. 1970-ci ildə ASE-nin “Azəri Sovet Ensiklopediyası” adı ilə 1-ci cildi çapdan çıxdı, lakin sovet rejiminin tələblərinə cavab vermədiyinə görə kitabın kütləvi nəşri dayandırıldı.

AzKP MK-nın 1975-ci il 24 oktyabr tarixli qərarı ilə ASE-nin nəşrinə yenidən başlanıldı və 1976–87 illərdə ASE-nin 10 cildinin nəşri başa çatdırıldı. "Azərbaycan SSR" xüsusi cildi isə müəyyən səbəblərə görə çap olunmadı.^[1]

Azərbaycan Respublikasının " Nəşriyyat işi haqqında" Qanunu (2000) müstəqil Azərbaycanın yeni universal milli ensiklopediyasının nəşri üçün zəmin yaratdı. AR Prezidentinin "Azərbaycan Milli Ensiklopediyasının nəşri haqqında" 2004-cü il 12 yanvar tarixli sərəncamında deyildiyi kimi Azərbaycan xalqının həyatında baş vermiş mühüm ictimai-siyasi, tarixi, elmi və mədəni hadisələri əks etdirən yeni ensiklopediyanın hazırlanıb latın qrafikasında nəşr edilməsi zərurəti meydana çıxdı.^[1]

Azərbaycan Milli Ensiklopediyasının hazırlanıb nəşr olunmasını təmin etmək üçün AR Prezidentinin 2004-cü il 5 may tarixli sərəncamı ilə AMEA-nın "Azərbaycan Milli Ensiklopediyası" Elmi Mərkəzi yaradıldı. 2007-ci ildə AME-nin "Azərbaycan" xüsusi cildi, 2009-cu ildə isə AME-nin 1-ci cildi çap edildi.^[1]

25 may 2016-cı ildə Azərbaycan Milli Elmlər Akademiyasının Rəyasət Heyəti "Azərbaycan Milli Ensiklopediyası"nın veb-portalının yaradılması haqqında qərar verir.^[2]

Redaksiya heyətinin tərkibi

Prezident İlham Əliyevin müvafiq sərəncamı ilə Azərbaycan Milli Ensiklopediyasının redaksiya heyətinin tərkibi aşağıdakı redaksiyada təsdiqlənib:^[3]

Vəzifə	Vəzifəni icra edən
Redaksiya heyətinin sədri	İlham Əliyev
Redaksiya heyəti sədrinin müavinləri	Akif Əli Zadə İbrahim Quliyev Anar Rzayev
Azərbaycan Milli Ensiklopediyasının baş redaktoru	İsa Həbibbəyli
Azərbaycan Milli Ensiklopediyasının məsul katibi	Tofiq Nağıyev
Redaksiya heyətinin üzvləri	Kamal Abdullayev Ağacan Abıyev Fərhad Bədəlbəyli Bilal Bilalov Tahir Budaqov Nizami Cəfərov Namiq Cəlilov Ömər Eldarov Urxan Ələkbərov Rasim Əlquliyev Telman Əliyev Fərəh Əliyeva Firəngiz Əli-zadə Vaqif Fərzəliyev İsmayıl Hacıyev Arif Həşimov İradə Hüseynova Fərhad Xəlilov Amin İsmayılov Teymur Kərimli Fəxrəddin Qədirov Adil Qəribov Yaqub Mahmudov Ramiz Mehdiyev Abel Məhərrəmov Qərib Məmmədov Nazim Məmmədov Şahbaz Muradov Şahin Mustafayev Arif Paşayev Əsgər Rəsulov Ziyad Səmədzadə Kərim Şükürov Nailə Vəlixanova

Seriyaları

Azərbaycan Milli Ensiklopediyası (25 cilddə). "Azərbaycan" cildi (50 000 nüs.). Bakı: "Azərbaycan Milli Ensiklopediyası" Elmi Mərkəzi. Məsul katib: akademik T. M. Nağıyev. 2007. 884 səh. ISBN 978-9952-441-01-7.
Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. 608 səh. ISBN 978-9952-441-02-4.
Azərbaycan Milli Ensiklopediyası (25 cilddə). 2-ci cild: Argentina – Babilik (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2010. 604 səh. ISBN 978-9952-441-05-5.
Azərbaycan Milli Ensiklopediyası (25 cilddə). 3-cü cild: Babilistan – Bəzirxana (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2011. 604 səh. ISBN 978-9952-441-07-9.
Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. 608 səh. ISBN 978-9952-441-03-1.
Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. 592 səh. ISBN 978-9952-441-10-9.
Azərbaycan Milli Ensiklopediyası (25 cilddə). 6-cı cild: Çin – Dərk. Bakı: "Azərbaycan Milli Ensiklopediyası" Elmi Mərkəzi. 2015. 608 səh. ISBN 978-9952-441-11-6.
Azərbaycan Milli Ensiklopediyası (25 cilddə). 7-ci cild: Dərman – Enoftalm (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2016. 608 səh. ISBN 978-9952-441-12-3.
Azərbaycan Milli Ensiklopediyası (25 cilddə). 8-ci cild: Enollar – Fedin. Bakı: "Azərbaycan Milli Ensiklopediyası" Elmi Mərkəzi. 2018. 598 səh.
Azərbaycan Milli Ensiklopediyası (25 cilddə). 9-cu cild: Fedinq – Gitara. Bakı: "Azərbaycan Milli Ensiklopediyası" Elmi Mərkəzi. 2020. 600 səh.
Azərbaycan Milli Ensiklopediyası (25 cilddə). 10-cu cild: Giyan – Hindistan. Bakı: "Azərbaycan Milli Ensiklopediyası" Elmi Mərkəzi. 2022. 600 səh.

Həmçinin bax

İstinadlar

↑ ¹ ² ³ ⁴ "HAQQINDA" (az.). ensiklopediya.gov.az. 2016-12-05. 2016-12-06 tarixində orijinalından arxivləşdirilib. İstifadə tarixi: 2016-12-05.
↑ "Azərbaycan Milli Elmlər Akademiyasının Rəyasət Heyəti QƏRAR" (PDF). 2022-12-17 tarixində arxivləşdirilib (PDF). İstifadə tarixi: 2022-12-17.
↑ ""Azərbaycan Milli Ensiklopediyası redaksiya heyətinin yeni tərkibinin təsdiq edilməsi haqqında" Azərbaycan Respublikası Prezidentinin 2018-ci il 1 noyabr tarixli 636 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-10-28 tarixində arxivləşdirilib. İstifadə tarixi: 2024-10-25.

Xarici keçidlər

[ensgovaz-1] ¹ ² ³ ⁴ "HAQQINDA" (az.). ensiklopediya.gov.az. 2016-12-05. 2016-12-06 tarixində orijinalından arxivləşdirilib. İstifadə tarixi: 2016-12-05.

[2] "Azərbaycan Milli Elmlər Akademiyasının Rəyasət Heyəti QƏRAR" (PDF). 2022-12-17 tarixində arxivləşdirilib (PDF). İstifadə tarixi: 2022-12-17.

[3] ""Azərbaycan Milli Ensiklopediyası redaksiya heyətinin yeni tərkibinin təsdiq edilməsi haqqında" Azərbaycan Respublikası Prezidentinin 2018-ci il 1 noyabr tarixli 636 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-10-28 tarixində arxivləşdirilib. İstifadə tarixi: 2024-10-25.

[1]

[2]

[3]