Məmmədsadıq Axundov

Axundov Məmmədsadıq Molla Ruhulla oğlu (1887 (Həştərxan)—?(Bakı)) — teatr tənqidçisi, jurnalist[1].

Məmmədsadıq Axundov
Axundov Məmmədsadıq Molla Ruhulla oğlu
Şəkil yoxdur.jpg
Doğum tarixi
Doğum yeri Həştərxan
Vəfat yeri Bakı
Atası Molla Ruhulla Məmmədzadə
Fəaliyyəti tənqidçi

HəyatıRedaktə

Məmmədsadıq Axundov Həştərxanda ruhani ailəsində anadan olmuşdur. "rus-Azərbaycan məktəbi"ni qurtarmışdır. 1905-ci ildə ailəsi ilə Bakıya gəlib, tərəqqipərvər gənclərə qoşulmuş, mətbuatda işləməyə başlamışdır. Dostları arasında A.Çaparidze, S.Əfəndiyev, A.Vışinski kimi məşhur inqilabçılar olmuşdur. [2]

FəaliyyətiRedaktə

Ü.Hacıbəyovla yaxınlığı "Leyli və Məcnun" operasının ilk tamaşasına dair dərc etdirdiyi rəylə[3] başlanmışdır. Bundan sonra bəstəkarın "Şeyx Sənan", "Əsli və Kərəm", "Şah Abbas və Xurşid Banu" əsərləri, hətta onların təkrar tamaşaları haqqında müntəzəm olaraq yazılarla çıxış etdiyindən, müasirləri onu "Hacıbəyovun xeyirxahı" adlandırırdılar. Bununla belə, Axundov "Ər və arvad" musiqili komediyasına verilən səhnə quruluşunu kəskin tənqid etmişdi. Hacıbəyovun sağlığında onun haqqında dərc olunmuş tərcümeyi-hal səciyyəli ilk yazı, habelə, "Şeyx Sənan" operasının musiqi parçalarından "Ər və arvad" musiqili komediyasında istifadə edildiyinə dair ilk məlumat da Axundova məxsusdur. Axundov həqiqətən çox sevdiyi, "Allah vergisi" saydığı yaradıcılığına valeh olduğu bəstəkarı rus oxucularına "müsəlman aləmində operanın pioneri" kimi təqdim etmiş, H.Şərifovun "Mehrimah" operasını "Leyli və Məcnun", "Əsli və Kərəm", "Şah Abbas..." əsərlərindən "qəsb və tərtib" edilən oğurluq adlandırmışdır[4].

Həmçinin baxRedaktə

Molla Ruhulla Məmmədzadənin oğludur.[5]

İstinadlarRedaktə

  1. Axundov Məmmədsadıq Molla Ruhulla oğlu
  2. Mirəhmədov Ə.Azərbaycan jurnalistləri və naşirləri (ensiklopediya). Bakı:"Ərgünəş", 2013, 272 s. səh.26
  3. "İrşad", 15 yanvar 1908, № 7
  4. "Açıq söz", 27 aprel 1916, №170
  5. Axundov Məmmədsadıq Molla Ruhulla oğlu