Vikipediya

Azərbaycan Premyer Liqası

Azərbaycanın peşəkar futbol klublarının çıxış etdiyi ən yüksək liqa
(Misli Premyer Liqası səhifəsindən yönləndirilmişdir)

Azərbaycan Premyer Liqası və ya Misli Premyer Liqası — Azərbaycanın peşəkar futbol klublarının çıxış etdiyi ən yüksək təbəqədir. Hazırda Misli Premyer Liqasında 10 futbol klubu iştirak edir. Azərbaycan Premyer Liqasının mövsümü adətən avqust ayından maya kimi keçirilir. Premyer Liqanın qalibi UEFA Çempionlar Liqasının 1-ci pley-off mərhələsində yer alır.

Ölkə Azərbaycan Azərbaycan
Konfederasiya UEFA
Açılış ili 1992
İlk sezon 1992
Komandaların sayı 10
Liqalar sistemində səviyyə 1
Aşağı liqa Azərbaycan Birinci Liqası
Digər kubok(lar) Azərbaycan Kuboku
Beynəlxalq kubok(lar)

UEFA Çempionlar Liqası
UEFA Avropa Liqası

UEFA Konfrans Liqası
Son çempion Qarabağ (11-ci dəfə)
Ən uğurlu komanda Qarabağ (11 dəfə)
TV partnyoru CBC Sport
Veb səhifəsi www.pfl.az
Azərbaycan Premyer Liqası 2024/2025

Çempionat 1992-ci ildən 2007-ci ilə qədər Yüksək Liqa, 2007-ci ildən sonra Azərbaycan Premyer Liqası adı altında fəaliyyət göstərir. 1992-ci ildən 10 klub Azərbaycan Premyer Liqasının qalibi olmuşdur. Azərbaycan Premyer Liqasının ən uğurlu komandası "Qarabağ"-dır. Hazırkı çempion "Qarabağ" 2023–24 mövsümündə 11-cu dəfə bu titulu qazanmışdır.

Tarixi

redaktə

1990-cı illər

redaktə

1990-cı illərdə liqada əsasən "Neftçi", "Qarabağ", "Kəpəz", "Turan Tovuz FK" və "Şəmkir" hökmranlıq edib. 1997-ci ildə "Kəpəz" Azərbaycan Premyer Liqası tarixində ən uzun qələbə seriyasına imza atmışdır.[1] Gəncəlilər 1997/98 mövsümündə başlayan və 1998/99 mövsümündə başa çatan seriya müddətində 20 görüşdə qələbələri sıralayıb.[1]

2000-ci illər

redaktə

2000-ci illərin ortasında iqtisadi böhran yerli klublara ciddi zərbə vurdu və nəticədə, "Xəzri Buzovna", "Şəfa" və "ANS Pivani Bakı" kimi klublar mövcüdluğunu dayandırdı. Premyer Liqa klublarının 2002-ci ilin aprelində çempionatın dayandırması və AFFA ilə pikə çatan gərginlik, FİFA və UEFA-nın 2 illik sanksiyası ilə bitdi.[2][3][4] Yarışı yarımçıq dayandıran klublar öz yaratdıqları Təşkilat Komitəsinin təşəbbüsü ilə çempionatı davam etdirdi.[5] Lakin "alternativ çempionat" kimi tarixə düşən həmin turnir qeyri-rəsmi hesab edildi.[5] Ölkədə "böyük futbol"un faktiki olaraq yoxa çıxması ilə nəticələnən münaqişədən sonra çox sayda oyunçu xaricə üz tutdu.[5] Xaricə yollana bilməyənlərin bir qismi alternativ çempionatda, digərləri isə futzal yarışlarında çıxış etməyə başladı.[5]

Yeni əsrdə Neftçinin çempionatda hegemonluğuna "Xəzər Lənkəran", "İnter Bakı"[q 1] və "Bakı" kimi yeni rəqiblər son qoymağa çalışırdı. 2005-ci ildə "Neftçi" çempionatın sonunda "Xəzər Lənkəran" klubu ilə eyni xal yığdığı üçün çempionu müəyyənləşdirmək üçün "Qızıl oyun" keçirildi.[6] Gəncə şəhər stadionunda keçirilən oyunda "Neftçi" "Xəzər Lənkəran"ı 2:1 hesabı ilə üstələyərək, ardıcıl ikinci dəfə çempionluğu bayram etdi.[6] Ağasəlim Mircavadovun rəhbərliyi altında "Xəzər Lənkəran" iki dəfə Azərbaycan Kubokunu qazanmış, 2006-cı ildə isə çempion olmuşdur.[7] 2022-ci ildə "Keşlə" futbol klubu rəsmən "Şamaxı" adlandırılıb.[8]

2010-cu illər

redaktə
 
2011/2012 Azərbaycan Premyer Liqasının kuboku "Neftçi PFK"nın muzeyində.

2010-cu ildə "Neftçi" altı uğursuz ildən sonra çempion oldu.[9][10] Növbəti mövsümdə "Neftçi" yeddinci dəfə Azərbaycan çempionu oldu.[11] 2012-ci ilin avqustun 30-da Böyükağa Hacıyevin rəhbərlik etdiyi "Neftçi" səfərdə APOEL-ə 3:1 (İlk oyun: 1:1) hesabı ilə qalib gələrək Azərbaycan futbol tarixində ilk dəfə UEFA Avropa Liqasının qrup mərhələsinə vəsiqə qazanmışdı.[12] Növbəti mövsümdə "Neftçi" ardıcıl 3-cü dəfə ölkə çempionu oldu.[13]

2013-cü ildən başlayaraq Azərbaycan Premyer Liqasında "Qarabağ" hegemonluq edir.[14] Həmin mövsüm "Qarabağ" 21 ildən sonra ikinci çempionluğu qeyd etdi.[15] 2014-cü ildə "Qarabağ" Azərbaycan futbolunda avrokubokların qrup mərhələsinə vəsiqə qazanan ikinci, 2015-ci ildə "Qəbələ" üçüncü klub kimi tarixə düşdü.[16] 2016-cı ildə "Qarabağ" ardıcıl 4-cü dəfə ölkə çempionu oldu.[17] 2017-ci il avqustun 24-də "Qarabağ" Azərbaycan futbolu tarixində ilk dəfə UEFA Çempionlar Liqasının qrup mərhələsinə vəsiqə qazanıb.[18] Həmin ildə Azərbaycan Premyer Liqası Beynəlxalq Futbol Tarixi və Statistikaları Federasiyasının (İFFHS) dünyanın ən yaxşı çempionatlarının reytinq siyahısında 33-cü yerdə qərarlaşıb.[19]

2018-ci il aprelin 22-də "Qarabağ" ardıcıl beşinci dəfə çempion titulunu qazanıb.[20]

2020-ci illər

redaktə

2020-ci ildə COVID-19 qlobal pandemiyası ilə əlaqədar yaranmış mövcud vəziyyət, infeksiyanın yoluxma statisitikasının yüksəlməsi, Azərbaycan ərazisində karantin rejiminin 2020-ci il iyulun 1-dək uzadılması ilə bağlı klubların məşq keçməsi üçün vaxt azlığı, klubların ehtimal olunan maliyyə çətinliyi, pandemiya dövründə AFFA İcraiyyə Komitəsinin qəbul etdiyi müvafiq qərarlar və verilən tövsiyələr və futbolçuların, məşqçilərin və Azərbaycan Premyer Liqasında oyunların təşkilində bu və ya digər şəkildə iştirak edən şəxslərin sağlamlığının qorunması nəzərə alınaraq, 2019/2020-ci il mövsümündə çempionat və kubok yarışı dayandırılıb.[21] Mövsümün qalibi və UEFA-nın klub yarışlarında iştirak edəcək komandalar hazırkı turnir cədvəlinə uyğun olaraq müəyyənləşdirilib.[21] Bunun nəticəsində "Qarabağ" ardıcıl 7-ci, ümumilikdə 8-ci dəfə çempionluq əldə edib.[21]

2021-ci ildə "Neftçi" Azərbaycan Premyer Liqasının yekun turunda yeddi ilin hegemonu olmuş "Qarabağ"a 1:0 hesabı ilə üstün gələrək ölkə çempionu olub.[22]

Korporativ strukturu

redaktə

13 iyun 2008-ci ildən Azərbaycan Peşəkar Futbol Liqası Azərbaycan Premyer Liqası, Azərbaycan Birinci Liqası və Azərbaycan Kuboku yarışlarını təşkil edir.[23] Quruma Ramin Musayev rəhbərlik edir.[24]

Hazırda Azərbaycan Premyer Liqasının üç klubu — "Neftçi", "Qarabağ" və "Qəbələ" Avropa Klublar Assosiasiyasının (ECA) üzvüdür.[25] Avropa Klublar Assosiasiyası UEFA Klub Müsabiqələri Komitəsinə üç üzv seçilməsinə nəzarət edir; hansı ki, Çempionlar Liqası və UEFA Avropa Liqası kimi UEFA müsabiqələrində əməliyyatlarında rol oynayır.[26]

Müsabiqə formatı

redaktə

Hazırda Azərbaycan Premyer Liqasında 10 futbol klubu iştirak edir. Mövsüm ərzində (avqustdan maya qədər) hər klub rəqibləri ilə dörd dəfə (dairəvi sistem) görüşür: iki dəfə öz sahəsində, iki dəfə səfərdə. Cəmi 36 oyun keçirilir. Komandalara qələbəyə görə üç xal, heç-heçəyə görə bir xal və məğlubiyyətə görə sıfır xal verilir. Komandalar ümumi xallar, sonra qol fərqləri ilə və daha sonra vurulan qollarla sıralanır. Əgər vəziyyət eynidirsə, komandalar eyni mövqedə yer alır.

Aşağıda Azərbaycan Premyer Liqasının tarixi boyu komandaların sayı qeyd olunur:

  • 26 klub = 1992
  • 20 klub = 1993
  • 16 klub = 1993–1994
  • 13 klub = 1994–1995
  • 11 klub = 1995–1996
  • 16 klub = 1996–1997
  • 15 klub = 1997–1998
  • 14 klub = 1998–1999
  • 12 klub = 1999–2000
  • 11 klub = 2000–2001
  • 12 klub = 2001–2002
  • 14 klub = 2003–2004
  • 18 klub = 2004–2005
  • 14 klub = 2005–2006
  • 13 klub = 2006–2007
  • 14 klub = 2007–2009
  • 12 klub = 2009–2013
  • 10 klub = 2013–2016
  • 8 klub = 2016–2022
  • 10 klub = 2022–cari

Avrokuboklar üçün kvalifikasiya

redaktə

Azərbaycan Premyer Liqasında birinci yer tutan komanda UEFA Çempionlar Liqasının ikinci təsnifat mərhələsinə, ikinci və üçüncü yer tutan komandalar isə UEFA Konfrans Liqasının ikinci təsnifat mərhələsinə vəsiqə qazanır. Azərbaycan Kubokunun qalibi UEFA Avropa Liqasının təsnifat mərhələsinə vəsiqə qazanır. Əgər Azərbaycan Kubokunun qalibi avrokuboklara vəsiqə qazanıbsa, o zaman Azərbaycan Premyer Liqasında dördüncü yer tutan komanda UEFA Konfrans Liqasının ikinci təsnifat mərhələsinə, ikinci yeri tutan isə UEFA Avropa Liqasının təsnifat mərhələsinə vəsiqə qazanır.

Klublar

redaktə
  Əsas məqalə: Azərbaycan Premyer Liqası 2024/2025
 
Azərbaycan Premyer Liqası 2023–24 komandalarının xəritədə yeri.
Qarabağ FK Ağdam şəhərini təmsil edir, amma Ağdamın işğalı səbəbindən ev oyunlarını Bakıda keçirir.

Stadionları və yerləri

redaktə
Qeyd: Cədvəl əlifba sırası ilə siyahlanıb
Komanda Ərazi Stadion Stadion tutumu
Qarabağ Ağdam Azərsun Arena 5.800
Qəbələ Şamaxı Şamaxı şəhər stadionu 2.500
Kəpəz Gəncə Gəncə şəhər stadionu 27.000
Neftçi Bakı Neftçi Arena 10.200
Sabah Masazır Bank Respublika Arena 13.000
Səbail Bakı ASCO Arena 5.000
Sumqayıt Sumqayıt Mehdi Hüseynzadə adına Sumqayıt şəhər stadionu 15.500
Araz-Naxçıvan Naxçıvan Naxçıvan şəhər stadionu 2.200
Turan Tovuz FK Tovuz Tovuz şəhər stadionu 6.500
Zirə Bakı Zirə Olimpiya İdman Kompleksi stadionu 1.300

Azərbaycan klubları Avrokuboklarda

redaktə
 

07.11.2024 tarixinə

n Komandalar O Q H M Toplar Top fərqi Xal
1 "Qarabağ" Ağdam 186 70 46 70 225:241 -16 256
2 "Neftçi" Bakı 82 26 20 36 95:127 -32 98
3 "Inter" Bakı 35 14 10 11 43:33 +10 52
4 "Qəbələ" 42 11 7 24 41:66 -25 40
5 "Zirə" Bakı 14 6 4 4 18:19 -1 22
6 "Bakı" 18 4 5 9 16:34 -18 17
7 "Xəzər-Lənkəran" 18 2 7 9 14:33 -19 13
8 "Sabah" Bakı 8 4 0 4 12:11 +1 12
9 "Karvan" Yevlax 6 2 1 3 3:6 -3 7
10 "Kəpəz" Gəncə 14 2 1 11 6:30 -24 7
11 "MKT-Araz" İmişli 4 1 1 2 1:3 -2 4
12 "Bakı Fəhləsi" 2 1 0 1 1:1 0 3
13 "Şəmkir" FK 10 1 0 9 7:21 -14 3
14 "AZAL" Bakı 4 0 2 2 3:5 -2 2
15 "Sumqayıt" 4 0 2 2 3:13 -10 2
16 "Xəzri" Buzovna 2 0 1 1 0:2 -2 1
17 "Səbail" Bakı 2 0 0 2 4:6 -2 0
18 "Simurq" Zaqatala 2 0 0 2 0:4 -4 0
19 "Turan" Tovuz 2 0 0 2 0:7 -7 0
20 "Şəfa" Bakı 2 0 0 2 0:7 -7 0
21 "Viləj" Masallı 4 0 0 4 2:10 -8 0

Çempionlar və bombardirlər

redaktə
Mövsüm Çempion İkinci Üçüncü Bombardir
1992 Neftçi Xəzər Sumqayıt Turan Tovuz FK   Nazim Əliyev (Xəzər Sumqayıt, 39 qol)
1993 Qarabağ Xəzər Sumqayıt Turan Tovuz FK   Samir Ələkbərov (Neftçi, 16 qol)
1993–94 Turan Tovuz FK Qarabağ Kəpəz   Musa Qurbanov (Turan Tovuz FK, 35 qol)
1994–95 Kəpəz Turan Tovuz FK Neftçi   Nazim Əliyev (Neftçi, 26 qol)
1995–96 Neftçi Xəzri Buzovna Kəpəz   Fazil Pərvərov (Kəpəz, 23 qol) /   Rövşən Əhmədov (Kəpəz, 23 qol)
1996–97 Neftçi Qarabağ Xəzri Buzovna   Qurban Qurbanov (Neftçi, 34 qol)
1997–98 Kəpəz Bakı Şəmkir   Nazim Əliyev (Bakı, 23 qol)
1998–99 Kəpəz Şəmkir Neftçi   Alay Bəhramov (Viləş Masallı, 24 qol)
1999–00 Şəmkir Kəpəz Neftçi   Badri Kvaratsxeliya (Şəmkir, 16 qol)
2000–01 Şəmkir Neftçi Viləş Masallı   Paşa Əliyev (Bakılı Bakı, 12 qol)
2001–02 AFFA və klublar arasında yaranan münaqişəyə görə çempionat yarımçıq dayandırılmış və nəticələr hesaba alınmayıb.[27]
2002–03 AFFA və klublar arasında yaranan münaqişəyə görə futbol çempionatı təşkil edilməyib.[28]
2003–04 Neftçi Şəmkir Qarabağ   Samir Musayev (Qarabağ, 20 qol)
2004–05 Neftçi Xəzər Lənkəran Karvan   Zaur Ramazanov (Karvan, 21 qol)
2005–06 Bakı Karvan Neftçi   Yakuba Bamba (Karvan, 16 qol)
2006–07 Xəzər Lənkəran Neftçi Bakı   Zaur Ramazanov (Xəzər Lənkəran, 20 qol)
2007–08 İnter AZAL Neftçi   Xəqani Məmmədov (İnter, 19 qol)
2008–09 Bakı İnter Simurq   Valter Quqlemon (İnter, 17 qol)
2009–10 İnter Bakı Qarabağ   Fərid Quliyev (Standard Bakı, 16 qol)
2010–11 Neftçi Xəzər Lənkəran Qarabağ   Georgi Adamiya (Qarabağ, 18 qol)
2011–12 Neftçi Xəzər Lənkəran İnter   Bahodir Nəsimov (Neftçi, 16 qol)
2012–13 Neftçi Qarabağ İnter   Nikolas Kanales (Neftçi, 26 qol)
2013–14 Qarabağ İnter Qəbələ   Reynaldo (Qarabağ, 22 qol)
2014–15 Qarabağ İnter Qəbələ   Nurlan Novruzov (Bakı, 15 qol)
2015–16 Qarabağ Zirə Qəbələ   Dani Kintana (Qarabağ, 15 qol)
2016–17 Qarabağ Qəbələ İnter   Rauf Əliyev (İnter, 11 qol)
  Filip Ozobiç (Qəbələ, 11 qol)
2017–18 Qarabağ Qəbələ Neftçi   Baqali Dabo (Qəbələ, 13 qol)
2018–19 Qarabağ Neftçi Səbail   Mahir Emreli (Qarabağ, 16 qol)
2019–20 Qarabağ Neftçi Keşlə   Mahir Emreli (Qarabağ, 7 qol)
  Baqali Dabo (Neftçi, 7 qol)
  Stiven Josef-Monroz (Neftçi, 7 qol)
  Peyman Babayi (Sumqayıt, 7 qol)
2020–21 Neftçi Qarabağ Sumqayıt   Namiq Ələsgərov (Neftçi, 19 qol)
2021–22 Qarabağ Neftçi Zirə   Kadi (Qarabağ, 12 qol)
2022–23 Qarabağ Sabah Neftçi   Ramil Şeydayev (Qarabağ , 22 qol)
2023–24 Qarabağ Zirə Sabah   Juninyo (Qarabağ, 20 qol)

Mükafatçı klublar

redaktə






 

Ən uğurlu klublar (%)   Qarabağ (36 %)  Neftçi (27 %)  Kəpəz (9 %)  Digər klublar (28 %)

n Klub       Medallar Çempionluq mövsümləri
1 Qarabağ     11 4 4 19 1993, 2013–2014, 2014–2015, 2015–2016, 2016–2017, 2017–2018, 2018–2019, 2019–2020, 2021–2022, 2022–2023, 2023–2024
2 Neftçi   9 5 7 21 1992, 1995–1996, 1996–1997, 2003–2004, 2004–2005, 2010–2011, 2011–2012, 2012–2013, 2020–2021
3 Kəpəz
3
1 2 6 1994–1995, 1997–1998, 1998–1999
4 İnter 2 3 4 9 2007–2008, 2009–2010
5 Şəmkir 2 2 1 5 1999–2000, 2000–2001
6 Bakı 2 2 1 5 2005–2006, 2008–2009
7 Xəzər-Lənkəran 1 3 0 4 2006–2007
8 Turan 1 1 2 4 1993–1994
9 Qəbələ 0 2 3 5
10 Zirə 0 2 1 3
11 Xəzər Sumqayıt 0 2 0 2
12 Sabah 0 1 1 2
13 Karvan 0 1 1 2
14 Xəzri 0 1 1 2
15 AZAL 0 1 0 1
16 Sumqayıt 0 0 1 1
17 Səbail 0 0 1 1
18 Simurq 0 0 1 1
19 Viləş 0 0 1 1

Dubllar

redaktə
Klub Sezon Dubllar
Qarabağ 6 1993,

2014–2015, 2015–2016, 2016–2017, 2021–2022, 2023/2024

Neftçi 3 1995–1996, 2003–2004, 2012–2013
Kəpəz 1 1997–1998
Xəzər-Lənkəran 1 2006–2007

Azərbaycan SSR çempionları

redaktə

Sponsorluq və loqo

redaktə
 
Unibank Premyer Liqasının loqosu

2009-cu ilə qədər Azərbaycan Premyer Liqasının sponsoru olmayıb. 2009-cu ilin sentyabrında "Unibank" və Peşəkar Futbol Liqası arasında sponsor sazişinin imzalandın və ölkə çempionatına ilk dəfə kommersiya strukturu tərəfindən sponsorluq edildi.[29] 2012-ci ildən 2019-cu ilə qədər Azərbaycan Premyer Liqasına "Topaz" bukmeker şirkəti sponsorluq edib.[30][31][32]

2020-ci il avqustun 2-də Peşəkar Futbol Liqası Azərbaycan Premyer Liqasının yeni loqosunu təqdim edib. Yeni loqo qartal, alov və dalğa ilə əhatələnən futbol topu elementləri üzərində qurulub.[33]

Period Sponsor Name
1992–2009 Sponsor olmayıb Yüksək Liqa / Azərbaycan Premyer Liqası
2009–2012 Unibank Unibank Premyer Liqası
2012–2019 Topaz Topaz Premyer Liqası
2019–2022 Sponsor olmayıb Azərbaycan Premyer Liqası
2022– Misli Misli Premyer Liqası

Maliyyə

redaktə

Azərbaycan Premyer Liqası başladığı ildən, 32-dən çox klub müflis olub.[34] 2000-ci illərin ortasında APL və Azərbaycan Birinci Liqası arasında uçurum yaranması futbol ekspertləri tərəfindən tənqid olunmuşdur.[35] 2008-ci ildən 2016-cı ilə qədər Azərbaycan Premyer Liqasına külli miqdarda vəsait axmağa başladı.[36][37]

2015-ci ildən Azərbaycan Premyer Liqası klublarında çıxış edən 21 və 23 yaşadək yerli futbolçuların maaşına limit tətbiq olunur.[38] 21 yaşadək futbolçuların illik maaşı maksimum 30 min AZN-dək, 23 yaşadək futbolçuların illik maaşı maksimum 50 min AZN-dək müəyyənləşdirilib.[38] Azərbaycan milli futbol komandasının heyətində mövsüm ərzində oyunların 50 faizində iştirak edən futbolçuların maaşı klub tərəfindən maksimum 25 faiz artırıla bilər.[38] AFFA-nın İcraiyyə Komitəsinin qərarına riayət etməyən, formal olaraq müəyənləşdirilmiş maaş göstərən, lakin faktiki olaraq limitdən artıq maaş verən klublar müəyyənləşdirilərək cəzalandırılır.[38]

Azərbaycan dövləti 2021-2022 mövsümündən etibarən bütün Premyer Liqa klublarına illik 3 milyon manat maliyyə dəstəyi verir. Ümumilikdə elita iştirakçılarına 30 milyon manat dəstək göstərilib. Birinci Liqada bu məbləğ 3 milyon manat, İkinci Liqada isə 700 min manat olub.[39]

Medianın işıqlandırması

redaktə

2009-cu ildə PFL və AzTV Qapalı Səhmdar Cəmiyyəti arasında Azərbaycan Premyer Liqası və Kubokunun oyunlarının eksklüziv çəkiliş və yayım hüququna dair müqavilə imzalanıb.[40] 2009-cu ildən 2015-ci ilə qədər Azərbaycanda Premyer Liqa İdman Azərbaycan TV tərəfindən yayımlanırdı. 2015/16 mövsümündə Azərbaycan Premyer Liqasının yayım hüququ üçün tender təşkil olundu.[41] Tenderin qalibi CBC Sport oldu.[42]

Statistika və rekordlar

redaktə

Premyer Liqada olan oyunçular mövsümün sonuna kimi Azərbaycan Premyer Liqasının Qızıl Butsu üçün rəqabət aparırlar.

Nazim Əliyev APL-nin tarixində ən çox qol vuran futbolçudur.[43] 1995–96 mövsümündə N. Əliyev APL-də ilk 100 qol vuran oyunçu olmuşdur. O vaxtdan bəri, 10 digər oyunçular da 100 qol nişanına çatmışlar.[44]

APL-də ən çox oyun keçirən futbolçu isə Rahid Əmirquliyevdir.[45]

Qalın şriftlərlə göstərilən oyunçular hələ karyerasını davam etdirir:

 
Xəqani Məmmədov Azərbaycan Premyer Liqasında ən çox qol vurmuş oyunçulardan biridir.
Ən çox qol vurmuş oyunçular[44]
Oyunçu Dövr Klub[46] Qol
1   Nazim Əliyev 1992–1999 Xəzər Sumqayıt 183
2   Müşfiq Hüseynov 1992–2007 Qarabağ 125
3   Rövşən Əhmədov 1992–2003 Kəpəz 116
4–5   Qurban Qurbanov 1990–2006 Neftçi 115
4–5   Samir Ələkbərov 1992–2001 Neftçi 115
6   Alay Bəhramov 1992–1999 Viləş Masallı 108
7   Nadir Nəbiyev 1995–2012 Turan Tovuz FK 103
8–9   Vadim Vasilyev 1994–2007 Bakı Fəhləsi 102
8–9   Xəqani Məmmədov 1994–2012 Şamaxı 102
10   Kənan Kərimov 1995–2012 Şəmkir 101
 
Rəşad Abdullayev Azərbaycan Premyer Liqasında ən çox oyun keçirmiş oyunçulardan biridir.
Ən çox oyun keçirən oyunçular[47][48][49][50]
Oyunçu Dövr Klub[51] Oyun
1   Rahid Əmirquliyev 2003–2023 Xəzər Lənkəran 457[52]
2   Mahmud Qurbanov 1992–2012 Kəpəz 421
3   Rəşad Sadiqov 1998–2018 Neftçi 392
4   Azər Məmmədov 1992–2012 Kəpəz 388
5   Aslan Kərimov 1992–2011 Qarabağ 382
6   Rəşad Abdullayev 1994–2017 Xəzər Lənkəran 378
7   Maksim Medvedev 2006–2024 Qarabağ 376
8   Elvin Məmmədov 2004–2023 Şamaxı 376
9   Asif Məmmədov 2004–h.h. Qəbələ 373
10   Aqil Məmmədov 1992–2011 Turan Tovuz FK 363

Mükafatçı baş məşqçilər

redaktə
 
Qurban Qurbanovun rəhbərliyi altında "Qarabağ" Azərbaycan Premyer Liqasında on dəfə qalib olmuşdur.
Baş məşqçi Çempion Qələbə illəri
  Qurban Qurbanov
10
2013–14, 2014–15, 2015–16, 2016–17, 2017–18, 2018–19, 2019–20, 2021–22, 2022–23, 2023–24
  Ağasəlim Mircavadov
5
1993, 1999–00, 2000–01, 2004–05, 2006–07
  Böyükağa Hacıyev
3
2005–06, 2011–12, 2012–13
  Kazbek Tuayev 1993–94, 1995–96, 2003–04
  Mehman Allahverdiyev 1994–95, 1997–98, 1998–99
  Əhməd Ələsgərov
1
1992
  Elbrus Abbasov 1996–97
  Arif Əsədov 2010–11
  Qəhrəman Əliyev 2001–02
  Goko Haciyevski 2008–09
  Kaxaber Tsxadadze 2009–10
  Valentin Xodukin 2007–08
  Samir Abbasov 2020–21

Azarkeş sayı

redaktə
 
"Neftçi" azarkeşləri "Qarabağ"la oyunda
 
"Qarabağ" futbol komandasına aid olan "İmarət" azarkeş qrupunun banneri
Mövsüm sayı
 Ümumi azarkeş sayı
 Orta azarkeş sayı
 İst.
2001–02 187,929 1,099 [53]
Liqa ləğv olunub[q 2] - - -
2003–04 195,840 1,360 [54]
2004–05 470,670 1,623 [54]
2005–06 - 1,623 [54]
2006–07 - 1,085 [54]
2007–08 - 1,564 [54]
2008–09 - 1,643 [54]
2009–10 - 1,701 [55]
2010–11 - 1,871 [55]
2011–12 - 2,299 [56]
2012–13 - 2,381 [57]
2013–14 - 1,703 [58]
2014–15 - 1,537 [59]
2015–16 - 1,521 [60]
2016–17 - 2,587 [60]
2017–18 - 2,016 [60]
2018–19 - 2,022 [60]
2019–20 - 1,012 [60]

Mükafatlar

redaktə

Kubok

redaktə

Çempionluq kuboku PFL-in sifarişinə əsasən, Fransanın "Arthus-Bertrand" şirkəti hazırlayır və hər mövsümun sonu Azərbaycan Premyer Liqasının qalibinə təqdim olunur.[61][62]

Ayın və ilin oyunçusu

redaktə

Mövsün ərzində "Ayın futbolçusu" və "İlin futbolçusu" futbol klublarının baş məşqçiləri, komandaların kapitanları və idman jurnalistləri arasında PFL tərəfindən keçirilən sorğuya əsasən müəyyənləşir.[63] Qalib oyunçuya PFL və sponsorun hədiyyələri və pul mükafatı təqdim olunur. 2014-cü ildən "Ayın futbolçusu" mükafatın verilməsi dayandırılıb.

 
Reynaldo "Ayın futbolçusu" mükafatını dörd dəfə qazanmışdır.
 
Flavinyo "Ayın futbolçusu" mükafatını ən çox qazanan oyunçulardan biridir.
Mövsüm İl Ay Oyunçu Klub
2009–10 2009 Oktyabr   Vaqif Cavadov Qarabağ
2009–10 2010 Noyabr   Mario Souza Xəzər Lənkəran
2009–10 2010 Dekabr   Əfran İsmayılov Qarabağ
2009–10 2010 Fevral   Xəqani Məmmədov Karvan
2009–10 2010 Mart   Araz Abdullayev Neftçi
2009–10 2010 Aprel   Georgi Adamiya Qarabağ
2009–10 2010 May   Aleksandar Şoliç Bakı
2010–11 2010 Avqust   Bahodir Nəsimov Neftçi
2010–11 2010 Sentyabr   Samir Zərgərov Kəpəz
2010–11 2010 Oktyabr   Flavinyo Neftçi
2010–11 2010 Noyabr   Zohair Benuahi AZAL
2010–11 2010 Dekabr   Samir Əliyev Simurq
2010–11 2011 Fevral   Rauf Əliyev Qarabağ
2010–11 2011 Mart   Flavinyo Neftçi
2010–11 2011 Aprel   Vinston Parks Xəzər Lənkəran
2010–11 2011 May   Georgi Adamiya Qarabağ
2011–12 2011 Avqust   Ceyhun Sultanov Kəpəz
2011–12 2011 Sentyabr   Rəşad Abdullayev Neftçi
2011–12 2011 Oktyabr   Vinston Parks Bakı
2011–12 2011 Noyabr   Flavinyo Neftçi
2011–12 2011 Dekabr   Baçana Tsxadadze Şamaxı
2011–12 2012 Fevral   Əfran İsmayılov Qarabağ
2011–12 2012 Mart   Yannik Kamanan Qəbələ
2011–12 2012 Aprel   Eder Bonfim Xəzər Lənkəran
2011–12 2012 May   Deividas Çesnauskis Bakı
2012–13 2013 Fevral   Nikolas Kanales Neftçi
2012–13 2013 Mart   Marius Pena Bakı
2012–13 2013 Aprel   Riçard Almeyda Qarabağ
2012–13 2013 May   Nikolas Kanales Neftçi
2013–14 2013 Avqust   Cavid Hüseynov Bakı
2013–14 2013 Sentyabr   Əfran İsmayılov Bakı
2013–14 2013 Oktyabr   Reynaldo Qarabağ
2013–14 2013 Noyabr   Vaqif Cavadov Şamaxı
2013–14 2013 Dekabr   Daniel Subotiç Qəbələ
2013–14 2014 Fevral   Reynaldo Qarabağ
2013–14 2014 Mart   Reynaldo Qarabağ
2013–14 2014 Aprel   Riçard Almeyda Qarabağ
2013–14 2014 May   Reynaldo Qarabağ

Qeydlər

redaktə
  1. ↑ 2022-ci ildən klub rəsmən "Şamaxı" adlandırılıb.
  2. ↑ AFFA və klublar arasında yaranan münaqişəyə görə bu mövsüm heç bir futbol çempionatı təşkil edilməmişdir.

İstinadlar

redaktə
  1. ↑ 1 2 ""Çelsi"dən yeni rekord: "Kəpəz"ə hələ çox var". www.apasport.az. www.apasport.az. 2021-09-25 tarixində arxivləşdirilib. İstifadə tarixi: 3 sentyabr 2017.
  2. ↑ "Azerbaijan embargo ends". www.uefa.com. UEFA. 2023-06-29 tarixində arxivləşdirilib. İstifadə tarixi: 3 sentyabr 2017.
  3. ↑ "Peace at last in Azerbaijan". www.uefa.com. UEFA. İstifadə tarixi: 3 sentyabr 2017.
  4. ↑ "Azerbaijan soccer tries to extricate itself from trouble". www.abc.net.au. www.abc.net.au. 2016-10-27 tarixində arxivləşdirilib. İstifadə tarixi: 3 sentyabr 2017.
  5. ↑ 1 2 3 4 ""Futzalla futbolu eyni vaxtda oynamağı məsləhət görmürəm" – iki idman növü üzrə yığmamızın sabiq üzvü (LAYİHƏ)". sportfm.az. sportfm.az. 2017-10-18 tarixində arxivləşdirilib. İstifadə tarixi: 3 sentyabr 2017.
  6. ↑ 1 2 ""Xəzər Lənkəran"ın Gəncə macəraları". apasport.az. apasport.az. 2023-06-29 tarixində arxivləşdirilib. İstifadə tarixi: 3 sentyabr 2017.
  7. ↑ "Ən azı 2 klubla çempion olan 3-cü baş məşqçi". www.pfl.az. www.pfl.az. 2022-03-25 tarixində arxivləşdirilib. İstifadə tarixi: 3 sentyabr 2017.
  8. ↑ ""Keşlə" adını dəyişərək rəsmən "Şamaxı" olub". apa.az. apa.az. 2022-03-28 tarixində arxivləşdirilib. İstifadə tarixi: 12 aprel 2022.
  9. ↑ "Neftchi are Azerbaijani champions". news.az. news.az. 2011-05-29 tarixində arxivləşdirilib. İstifadə tarixi: 3 sentyabr 2017.
  10. ↑ "Neftçi take title honours in Azerbaijan". www.uefa.com. UEFA. 2016-04-16 tarixində arxivləşdirilib. İstifadə tarixi: 3 sentyabr 2017.
  11. ↑ ""Neftçi"nin yeddinci çempionluğu". qol.az. 2021-09-16 tarixində arxivləşdirilib. İstifadə tarixi: 3 sentyabr 2017.
  12. ↑ "Neftchi FC for the first time in the history of football in Azerbaijan wins a ticket to the group stage of UEFA Europa League Zoom". en.apa.az. İstifadə tarixi: 3 sentyabr 2017.[ölü keçid]
  13. ↑ ""Neftçi" ardıcıl 3-cü dəfə ölkə çempionu oldu". www.azsport.az. 2022-07-29 tarixində arxivləşdirilib. İstifadə tarixi: 3 sentyabr 2017.
  14. ↑ Gault, Matt. "Qarabag are exiled from their home but could shock the Champions League". www.theguardian.com. 2018-03-17 tarixində arxivləşdirilib. İstifadə tarixi: 3 sentyabr 2017.
  15. ↑ Oqtay, Atayev. "Qarabağ end 21-year wait for Azerbaijani title". UEFA. 2015-07-23 tarixində arxivləşdirilib. İstifadə tarixi: 3 sentyabr 2017.
  16. ↑ "Qəbələ Azərbaycanın qrup mərhələsinə vəsiqə qazanan 3-cü klubu oldu". www.azerisport.com. 2021-09-17 tarixində arxivləşdirilib. İstifadə tarixi: 3 sentyabr 2017.
  17. ↑ "Qarabağ v København: play-off facts and stats". UEFA. 2018-05-26 tarixində arxivləşdirilib. İstifadə tarixi: 3 sentyabr 2017.
  18. ↑ "Champions League round-up: Qarabag make history by qualifying for group stages". www.skysports.com. 2017-10-31 tarixində arxivləşdirilib. İstifadə tarixi: 3 sentyabr 2017.
  19. ↑ "Premyer Liqanın tərəqqi qrafiki: 8 ildə 73 pillə". apasport.az. 2017-04-08 tarixində arxivləşdirilib. İstifadə tarixi: 4 sentyabr 2017.
  20. ↑ ""Qarabağ" ardıcıl beşinci dəfə çempion oldu". oxu.az. oxu.az. 2022-03-25 tarixində arxivləşdirilib. İstifadə tarixi: 15 avqust 2018.
  21. ↑ 1 2 3 ""Qarabağ" çempion oldu – RƏSMİ". www.yeniavaz.com. www.yeniavaz.com. 2022-03-25 tarixində arxivləşdirilib. İstifadə tarixi: 20 iyun 2020.
  22. ↑ "Neftçi bu ilin çempionu oldu. Azərbaycan futbolunda yeni eramı başlayır?". www.bbc.com. www.bbc.com. 10 January 2022 tarixində arxivləşdirilib. İstifadə tarixi: 1 may 2022.
  23. ↑ "Peşəkar Futbol Liqası 8 yaşında". www.fanat.az. 2023-06-29 tarixində arxivləşdirilib. İstifadə tarixi: 3 sentyabr 2017.
  24. ↑ "Ramin Musayev elected President of Azerbaijan Professional Football League Zoom". en.apa.az. İstifadə tarixi: 3 sentyabr 2017.[ölü keçid]
  25. ↑ "ECA Members 2017/18". www.ecaeurope.com. 2018-03-11 tarixində orijinalından arxivləşdirilib. İstifadə tarixi: 3 sentyabr 2017.
  26. ↑ "European Club Association: General Presentation". European Club Association. 9 August 2010 tarixində arxivləşdirilib. İstifadə tarixi: 7 September 2010.
  27. ↑ "Azerbaijan 2001/02". 2014-03-03 tarixində arxivləşdirilib. İstifadə tarixi: 2017-09-04.
  28. ↑ "Azerbaijan 2002/03". 2014-03-03 tarixində arxivləşdirilib. İstifadə tarixi: 2017-09-04.
  29. ↑ "Azərbaycan Premyer Liqasının sponsoru dəşiyib". www.azadliq.org. 2022-03-25 tarixində arxivləşdirilib. İstifadə tarixi: 4 sentyabr 2017.
  30. ↑ "Azerbaijani Premier League has a new sponsor". news.az. 2016-03-04 tarixində arxivləşdirilib. İstifadə tarixi: 4 sentyabr 2017.
  31. ↑ "Premyer Liqanın yeni sponsoru ilə müqavilə imzalandı". kaspi.az. 2021-09-24 tarixində arxivləşdirilib. İstifadə tarixi: 4 sentyabr 2017.
  32. ↑ "Topaz Premyer Liqanın sponsorluğundan imtina etdi". qol.az. qol.az. 2022-03-25 tarixində arxivləşdirilib. İstifadə tarixi: 6 avqust 2019.
  33. ↑ "Azərbaycan Premyer Liqasının yeni loqosu təqdim edildi". qol.az. qol.az. 2022-03-25 tarixində arxivləşdirilib. İstifadə tarixi: 13 avqust 2020.
  34. ↑ "Azərbaycan futbolu son 20 ildə 14 klub itirib – RƏSMİ". www.fanat.az. 2020-08-07 tarixində arxivləşdirilib. İstifadə tarixi: 3 noyabr 2017.
  35. ↑ "Ramil Əliyev: "Premyer Liqa ilə I divizion arasında böyük uçurum var"". 2022-03-30 tarixində arxivləşdirilib. İstifadə tarixi: 2017-09-04.
  36. ↑ Muxtarlı, Turan. "Azərbaycanda futbol klubları niyə dağılır?". www.meydan.tv. 2021-02-06 tarixində orijinalından arxivləşdirilib. İstifadə tarixi: 4 sentyabr 2017.
  37. ↑ Abbasov, Shahin. "Azerbaijan: Corporate Spending Pumps Up Soccer League". www.eurasianet.org. 2013-11-03 tarixində arxivləşdirilib. İstifadə tarixi: 4 sentyabr 2017.
  38. ↑ 1 2 3 4 "AFFA-nın Oyunçuların Statusu və Transferi Komitəsinin məlumatı". www.affa.az. AFFA. 2021-09-21 tarixində arxivləşdirilib. İstifadə tarixi: 4 sentyabr 2017.
  39. ↑ "Dövlətdən hər bir Premyer Liqa klubuna 3 milyon manat illik yardım! - YENİ PLAN İŞLƏNİR". Sportinfo.Az (az.). 19 oktyabr 2020. 2024-09-01 tarixində arxivləşdirilib. İstifadə tarixi: 1 sentyabr 2024.
  40. ↑ "Premyer Liqanın oyunları AzTV-də yayımlanacaq". 2016-03-05 tarixində arxivləşdirilib. İstifadə tarixi: 2017-09-04.
  41. ↑ "Premyer Liqanın yayım hüququ AZTV və "İdman Azərbaycan"dan alındı". 2015-03-10 tarixində orijinalından arxivləşdirilib. İstifadə tarixi: 2015-03-06.
  42. ↑ "CBC channel to broadcast Premier League matches in Azerbaijani". report.az. 2022-03-25 tarixində arxivləşdirilib. İstifadə tarixi: 4 sentyabr 2017.
  43. ↑ Ekspress Newspaper Arxivləşdirilib 2014-08-05 at Archive.today  (az.)
  44. ↑ 1 2 "34 bombardir – 50-yə çatanlar". apasport.az. 2018-02-25 tarixində arxivləşdirilib. İstifadə tarixi: 4 sentyabr 2017.
  45. ↑ "Rahid Əmirquliyev Azərbaycan çempionatlarında ən çox oyun keçirən futbolçudur". 2023-06-29 tarixində arxivləşdirilib. İstifadə tarixi: 2023-04-20.
  46. ↑ oyunçunun ən çox qol vurduğu klub
  47. ↑ "300-ə çatan Azərbaycan futbolçuları". apasport.az. 2017-05-08 tarixində arxivləşdirilib. İstifadə tarixi: 4 sentyabr 2017.
  48. ↑ "Azərbaycan Premyer Liqasında ən çox oyun keçirən 30 futbolçu – Siyahı". 2023-04-25 tarixində arxivləşdirilib. İstifadə tarixi: 2023-04-20.
  49. ↑ "Premyer-liqamızda ən çox oyun keçirən 30 futbolçu – Siyahı". 2023-04-24 tarixində arxivləşdirilib. İstifadə tarixi: 2023-04-20.
  50. ↑ "Azərbaycan Premyer Liqası: Ən çox oyun keçirən futbolçuların siyahısında dəyişikliklər". 2023-07-30 tarixində arxivləşdirilib. İstifadə tarixi: 2023-07-30.
  51. ↑ oyunçunun ən çox oyun keçirdiyi klub
  52. ↑ "Karyerasını bitirdi – Azərbaycan millisinin keçmiş futbolçusu". 2023-07-30 tarixində arxivləşdirilib. İstifadə tarixi: 2023-07-30.
  53. ↑ "Посещаемость чемпионата Азербайджана выросла на 22%" (rus). Azerisport.com. 17 September 2021 tarixində arxivləşdirilib. İstifadə tarixi: 23 November 2010.
  54. ↑ 1 2 3 4 5 6 "2003–04 Azerbaijan Top League" (Croatian). Jutarnji list. 6 April 2010. səh. 97.
  55. ↑ 1 2 "Attendance of Azerbaijan Premier League". 19 July 2011 tarixində orijinalından arxivləşdirilib. İstifadə tarixi: 22 July 2011. (#invalid_param_val)
  56. ↑ "Azerbaijani Premier League fourth in attendance in post-Soviet space". News.az. 4 March 2016 tarixində arxivləşdirilib. İstifadə tarixi: 27 August 2013.
  57. ↑ "18 turun azarkeş sayı – 214.470 nəfər". fanat.az (Azerbaijani). 30 December 2012 tarixində orijinalından arxivləşdirilib. İstifadə tarixi: 26 December 2012.
  58. ↑ "Bakıda futbola maraq yoxdur: Lənkəranlılar hamıdan öndə". apasport.az (Azerbaijani). 27 December 2013 tarixində arxivləşdirilib. İstifadə tarixi: 29 December 2013.
  59. ↑ "Azerbaijan Premier League-attendances". european-football-statistics.co.uk (English). 19 July 2011 tarixində arxivləşdirilib. İstifadə tarixi: 30 May 2015.
  60. ↑ 1 2 3 4 5 "Azerbaijan Premier League-attendances". european-football-statistics.co.uk (English). 19 July 2011 tarixində arxivləşdirilib. İstifadə tarixi: 30 May 2016.
  61. ↑ ""Neftçi"yə çempionluq kuboku təqdim olundu". 2022-03-25 tarixində arxivləşdirilib. İstifadə tarixi: 2017-09-04.
  62. ↑ "Çempiona da kubok veriləcək". 2016-03-05 tarixində orijinalından arxivləşdirilib. İstifadə tarixi: 2015-02-22.
  63. ↑ "Unibank Premyer Liqasında fevralın ən yaxşı oyunçusu müəyyənləşmişdir". 2016-03-04 tarixində arxivləşdirilib. İstifadə tarixi: 2017-09-04.

Xarici keçidlər

redaktə
Mənbə — "https://az.wikipedia.org/w/index.php?title=Azərbaycan_Premyer_Liqası&oldid=7838198"