Mustafa Qoç
Mustafa Qoç tam adı ilə Mustafa Vəhbi Qoç (d. 29 oktyabr 1960, Ankara — ö. 21 yanvar 2016, İstanbul), Türk iş adamı. 2003–2016 illəri arasında Qoç Holdinq İdarə Heyəti Başçılığı vəzifəsini icra etdi.
| Mustafa Qoç | |
|---|---|
| Mustafa Vəhbi Qoç | |
 | |
| Doğum tarixi | |
| Doğum yeri | Ankara, Türkiyə |
| Vəfat tarixi | (55 yaşında) |
| Vəfat yeri | İstanbul, Türkiyə |
| Vəfat səbəbi | Ürək Tutması |
| Dəfn yeri | |
| Həyat yoldaşı | Keralayn Qoç |
| Uşaqları | Əsra Qoç, Aylin Qoç |
| Atası | Rəhmi Qoç |
| Anası | Çiydəm Simavi |
| Təhsili | Corc Vaşinqton Universiteti |
| Fəaliyyəti | Qoç Holdinq |
 Vikianbarda əlaqəli mediafayllar | |
İlk İllər redaktə
Mustafa Qoç 29 oktyabr 1960-cı ildə Rəhmi Qoç və Çiydəm Simavi cütlüyünün ilk övladları olaraq Ankarada dünyaya gəldi. 1971–1975 illəri arasında Sankt Georg Avstriya Liseyi və Ticarət Məktəbinin orta təhsilini tamamlamışdır. Lisey təhsilini 1980-ci ildə İsveçrədəki Lyceum Alpinum Zuozda, ali təhsilini isə 1984-cü ildə ABŞ-dakı Corc Vaşinqton Universitetində tamamladı.
Karyerası redaktə
İş həyatına 1984-cü ildə TOFAŞ-da müşavir olaraq başladı. Ram Xarici Ticarətdə Satış Müdiri və Satış Ümumi Müdir köməkçisi vəzifələrində çalışdı. 1992-ci ildən etibarən Qoç Holdinq Sədr Köməkçisi, Sədr, İdarə Heyəti Üzvlüyü və İdarə Heyəti Sədr Vəkili vəzifələrini icra etdi. 4 aprel 2003-cü ildə Qoç Holdinq İdarə Heyəti Sədrliyini atası Rəhmi Qoçdan götürdü.
Türk Sənayeçiləri və İş adamları Dərnəyi Yüksək Müşavirə Heyəti Fəxri Sədri olan Qoç, Xarici İqtisadi Əlaqələr Heyəti Üzvü olaraq vəzifə aldı. 2006-cı ildə Finlandiya İstanbul Fəxri Konsulu oldu. İstanbul Qolf Klubunun rəhbərliyini etdi. Fənərbaxça İdman Klubu konqres üzvü oldu.
Şəxsi Həyatı redaktə
1992-ci ildə Kerolayn Giraud ilə evləndi; cütlüyün bu evlilikdən iki qız uşağı oldu. Hobbiləri arasında Qolf, atçılıq, aviasiya və dalğıclıq yer aldı.
Vəfatı redaktə
21 yanvar 2016 tarixində səhər idmanı zamanı keçirdiyi ürək tutması nəticəsində ilk olaraq Bəykoz Dövlət Xəstəxanasına aparıldı. Təcili yardımda ilk müdaxilə edildikdən sonra Amerikan Xəstəxanasına aparıldı və burada edilən bütün müdaxilələrə baxmayaraq həyatını itirdi. 24 yanvar 2016 tarixində Mərmərə Universiteti İlahiyyat Fakültəsi Tətbiqət Məscidində cənazə mərasiminin ardından, Zəncirliquyu Qəbiristanlığına dəfn edildi.
Aldığı Mükafatlar redaktə
Türkiyədəki böyük İtalyan sərmayələrinin əhəmiyyətli ortaqlarından olan Qoça, 2005-ci ildə İtaliya ilə Türkiyə arasındakı mədəni və iqtisadi əlaqələrin inkişafına olan fəaliyyətləri səbəbiylə İtaliya Respublikasının ləyaqət ordeni verildi. 2012-ci ildə İtalyanın "İqtisadiyyat Oscar"ı olaraq bilinən Beynəlxalq Leonardo Mükafatına layiq görüldü. Bundan başqa, iqtisadi və sosial inkişaf sahəsindəki işləri səbəbiylə World Monuments Fund və Carnegie Fondu ilə BNP Paribas kimi təşkilatlar tərəfindən mükafatlandırıldı.
Üzvü Olduğu Təşkilatlar redaktə
- İstanbul Sənaye Palatası
- TÜSİAD
- DEİK
- Fənərbaxça İdman Klubu
- Young Presidents Organization (YPO)
- İstanbul Qolf Klubu
- 1907 Fənərbaxça Dərnəyi (Qurucu İstifadəçi)
- East West Institutee
İstinadlar redaktə
