Avropa Yayım Birliyi tərəfindən hər il ənənəvi olaraq keçirilən Avroviziya Mahnı Müsabiqəsində bu günə qədər altmış iki mahnı birincilik əldə etdi. 1956-cı ildən etibarən yayımlanan müsabiqə dünyada yayımı davam edən ən uzunmüddətli televiziya verilişlərindən biridir. Yayımlandığı müddət ərzində müsabiqədə müxtəlif növ səsvermə metodlarından istifadə olundu. Hal-hazırda müsabiqədə iştirak edən ölkələrin təşkil etdiyi münsiflər heyəti və tamaşaçıların göndərdiyi səslərlə qalibin təyin edildiyi metod tətbiq olunur. Bu sistemdə 50 % münsiflər heyətinin, 50% tamaşaçıların verdiyi səslər nəzərə alınmaqla hər bir ölkə favorit hesab etdikləri mahnıya1-7, 8, 10, 12 bal verir və nəticədə ən çox bal yığmış iştirakçı qalib elan olunur.[1] 1956-cı ildə keçirilmiş ilk Avroviziya Mahnı Müsabiqəsində səsvermə keçirilməsinə baxmayaraq iştirakçıların topladıqları ballar açıqlanmadı, yalnız qalibin kim olduğu elan edildi.[2]1969-cu ildə keçirilmiş müsabiqədə hər biri 18 bal toplamış dörd ölkə (İspaniya, Niderland, Fransa və Böyük Britaniya) birinciliyi bölüşdü. Bu günə kimi iyirmi altı müxtəlif ölkə müsabiqədə birincilik əldə etdi. 2011-ci ildə qalib olan Azərbaycan qaliblər siyahısında adı yazılan son ölkə oldu. 1956-cı ildə İsveçrəninLuqano şəhərində keçirilmiş ilk müsabiqənin qalibi ev sahibi İsveçrə oldu. İrlandiya bu müsabiqədə yeddi dəfə birinci olaraq ən çox qalib gələn ölkə oldu. Portuqaliya isə müsabiqədə ilk iştirak edən ölkələrdən biri kimi bu günə qədər heç qalib ola bilmədi və 2008-ci ildə Avroviziyada iştirak etmiş ölkələr arasında 41-ci yeri tutdu. Müsabiqədə İrlandiyanı üç dəfə müxtəlif yollarla təmsil etmiş Conni Loqan müsabiqədə birdən çox qələbə qazanan yeganə şəxs oldu. Loqan 1980-ci ildə "What's Another Year" mahnısının ifaçısı, 1987-ci ildə "Hold Me Now" mahnısının ifaçısı və sözlərinin müəllifi, 1992-ci ildə isə Linda Martinin ifa etdiyi "Why Me?" mahnısının sözlərinin müəllifi olaraq İrlandiyanı təmsil etdi və qələbə qazandı.
Avroviziya Mahnı Müsabiqəsi qalib olanlara beynəlxalq arenada özlərini tanıdmaq, karyeralarını başlatmaq və ya davam etdirmək üçün bir fürsət verir. Lakin müsabiqədə qalib olanlar arasından çox az adam beynəlxalq məşhurluq qazandı. Müsabiqədə qazandığı qələbə ilə ulduzu parlayanlar arasından ən başlıcası 1974-cı ildə İsveçi "Waterloo" mahnısı ilə təmsil edən və qalib olan ABBA qrupudur. ABBA qrupu öz dövrünün ən məşhur musiqi qruplarından biri idi.[3] Digər bir məşhur isə 1988-ci ildə İsveçrəni "Ne partez pas sans moi" mahnısı ilə təmsil edən və qələbə qazanması ilə dünya ulduzu olan Selin Diondur. Lakin Dionun dünya miqyasında müsabiqədən bir neçə il sonra məşhurlaşmışdır və tamamilə müsabiqə ilə əlaqəsi yoxdur.[4]
Solda: 1956-cı ildə ilk dəfə keçirilmiş Avroviziya müsabiqəsinin qalibi Liz Assia ilə 2008-ci ildəki müsabiqənin qalibi Dima Bilan. Sağda: 2011-ci il yarışmasının qalibləri Ell & Nikki.
On bir Avroviziya qalibi ilə birgə müsabiqədə qalib gələ bilməyən üç ölkənin də iştirak etdiyi Congratulations adlı konsert 2005-ci ildə keçirildi və ABBA qrupunun "Waterloo" mahnısı müsabiqənin ilk əlli ilinin ən yaxşı mahnısı seçildi.[5]
Böyük Britaniya Avroviziya Mahnı Müsabiqəsində on beş dəfə ikinci oldu. 1975-ci ildə tətbiqinə başlanmış səsvermə sistemindən etibarən müsabiqənin qalibi səs verən son on ölkə tərəfindən təyin olundu.[6]
.svg){kind=small}
İtaliya