Qüdrət Həsənquliyev

Həsənquliyev Qüdrət Müzəffər oğlu (9 dekabr 1965(1965-12-09), Əbrəqunis, Naxçıvan MSSR) — Azərbaycan Respublikası Milli Məclisinin deputatı, Milli Məclisin Hüquq Siyasəti və Dövlət Quruculuğu Komitəsi və Hesablayıcı Komissiyasının sədr müavini.

Qüdrət Həsənquliyev
Qüdrət Həsənquliyev.jpg
Bütöv Azərbaycan Xalq Cəbhəsi Partiyasının sədri
2004 — halhazırda
Şəxsi məlumatlar
Partiya

AXCP(1993-2001)

BAXCP (2004-bugün)
Təhsili Bakı Dövlət Universiteti Hüquq fakültəsi
İxtisası hüquqşünas
Doğum tarixi 9 dekabr 1965(1965-12-09)
Doğum yeri Əbrəqunus, Culfa rayonu, Naxçıvan MSSR, Azərbaycan SSR

Bütöv Azərbaycan Xalq Cəbhəsi Partiyasının qurucusu və hal-hazırdakı sədridir.

2003-cü, 2008-ci 2013-cü2018-ci illərdə Azərbaycan Respublikası prezidenti seçkilərində namizəd.

HəyatıRedaktə

= Qüdrət Həsənquliyev 9 dekabr 1965-ci ildə Naxçıvan Muxtar Respublikasının Culfa rayonunda Əbrəqunus kəndində anadan olub. 1992-ci ildə Bakı Dövlət Universiteti Hüquq fakültəsini fərqlənmə diplomu ilə bitirib. Bakı şəhər Nəsimi rayon prokurorluğunda müstəntiq, Azərbaycan Respublikası Dövlət Katibinin köməkçisi, Asiya Universitetinin baş müəllimi, Mərkəzi Seçki Komissiyasının katibi vəzifələrində çalışıb.

Siyasi FəaliyyətiRedaktə

1993-cü ildən Azərbaycan Xalq Cəbhəsi sədrinin müşaviri, 1998-ci ildən AXCP Rəyasət heyətinin üzvü olub.Əbülfəz Elçibəy xəstələndikdən və müalicə üçün Türkiyəyə yola düşdükdən sonra AXCP-də daxili ziddiyyətlər daha da dərinləşərək idarəolunmaz hala gəldi. AXCP faktiki olaraq iki siyasi qanada – “islahatçılar”a və “klassiklərə” parçalandı.

Həmin dövrdə partiyanın parçalanmasının qarşısını məqsədilə açıq mesajlar verən və əməli addımlar atan şəxslərdən biri Əbülfəz Elçibəyin müşaviri, AXCP Rəyasət Heyətinin üzvü Qüdrət Həsənquliyev idi.

2000-ci il iyul ayının 19-da AXCP-nin “klassiklər” adlanan qanadı partiyanın bir sıra rayon təşkilatlarının iştirakı ilə müşavirə çağırdı. Əks tərəfdə - AXCP-nin “islahatçılar” qanadında təmsil olunmasına baxmayaraq, Qüdrət Həsənquliyev “klassiklər”in müşavirəsinə qatıldı və çıxış edərək partiya üzvlərini təşkilatı parçalamamağa çağırdı.

Bu hadisədən 1 gün sonra Əbülfəz Elçibəy dünyasını dəyişdi.

2001-ci ildə AXCP-nin yenidən vahid bir təşkilata çevrilməsi üçün partiyanın hər iki qanadının rəhbərliyi ilə danışıqlara başlanıldı. Lakin tərəflər əksər AXCP üzvlərinin vahid bir siyasi partiyada təmsil olunmaq istəklərini nəzərə almadılar. Öncədən partiyanın birləşdirilməsi üçün yaradılmış Təşkilat Komitəsində təmsil olunmağa, birləşdirici qurultayın çağırılmasına razı olsalar da sonradan öz əvvəlki mövqelərindən geri çəkildilər.

Yenə də AXCP-nin Birləşdirici Qurultayına Hazırlıq üzrə Təşkilat Komitəsi yaradıldı. AXCP-nin vahid bir təşkilat kimi qorunub saxlanılmasında maraqlı olan rayon təşkilatlarının seçkili orqanları bəyanatla çıxış edərək AXCP-nin Birləşdirici Qurultayına Hazırlıq üzrə Təşkilat Komitəsinə qoşuldular.

2002-ci il avqustun 19-da Şəhriyar adına Mədəniyyət Sarayında AXCP-nin birləşdirici qurultayı keçirildi. Qurultayda partiyanın yeni Nizamnamə və Məramnaməsi qəbul edildi. Qurultaya Hazırlıq üzrə Təşkilat Komitəsinin həmsədri Qüdrət Həsənquliyev alternativ əsaslarla və gizli səsvermə yolu ilə AXCP-nin sədri seçildi.

Azərbaycan Respublikasının Ədliyyə Nazirliyi təqdim olunan təkzibedilməz faktlar və sənədlər əsasında birləşmiş Xalq Cəbhəsi Partiyasını AXCP-nin yeganə hüquqi varisi kimi tanısa da, sonradan xarici qüvvələrin təzyiqi qarşısında hökumət geri çəkildi və partiyanın dövlət qeydiyyatı ləğv olundu.

Partiyanın sədri Qüdrət Həsənquliyev 86 saylı İsmayıllı Seçki Dairəsindən Azərbaycan Respublikasının Milli Məclisinə 2003-cü ilin mart ayında keçirilən təkrar seçkilərdə iştirak etdi və seçki prosesini qələbə ilə başa vurdu.

Dövlət qeydiyyatı ilə bağlı yaranmış problemin həlli məqsədilə 2004-cü il aprelin 3-də partiyanın təsis konfransı çağırıldı və təsis konfransında Əbülfəz Elçibəyin mənəvi mirası olan, eləcə də partiyanın Məramnaməsində yer alan Bütöv Azərbaycançılıq məfkurəsi partiyanın adında yer aldı. Beləliklə Azərbaycan Milli Azadlıq Hərəkatının və Azərbaycan Xalq Cəbhəsinin ideoloji xəttinin davamçısı olan partiya fəaliyyətini Bütöv Azərbaycan Xalq Cəbhəsi adı ilə davam etdirməyə başladı.

BAXCPRedaktə

2004-cü ildə Bütöv Azərbaycan Xalq Cəbhəsi Partiyasını (BAXCP) yaradıb.

7 saylı Ordubad-Culfa seçki dairəsindən 3 dəfə millətvəkili Seçilmişdir.

2003,2008,2013,2018-ci illərdə Azərbaycan Respublikası Prezident seçkilərində iştirak etmişdir.

Qüdrət Həsənquliyev 2008,2013,2018-ci ildə keçirilən qurultaylarında növbəti dəfə BAXCP-nin sədri seçilib.

MükafatlarıRedaktə

Parlament Jurnalistləri Birliyi tərəfindən 2004-cü ildə təqdim olunan «İlin Ən fəal millət vəkili» nominasiyası üzrə «Mütərəqqi ideyalar müəllifi» mükafatı ilə təltif olunub.

2005, 2006, 2007, 2008, 2009, 2010,2011,2012,2013,2014,2015,2016,2017-ci illərdə Parlament Jurnalistləri Birliyi tərəfindən müxtəlif mətbuat orqanlarının nümayəndələri arasında keçirilən sorğuda ilin ən fəal beş millət vəkilndən biri seçilib.

Şəxsi həyatıRedaktə

Evlidir, 2 övladı vardır.

Həmçinin baxRedaktə

İstinadlarRedaktə

Xarici keçidlərRedaktə