Qüdrət Həsənquliyev
Qüdrət Müzəffər oğlu Həsənquliyev (29 yanvar 1965, Əbrəqunis, Culfa rayonu) — siyasətçi, Azərbaycan Respublikası Milli Məclisinin II, III, IV, V və VI çağırış deputatı, Milli Məclisin Hüquq Siyasəti və Dövlət Quruculuğu Komitəsinin sədr müavini, Bütöv Azərbaycan Xalq Cəbhəsi Partiyasının qurucusu və hazırkı sədri, 2003-cü, 2008-ci 2013-cü və 2018-ci illərdə Azərbaycan Respublikası prezidenti seçkilərində prezidentliyə namizəd, Azərbaycan Respublikası Mərkəzi Seçki Komissiyasının üzvü (2000–2003).
| Qüdrət Həsənquliyev | |
|---|---|
 | |
Vəzifədədir | |
| 5 mart 2003-cü ildən | |
| Seçki dairəsi | 2003 — 86 saylı İsmayıllı 2005 — 97 saylı Goranboy-Ağdam-Tərtər 2010 — 7 saylı Ordubad-Culfa 2015 — 7 Ordubad-Culfa 2020 — 36 saylı Xətai dördüncü |
| Əvvəlki | Mirmövsüm Abbasov (86 saylı) Vəzifə təsis edildi. (97 saylı) Əkrəm Əylisli (7 saylı) Səməd Seyidov (36 saylı) |
| Sonrakı | Vəzifə ləğv edildi. (86 saylı) Gülçöhrə Məmmədova (97 saylı) Cəbi Quliyev (7 saylı) |
Vəzifədədir | |
| 4 aprel 2004-cü ildən | |
| 18 iyun 2000 – 21 fevral 2003 | |
| Təmsil etdiyi | Azərbaycan Xalq Cəbhəsi Partiyası |
| 1995 – 2000 | |
| Sədr | Əbülfəz Elçibəy |
| 1993 – 1995 | |
| Sədr | Əbülfəz Elçibəy |
| Şəxsi məlumatlar | |
| Doğum adı | Qüdrət Müzəffər oğlu Həsənquliyev |
| Doğum tarixi | 29 yanvar 1965 (58 yaş) |
| Doğum yeri | |
| Partiya |
|
| Təhsili | |
 Vikianbarda əlaqəli mediafayllar | |
HəyatıRedaktə
Qüdrət Həsənquliyev 29 yanvar 1965-ci ildə Naxçıvan Muxtar Respublikasının Culfa rayonunda Əbrəqunus kəndində anadan olub. 1992-ci ildə Bakı Dövlət Universiteti Hüquq fakültəsini fərqlənmə diplomu ilə bitirib. Bakı şəhər Nəsimi rayon prokurorluğunda müstəntiq, Azərbaycan Respublikası Dövlət Katibinin köməkçisi, Asiya Universitetinin baş müəllimi vəzifələrində çalışıb.
Evlidir, 2 övladı vardır.
Siyasi fəaliyyətiRedaktə
Erkən fəaliyyətiRedaktə
1993-cü ildən Azərbaycan Xalq Cəbhəsi sədrinin müşaviri, 1998-ci ildən Azərbaycan Xalq Cəbhəsi Partiyası Rəyasət Heyətinin üzvü olub. Əbülfəz Elçibəy xəstələndikdən və müalicə üçün Türkiyəyə yola düşdükdən sonra Azərbaycan Xalq Cəbhəsi Partiyasında daxili ziddiyyətlər daha da dərinləşərək idarəolunmaz hala gəldi. AXCP faktiki olaraq iki siyasi qanada – "islahatçılar"a və "klassiklərə" parçalandı.
2000-ci il iyul ayının 19-da AXCP-nin "klassiklər" adlanan qanadı partiyanın bir sıra rayon təşkilatlarının iştirakı ilə müşavirə çağırdı. AXCP-nin "islahatçılar" qanadında təmsil olunmasına baxmayaraq, Qüdrət Həsənquliyev "klassiklər"in müşavirəsinə qatıldı və çıxış edərək partiya üzvlərini təşkilatı parçalamamağa çağırdı. Bu hadisədən 1 gün sonra Əbülfəz Elçibəy dünyasını dəyişdi.
Partiyanın parçalanmasının qarşısını məqsədilə Əbülfəz Elçibəyin müşaviri, Azərbaycan Xalq Cəbhəsi Partiyası Rəyasət Heyətinin üzvü Qüdrət Həsənquliyev 2001-ci ildə Azərbaycan Xalq Cəbhəsi Partiyasının yenidən vahid bir təşkilata çevrilməsi üçün partiyanın hər iki qanadının rəhbərliyi ilə danışıqlara başlanıldı. Lakin tərəflər əksər AXCP üzvlərinin vahid bir siyasi partiyada təmsil olunmaq istəklərini nəzərə almadılar. Öncədən partiyanın birləşdirilməsi üçün yaradılmış Təşkilat Komitəsində təmsil olunmağa, birləşdirici qurultayın çağırılmasına razı olsalar da sonradan öz əvvəlki mövqelərindən geri çəkildilər. Buna baxmayaraq, Azərbaycan Xalq Cəbhəsi Partiyası Birləşdirici Qurultayına Hazırlıq üzrə Təşkilat Komitəsi yaradıldı. Azərbaycan Xalq Cəbhəsi Partiyasının vahid bir təşkilat kimi qorunub saxlanılmasında maraqlı olan rayon təşkilatlarının seçkili orqanları bəyanatla çıxış edərək Azərbaycan Xalq Cəbhəsi Partiyasının Birləşdirici Qurultayına Hazırlıq üzrə Təşkilat Komitəsinə qoşuldular.
2002-ci il avqustun 19-da Şəhriyar adına Mədəniyyət Sarayında Azərbaycan Xalq Cəbhəsi Partiyasının birləşdirici qurultayı keçirildi. Qurultayda partiyanın yeni Nizamnamə və Məramnaməsi qəbul edildi. Qurultaya Hazırlıq üzrə Təşkilat Komitəsinin həmsədri Qüdrət Həsənquliyev alternativ əsaslarla və gizli səsvermə yolu ilə Azərbaycan Xalq Cəbhəsi Partiyasının sədri seçildi.
Azərbaycan Respublikasının Ədliyyə Nazirliyi təqdim olunan sənədlər əsasında birləşmiş Azərbaycan Xalq Cəbhəsi Partiyasını AXCP-nin yeganə hüquqi varisi kimi tanısa da, sonradan xarici qüvvələrin təzyiqi qarşısında partiyanın dövlət qeydiyyatı ləğv olundu.
Qüdrət Həsənquliyev Azərbaycan Respublikasının Milli Məclisinə 2003-cü ilin mart ayında keçirilən təkrar seçkilərdə iştirak etdi və dairədə lider namizəd olaraq deputat seçildi.
Bütöv Azərbaycan Xalq Cəbhəsi PartiyasıRedaktə
Dövlət qeydiyyatı ilə bağlı yaranmış problemin həlli məqsədilə 2004-cü il aprelin 3-də partiyanın təsis konfransı çağırıldı və təsis konfransında Əbülfəz Elçibəyin mənəvi mirası olan, eləcə də partiyanın Məramnaməsində yer alan Bütöv Azərbaycançılıq məfkurəsi partiyanın adında yer aldı. Beləliklə Azərbaycan Milli Azadlıq Hərəkatının və Azərbaycan Xalq Cəbhəsinin ideoloji xəttinin davamçısı olan partiya fəaliyyətini Bütöv Azərbaycan Xalq Cəbhəsi adı ilə davam etdirməyə başladı. Qurultayda partiyanın sədri Qüdrət Həsənquliyev seçilmişdir.
7 iyun 2008, 2 iyun 2013, aprel 2018 və 22 oktyabr 2022-ci illərdə keçirilən BAXCP qurultaylarında Qüdrət Həsənquliyev yenidən partiya sədri seçilmişdir.[1]
Deputat fəaliyyətiRedaktə
Qüdrət Həsənquliyev 2003-cü il Azərbaycan Parlamentinə təkrar seçkilərdə 86 saylı İsmayıllı seçki dairəsindən, 2005-ci ildə 97 saylı Goranboy-Ağdam-Tərtər seçki dairəsindən, 2010-cu il və 2015-ci il seçkilərində 7 saylı Ordubad-Culfa seçki dairəsindən və 2020-ci il seçkilərində isə 36 saylı Xətai dördüncü seçki dairəsindən millət vəkili seçilmişdir.
Azərbaycan Respublikasının Milli Məclisinin III çağırışında Hüquq siyasəti və dövlət quruculuğu məsələləri Daimi Komissiyasının üzvü[2], IV çağırışında Hüquq siyasəti və dövlət quruculuğu Komitəsinin üzvü[3], V çağırışında Hüquq siyasəti və dövlət quruculuğu Komitəsinin və Hesablayıcı Komissiyanın üzvü,[4] VI çağırışında isə Hüquq siyasəti və dövlət quruculuğu Komitəsinin sədr müavini olmuşdur.[5]
Prezidentliyə namizədRedaktə
2003, 2008, 2013 və 2018-ci illərdə keçirilən Azərbaycan Respublikası Prezident seçkilərində iştirak etmişdir.
MükafatlarıRedaktə
Parlament Jurnalistləri Birliyi tərəfindən 2004-cü ildə təqdim olunan "İlin Ən fəal millət vəkili" nominasiyası üzrə "Mütərəqqi ideyalar müəllifi" mükafatı ilə təltif olunub.
2005, 2006, 2007, 2008, 2009, 2010,2011,2012,2013,2014,2015,2016,2017-ci illərdə Parlament Jurnalistləri Birliyi tərəfindən müxtəlif mətbuat orqanlarının nümayəndələri arasında keçirilən sorğuda ilin ən fəal beş millət vəkilndən biri seçilib.
MənbəRedaktə
- Qüdrət Müzəffər oğlu Həsənquliyev Arxivləşdirilib 2011-08-23 at the Wayback Machine
- BAXCP. AZ Arxivləşdirilib 2018-02-26 at the Wayback Machine
İstinadlarRedaktə
- ↑ https://www.xalqcebhesi.az/news/politics/115700.html?fbclid=IwAR2DXJ7HZQXu2ZDd5WCyHageVvFag32ke7nZIzuPaLpgXYUmkbbd1iEITyA
- ↑ "Azərbaycan Milli Məclisinin Hüquq siyasəti və dövlət quruculuğu məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 14.12.2005-ci il tarixli 9-VIIQR nömrəli Qərarı" ( (az.)). 14.12.2005. 2020-08-21 tarixində arxivləşdirilib. İstifadə tarixi: 20.08.2020.
- ↑ "Azərbaycan Milli Məclisinin Hüquq siyasəti və dövlət quruculuğu Komitəsinin üzvlərinin seçilməsi haqqında Azərbaycan Milli Məclisinin 30 noyabr 2010-cu il tarixli 9-IVQR nömrəli Qərarı". www.e-qanun.az ( (az.)). 30.11.2010. 2021-08-30 tarixində arxivləşdirilib. İstifadə tarixi: 18.08.2020.
- ↑ "Azərbaycan Milli Məclisinin Komitələrinin sədrlərinin seçilməsi haqqında Azərbaycan Milli Məclisinin 24 noyabr 2015-ci il tarixli 7-VQR nömrəli Qərarı". www.e-qanun.az ( (ing.)). 24.11.2015. 2015-11-28 tarixində arxivləşdirilib. İstifadə tarixi: 18.08.2020.
- ↑ "Azərbaycan Milli Məclisi Komitələrinin sədr müavinlərinin seçilməsi haqqında Azərbaycan Milli Məclisinin 10 mart 2020-ci il tarixli 8-VIQR nömrəli Qərarı" ( (az.)). 10.03.2020. 20.08.2020 tarixində arxivləşdirilib. İstifadə tarixi: 20.08.2020.