Bütöv Azərbaycan Xalq Cəbhəsi Partiyası
Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
Bütöv Azərbaycan Xalq Cəbhəsi Partiyası — 3 aprel 2004-cü ildə millətvəkili Qüdrət Həsənquliyev tərəfindən 2002-ci ildə 2 yerə bölünmüş Azərbaycan Xalq Cəbhəsini birləşdirmək üçün Təsis Konfransı çağırıldı. Konfransda Qüdrət Həsənquliyev partiyanın lideri seçildi və partiyanın məramnaməsində yer alan "Bütöv Azərbaycan" ideyası partiyanın adında yer aldı.
Bütöv Azərbaycan Xalq Cəbhəsi Partiyası Bütöv Azərbaycan Xalq Cəbhəsi Partiyası | |
|---|---|
 | |
| Sədri | Qüdrət Həsənquliyev |
| Qurucu | Qüdrət Həsənquliyev |
| Lideri | Əbülfəz Elçibəy |
| Baş katib | Yaşar Kələntərli |
| Quruluş tarixi | 3 aprel 2004 |
| Qeydiyyat tarixi | 12 avqust 2005 |
| Sələfi | Azərbaycan Xalq Cəbhəsi Partiyası |
| Xələfi | Azərbaycan Xalq Cəbhəsi Partiyası |
| Baş qərargah | Bakı ş. Yasamal rayonu, Mirəli Seyidov küç.23 |
| İdeologiya | Bütövçülük, dövlətçilik, demokratiya,azad iqtisadiyyat |
| Üzv sayı | 15 minə yaxın [1] |
| Şüar | Bütöv və Qüdrətli Azərbaycan uğrunda |
| Parlamentdə |
1 / 125 9 fevral 2020 |
| Mətbuat orqanı | Xalq Cəbhəsi |
| Saytı | baxcp.az |
TarixiRedaktə
Bütöv Azərbaycan Xalq Cəbhəsi Partiyası (BAXCP) Azərbaycan Xalq Cəbhəsi (AXC), Azərbaycan Xalq Cəbhəsi Partiyası (AXCP) və Azərbaycan Milli Azadlıq Hərəkatının fəallarının təşəbbüsü ilə yaradılmıdır. Azərbaycan Xalq Cümhuriyyətinin ideoloji əsaslarına və dövlətçilik modelinə söykənən siyasi konsepsiayaya malik sağ mərkəzçi partiyadır.
1997-ci ildə Əbülfəz Elçibəy Kələkidən Bakıya qayıtdı və bütün siyasi qüvvələri ölkədə vətəndaş həmrəyliyi və milli birliyin təmin etmək üçün vahid mövqedən çıxış etməyə çağırdı. Əbülfəz Elçibəyin tarixi çağırışını düzgün dəyərləndirə bilmədilər.
Əbülfəz Elçibəy xəstələndikdən və müalicə üçün Türkiyəyə yola düşdükdən sonra AXCP-də daxili ziddiyyətlər daha da dərinləşərək idarəolunmaz hala gəldi. AXCP faktiki olaraq iki siyasi qanada – "islahatçılar"a və "klassiklərə" parçalandı.
2000-ci il iyul ayının 19-da AXCP-nin "klassiklər" adlanan qanadı partiyanın bir sıra rayon təşkilatlarının iştirakı ilə müşavirə çağırdı. AXCP-nin "islahatçılar" qanadında təmsil olunmasına baxmayaraq, Qüdrət Həsənquliyev "klassiklər"in müşavirəsinə qatıldı və çıxış edərək partiya üzvlərini təşkilatı parçalamamağa çağırdı. Bu hadisədən 1 gün sonra Əbülfəz Elçibəy dünyasını dəyişdi.
Partiyanın parçalanmasının qarşısını məqsədilə Əbülfəz Elçibəyin müşaviri, AXCP Rəyasət Heyətinin üzvü Qüdrət Həsənquliyev 2001-ci ildə AXCP-nin yenidən vahid bir təşkilata çevrilməsi üçün partiyanın hər iki qanadının rəhbərliyi ilə danışıqlara başlanıldı, lakin tərəflər əksər AXCP üzvlərinin vahid bir siyasi partiyada təmsil olunmaq istəklərini nəzərə almadılar. Öncədən partiyanın birləşdirilməsi üçün yaradılmış Təşkilat Komitəsində təmsil olunmağa, birləşdirici qurultayın çağırılmasına razı olsalar da sonradan öz əvvəlki mövqelərindən geri çəkildilər. Buna baxmayaraq, AXCP-nin Birləşdirici Qurultayına Hazırlıq üzrə Təşkilat Komitəsi yaradıldı. AXCP-nin vahid bir təşkilat kimi qorunub saxlanılmasında maraqlı olan rayon təşkilatlarının seçkili orqanları bəyanatla çıxış edərək AXCP-nin Birləşdirici Qurultayına Hazırlıq üzrə Təşkilat Komitəsinə qoşuldular.
2002-ci il avqustun 19-da Şəhriyar adına Mədəniyyət Sarayında AXCP-nin birləşdirici qurultayı keçirildi. Qurultayda partiyanın yeni Nizamnamə və Məramnaməsi qəbul edildi. Qurultaya Hazırlıq üzrə Təşkilat Komitəsinin həmsədri Qüdrət Həsənquliyev alternativ əsaslarla və gizli səsvermə yolu ilə AXCP-nin sədri seçildi.
Azərbaycan Respublikasının Ədliyyə Nazirliyi təqdim olunan sənədlər əsasında birləşmiş Azərbaycan Xalq Cəbhəsi Partiyasını AXCP-nin yeganə hüquqi varisi kimi tanısa da, sonradan xarici qüvvələrin təzyiqi qarşısında partiyanın dövlət qeydiyyatı ləğv olundu.
Dövlət qeydiyyatı ilə bağlı yaranmış problemin həlli məqsədilə 2004-cü il aprelin 3-də partiyanın təsis konfransı çağırıldı və təsis konfransında Əbülfəz Elçibəyin mənəvi mirası olan, eləcə də partiyanın Məramnaməsində yer alan Bütöv Azərbaycançılıq məfkurəsi partiyanın adında yer aldı. Beləliklə Azərbaycan Milli Azadlıq Hərəkatının və Azərbaycan Xalq Cəbhəsinin ideoloji xəttinin davamçısı olan partiya fəaliyyətini Bütöv Azərbaycan Xalq Cəbhəsi adı ilə davam etdirməyə başladı. Qurultayda partiyanın sədri Qüdrət Həsənquliyev seçilmişdir.
SeçkilərdəRedaktə
Milli MəclisRedaktə
| Seçki | Sədr | Nəticə | ||
|---|---|---|---|---|
| Səs | % | Mandat | ||
| 2005 | .jpg) Qüdrət Həsənquliyev |
1 / 125
| ||
| 2010 | Qüdrət Həsənquliyev |
24 499 | 1.03 | 1 / 125
|
| 2015 | Qüdrət Həsənquliyev |
42 359 | 1.49 | 1 / 125
|
| 2020 | Qüdrət Həsənquliyev |
1 / 125
| ||
Bələdiyyə seçkiləriRedaktə
| Seçki | Sədr | Səs | Yer | ||
|---|---|---|---|---|---|
| # | % | ± | |||
| 2009[2] | Qüdrət Həsənquliyev | 95 / 15.591
| |||
| 2014 | Qüdrət Həsənquliyev | ||||
| 2019 | Qüdrət Həsənquliyev | ||||
Ara bələdiyyə seçkiləriRedaktə
| Seçki | Sədr | Səs | Bələdiyyə üzvü | |
|---|---|---|---|---|
| # | % | |||
| 2006[3] | Qüdrət Həsənquliyev | 6 / 1.901
| ||
| 2011 | Qüdrət Həsənquliyev | |||
Beynəlxalq əlaqələriRedaktə
13.11.2015-də Tunisdəki Konfransda BAXCP Avropa Parlamentinde sayca 3-cü ən güclü fraksiyaya malik Avropa Mühafizəkarlar və İslahatçılar Alyansının tamhüquqlu üzvü oldu.
RəmzləriRedaktə
BAXCP-nin emblemi "AXC" yazılmış sözdən və "C" hərfinin içərisində yerləşdirilmiş Azərbaycan bayrağından ibarətdir. Partiya sədrinin müavini Elçin Mirzəbəylinin sözlərinə görə, xalq hərəkatı zamanında Azərbaycan Xalq Cəbhəsinin emblemi Türkiyədə çap olunduğu üçün onu "AHC" kimi çap ediblər: "Biz isə bu yanlışlığı aradan qaldırıb Azərbaycan Xalq Cəbhəsi kimi qəbul etdik".
Partiyanın bayrağı isə ağ atlasdır. Bayrağın üzərində qeyd olunan simvol əks edilib. Ağ rəngin mənası isə sülhsevərlik və saflıqdır[4].
QərargahıRedaktə
Bütöv Azərbaycan Xalq Cəbhəsi Partiyasının qərargahını yeni hesab etmək olar. Belə ki, uzun müddət Meliorasiya və Su Təsərrüfatı Komitəsinin nəzdindəki Azərbaycan Elmi-Tədqiqat Hidrotexnika və Meliorasiya İnstitutu Elm İstehsalat Birliyinin binasında yerləşən partiya sonradan buradan çıxarıldı. BAXCP hazırda "Xalq Cəbhəsi" qəzeti ilə birlikdə Yasamal rayonu, Seyidov küçəsi 23-də fəaliyyət göstərir[5].
İstinadlarRedaktə
- ↑ "Arxivlənmiş surət". 2018-03-17 tarixində arxivləşdirilib. İstifadə tarixi: 2021-10-03.
- ↑ "Siyahıya YAP liderlik edir". 2021-11-14 tarixində arxivləşdirilib. İstifadə tarixi: 2023-04-26.
- ↑ "Bələdiyyə üzvlüyünə 20 siyasi partiyanın təmsilçiləri və 692 nəfər bitərəf seçilib". 2022-08-12 tarixində arxivləşdirilib. İstifadə tarixi: 2023-05-13.
- ↑ "Partiyaların simvolları – ARAŞDIRMA". 2009-12-08 tarixində orijinalından arxivləşdirilib. İstifadə tarixi: 2009-12-05.
- ↑ "Partiyalarımız hara sığınır?". 2010-02-06 tarixində orijinalından arxivləşdirilib. İstifadə tarixi: 2010-02-04.
Həmçinin baxRedaktə
- BAXCP. AZ Arxivləşdirilib 2018-02-26 at the Wayback Machine
- www.xalqcebhesi.az
|
Siyasi partiya haqqında olan bu məqalə qaralama halındadır. Məqaləni redaktə edərək Vikipediyanı zənginləşdirin. |